ابوالسعود والشيخ اسامه عبد العظيم

[ابوالسعودمحمود]

ابو السعود والشيخ اسامه عبد العظيم

ابو السعود والشيخ اسامه عبد العظيم (http://www.albshara.com/showthread.php?t=19946)


حكايه من حكاياتى اللى مبتخلصش


احد الاخوه جزاه الله خير قال لى ياابو السعود (http://www.albshara.com/showthread.php?t=19946) متيجى معانا نصلى ورا الشيخ اسامه (http://www.albshara.com/showthread.php?t=19946) عبد العظيم

كنا اول يوم فى رمضان وانا بصراحه اصعب عباده عليا هى الصيام باصوم بالعافيه رمضان فقط

وبتبقى عينى فى وسط راسى طول اليوم

لانى متعودتش عليه من صغرى فتعبت لما كبرت

المهم رحت معاه وكان المسجد فيه شويه شغل كان الدور التالت فيى بقايا مواد بناء من زلط ورمل وخلافه

فالاخوه كانوا بيرفعوا الحاجات دى فوق السطح وهما صائمين

وانا مفيش فى دماغى الا الاكل امتى المغرب هياءذن على شان اسكت الثعبان اللى فى بطنى وعمال يتلوى وعايز اسكته

المهم الاخ منير اللى خدنى معاه قال لى قوم سلى صيامك واشتغل معانا فقمت على مضض لانى مش قادر ويعلم الله مابى من مشقه

المهم الاذان اذن وانا من عادتى احسن واحد يطبق حديث النبى عليه الصلاة والسلام

فى تعجيل الفطور وتاءخير السحور

يعنى المؤذن يقول لفظ الجلا له ( الله ) اكون انا شغال طحن فى الاكل

المهم اول الاذان مااذن جريت تحت على صحن المسجد على شان اكل

لقيت يامحترم مفيش غير بلح خبطت ييجى كام بلحه وشربت وبعدين قلت لمنير فين الاكل

قال لى بعد الصلاه اتصدمت وقلت فى نفسى مفيش مشاكل اهى مره وعدت

جينا بقى للصلاة

الصلاة اللى انا متعود عليها ان الامام يقراء سوره من السور العشر الاواخر على مرتين ونكون بره

لقيت الصلاه هنا مختلفه بهدوء وبراحه وسور متوسطه وكامله

خلصنا الصلاة ونزلنا اكلنا فى البدروم تحت وبعد كده انا حل على التعب وعايز انام مش قادر اصلب طولى

استحملت وجاهدت نفسى وقلت اصلى العشاء واتخمد فى مكان تحت فى البدروم والترويح بعدين بقى مع نفسى لما افوق

العشاء اذن ان حد يقيم الصلاه مفيش صلاينا ركعتين سنه ومفيش حد عايز يقيم الصلاه

عندنا الاذان والاقامه بعد بمفيش نظام تيك اوى حاجه سريعه كده

فقلت فى نفسى اقول قيم الصلاه للاخ اللى اذن وبعدين لقيت كله ساكت المهم قعد نا حوالى نصف ساعه وبعدين اقاموا الصلاه

كنت انا بقى خلاص جبت من الاخر

خلصنا الفرض ولسه هخلع وانزل انام تحت قفشى عمك منير http://www.albshara.com/images/smilies/trampoline.gif

راااااااااااااايح فين ياابو السعووووووووووووووووووود

قلت له تعبان وهنزل انام تحت قال لى وتسيب الصلاه ورا الشيخ قلت له ربنا يسامحنى بقى لايكلف الله نفسا الا مااتاها

