المساعد الشخصي الرقمي

اعرض النسخة الكاملة : تعرف المصرى إزاااااااااااااااااااااى‎

sayed_80
11.04.2009, 23:00
بسم الله الرحمن الرحيم

- أنتا تعرف حد أسمو المصرى

ده بنى أدم من بلد أسمها مصر و بيقولو عليها أم الدنيا

- طب المصرى ده شكلو عامل أزاى :

زى الناس العاديين بالظبط

- طب انا أتعرف عليه من وسط الناس أزاى :

يووووووووه أنتا وجعت دماغى .

انا هأولك شويه مواصفات مش هتلاقيها غير عندو و بكده هتعرف تفرقو عن بقيه الناس


المصري هو اللّي :


ممكن يعدي التلاتين ولسه عايش مع أمه وأبوه وماعندهومش مشكلة



بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد


بيحط الريموت كونترول في كيس بلاستيك كعادة فرعونية


يقف يتكلم على الباب نص ساعة بعد إنتهاء الزيارة والسلام


لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد


لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه


بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال


بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش


بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش



بيشيل طابع البريد من على الظرف لو الختم ماكانش عليه




لو ربنا كرمة و أشترى عربية جديدة فورا بيركب للكراسي فرش

طبعا غير الموبيل لازم يركبله وش جديد



برده بيتخانق ساعة دفع الحساب بحرارة شديدة على إنه هو اللي لازم يدفع


سرقوا منه العربية بس مشكلته هي المايتي زينجر


بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا


عندة مشاكل فى البيت والشغل وكل مكان وعندة هم يهد جبال وتلاقية بيضحك ويقولك نكت كمان






تلاقية بيتسرق وحقة ضايع فى البيت والشغل والمية والكهربة والتلفون وال........؟ ويقولك فوت وعديها وانا بأيدى اعمل ايةوجيبى مفهوش جنية هههههههه وعجبى



تصدق نسيت اقولك ان انا مصرى وابن مصرى كمان
maro_1616
11.04.2009, 23:22
هههههههههههههههههههههههههههههههههههههههههههههههههه هههههههههههههههههههههههههههههه
أنته مسبتش حاجه عمونا سيد..
IiI sabra IiI
11.04.2009, 23:37
هههههههههههههههههه جميلة
ربنا يكرمك اخي سيد
ويباركلنا في اهل مصر الطيبيين
السلام عليكم
أم حفصة
12.04.2009, 01:19
السلام عليكم ورحمة الله تعالى وبركاته
وجزاكم الله خيرا احي سيد ، وتحية لآهل مصر.
Telmeeth_ALRAJI
13.04.2009, 03:06
حال المصري كحال أي عربي في العصر الحالي ، وأرى أن يتم نقل الموضوع الى قسم الفكاهة ، الا اذا كان أخي صاحب الموضوع يراه من الأمور التي يلزم تحليلها فكريا أو سياسيا أو فلسفيا
أبوجنة
13.04.2009, 08:47
هو فى فكاهة أفكه من التحليلات السياسية فى عصرنا الحالى؟

خليه هنا يا أخى

و بعدين هو فين قسم الفكاهة ده؟
أبو عبد الله محمد بن يحيى
13.04.2009, 11:56
برده بيتخانق ساعة دفع الحساب بحرارة شديدة على إنه هو اللي لازم يدفع

أيوه يا عم سيد -طارق ونيو هيومان همّ اللي تخانقوا علشان يدفعو ا-
أضحك الله سنك يا أستاذ سيد !!
asd asd2008
20.04.2009, 16:41
السلام عليكم
تعرف ياأبو عبد الرحمن إيه أكتر حاجه تعرف بيها المصري ؟؟؟؟؟
أقولك ,,,,حاضر
المصري هوه اللي يفضل في المعتقل التعليمي 16سنه علشان يصمم فيلا ده إن صمم أو علشان يعمل عمليه جراحيه بعد 19سنه تعليم ده إن عمل ,,,وكأنهم بيعلموا حمير ولو مؤاخذه دول حتي الحمير بيتعلموا بسرعه تعرف إنته أكيد حكايه الرجلين اللي إختلفوا علي حمار أعزكم الله فاتفقوا إنهم يسبوا الحمار يشتغل في الحقل وءاخر النهار يشوفوه هيروح عند مين يبقي بتاعه ,,وده علشان الحمير بتفهم ,,لكن لازم علشان تدخل الهندسه لازم تقعد 12سنه منهم 6إبتدائي وثلاثه إعدادي وثلاثه ثانوي علشان تتأهل وتدخل الكليه ولما تدخل الكليه متتعلمش حاجه لمدة خمس سنوات والمقاول بعد ماتخلص يفهم أكتر منك وليه المقاول خليها الصنايعي ,,,تعرف ياحج سيد كان الأخ ويكابيدا بيقولي إنه دكتور في العلوم الإنسانيه في فرنسا وهوه عنده 25سنه ,,شغل قرصات يعني تاخذ القرص وتذاكره إن شاء الله تخلصه بعد يومين,,, تمتحن وهكذااا,,,مش شغل خلي القطيع يمشي كله مع بعضه زي عندنا في المعتقل التعليمي المصري المبارك ,,,ثم بعد الخروج من المعتقل يبقي من حسن حظ المصري لو ربنا من عليه بالوظيفه الحكوميه دي التأبيده بقي (ختم الفقر) ويقبض 250جنيه ياعينه يدوبك يجيبوا عيش حاف ,,,وبعد كل هذا وهذه وتلك ولكن وكأن وأخواتهم كلهم جميعا أمام المصري صحراء من الرمال الناعمه التي يغوص فيها أجدعها شنب أو إن شئت فقل غابه فيها من الحيوانات المفترسه مالذ وطاب تحول بينه وبين الزواج ومطلوب منك النيش والأنتريه والصالون والشقه وحجرة النوم وجزمة العروسه عليك يامصري طبعا ,,,لأ وإيه المجتمع مابيرحمش , المجتمع يعطي المصري علي قفاه ويقوله بكل برود (مش خلصت ماتروح تشتغل ) فيضطر المصري ياحج سيد إنه يشوفله صانعه يشتغل نجار مسلح أوحداد أو حتي سباك بعد مايخلص الليسانس أو البكالوريوس ويتجوز بالدين ده إن إتجوز ومجتلوش عقده نفسيه وهوه عنه 30أو31أو32المهم وإنته طالع كده,,,المصري ياإخوان رجل فولازي مش ممكن أي حد يتحمل اللي يتحمله المصري والبركه في حكومتنا الراشده ,,,جعلت من شعبنا معدته حديد أستغفر الله ده الحديد اللي زي معدته ,,,إنسان بيتحمل كل شئ ياجماعه ..............وعجبي
أبو عبد الله محمد بن يحيى
20.04.2009, 18:12
السلام عليكم
وبعد كل هذا وهذه وتلك ولكن وكأن وأخواتهم كلهم جميعا أمام المصري صحراء من الرمال الناعمه التي يغوص فيها أجدعها شنب أو إن شئت فقل غابه فيها من الحيوانات المفترسه مالذ وطاب تحول بينه وبين الزواج ومطلوب منك النيش والأنتريه والصالون والشقه وحجرة النوم وجزمة العروسه عليك يامصري طبعا ,,,لأ وإيه المجتمع مابيرحمش , المجتمع يعطي المصري علي قفاه ويقوله بكل برود (مش خلصت ماتروح تشتغل ) فيضطر المصري ياحج سيد إنه يشوفله صانعه يشتغل نجار مسلح أوحداد أو حتي سباك بعد مايخلص الليسانس أو البكالوريوس ويتجوز بالدين ده إن إتجوز ومجتلوش عقده نفسيه وهوه عنه 30أو31أو32المهم وإنته طالع كده,,,

أنا قلت لك يا سيدنا ...... قلت لالالا مش ها شتغل الآن
وبعدين بطلوا كلام في السياسة .... تكلموا في السياحة
ودمتم سالمين
ABA 7FS_1
20.04.2009, 18:41
شكرااااااااااا على الموضوع ههههههههـــــــــــــ ـــــــــههههههههه
sayed_80
20.04.2009, 20:25
شكر وتقدير لكل الاخوة الذين شاركو فى الموضوع
بصراحة اخى اسد انا متفق معك ان المراحل التعليمية مملة وايضا غبية فجميع المواد التى يتناولها اولادنا من رياضة حديثة
وكيميا ن-ق-ب ورياضة س تربيع ص اوس اثنين ومش عارف اية واة كلها اشياء ليس لها اى فائدة سواء فى الحياة العملية او
الحياة العامة تعرف اخى اسد ذكرت احدى الاخوات ان اولادها تدرس قصة حياةداليدا ههههههههههههههههههه وعجبى
حتى التاريخ المصرى وعناصر القوة والزعامة والقدوة دمرت فى اطفالنا وشبابنا كل هم الادارة التعلمية
شيلو ستة ابتدائى وحطو ستة ابتدائى ويكأن هذة هى اللى هتحدد مصير العالم
وانا معك بصراحة ما يصرف على المراحل التعليمية فى زماننا هذا الى ان ينهى ابنائنا المراحل التعليميةيكفى لتكوين مستقبلة وزواجة
وبلاش تعليم مهو كدة كدة هيتخرج مش هيلاقى شغل وان وجد شغل هيشحت عشان يكمل الشهر
الله المستعان
ابوحازم السلفي
17.12.2010, 14:43
الحمد لله والصلاة والسلام علي رسول الله وبعد

المصري هيفضل مصري ..
النيل رواه والخير جواه ..

اللهم بارك واحفظ مسلمين مصر
وسائر بلاد الاسلام يا ارحم الراحمين ..
ابوالسعودمحمود
18.12.2010, 20:57
المصرى غصب عنه لانه مقهور ومنهوب ومحكوم بالحديد والنار
محمود جابر
18.12.2010, 23:12
لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

:36_11_6: :36_11_6: :p018: :36_11_6::36_11_6:

عظيمة يا مصر
نضال 3
22.12.2010, 19:15
مصر فخرنا و عزنا ..

* ايها المصريون .. مصر تناديكم .

ستظل مصر فخرا لابنائها و سندا لامتها "