قال لى لالا اصبر نفسك مع الذين يدعون ربهم بالغداة والعشى يريدون وجهه

المهم صبرت نفسى وقاموا لصلاة التراويح

سمعت قران وكائنى لم اسمع القران قبل ذلك الشيخ صوته فيه خشوع وجمال واخلاص عجيب

المهم يامحترم

دخلنا فى الربع التانى من البقره على ما افتكر وخلاص بقى مش قادر رغم حلاوة التلاوه

فقلت اقعد رحت قاعد اخونا منير بقى ربنا يهديه مش يخليه فى حاله ويطلعنى من نافوخه

لاء راح ماسكنى من كتفى واقامنى فى الصف اتغظت منه بصراحه وقلت اخبطه بالكوع

على شان متكلمش فى الصلاة ويفهم انى مش قادر اقف المهم وقفت كام ايه ورحت قاعد تانى

راح اخونا منير مكرر تانى وقفشنى من كتفى بقوه كان هيخلعه

وقفت تانى شويه وخلاص بقى فاض بى الكيل والشيطان حدثنى لو عمل كده تانى انا هضربه http://www.albshara.com/images/smilies/image5.gif

المهم قعدت ولسه بيمسكنى من كتفى علشان اقوم ورحت ناطر ايده وباصص له وقلت بصوت عالى جرى ايه يامنير مش قادر اقف يااخىhttp://www.albshara.com/images/smilies/icon28.gif

ورحت خارج من الصف ورجعت ورا ونمت صحيت ع الفجر

صليت الفجر وبعد الصلاه الشيخ والاخوه عملوا الاذكار

وبداءوا يلتفوا حول الشيخ لبعض اسئلتهم

انا كان عندى سؤال قلت فرصه لما اسئله

طبعا الزحام شديد والاخوه كلهم من تلاميذ الشيخ ومتعرفش تاخد فرصه لتسئله

وانا زى الاعرابى وسطهم رحت مزاحم وداخل عليه وسئلته نصف السؤال

ولسه لم اكمل لان الناس زحمه فما كان من الشيخ الا ان ظل ينظر الى ولم يرد على اى واحد من تلامذته ويقول لى اكمل انا اتخضيت من الموقف ومعرفتش اكمل السؤال والشيخ (http://www.albshara.com/showthread.php?t=19946) واقف ومستنى انى اكمل ولم يلفت وجهه عنى طرفة عين وكائن المسجد ليس فيه احد الا ابو السعود
من ساعة هذا الموقف وانا احب هذا الشيخ فى الله ولله

[$أبو علي$]

ربنا يقويك اخانا الحبيب ، ويبعد عنك الشيخ منير ^ - ^

[بن الإسلام]

أخى الحبيب / أبو السعود

أنا مرة كان عندى سؤال وذهبت للشيخ بعد الفجر من مكان بعيد جدا

وعندما ذهبت وجدت الصلاة يقام لها

صلى الشيخ بسورة طويلة والله لم أشعر بالوقت وكنت أتمنى أنه لا ينتهى من القراءة

وصوت الشيخ منخفض والمسجد هدوء وكأنك فى الجنة بل هى جنة

وبعد الصلاة تم توزيع القرآن فتم عمل ختمتين كل ذلك والشروق لم يحن وقته

والله إنها بركة الأعمال الصالحة وقراءة القرآن

جزاه الله عنا كل خير

[ابوالسعودمحمود]

الهدف من سرد هذ ا الموقف هو

على شباب الدعاه ان يكون عندهم حكمه فى الدعوه الى الله

وان المسلم يجب ان يربى ابنه تربيه اسلاميه صحيحه حتى اذا كبر فى السن

تكون الاعمال عاديه بالنسبه له ولا يجد مشقه زيى كده

وعلى الشاب الداعى ان يعرف هو بيدعى مين ماهى شخصية المدعو وماهى صفاته

يعنى متجيش تدعى واحد من العوام وتحطه وسط طلبة علم مستواهم العلمى والدينى افضل منه

وهم شباب تربوا على ذلك ولكنى لم اتربى على ذلك مثلهم

وكمان كيف تكون رحيم مع من تدعوه

يعنى مثلا لو لا عب كمال اجسام مبتدىء وبيرفع عشرين كيلو متجيش انت وتقول له ارفع تمانين لا بد من التدرج معه

مش كده ولا ايييييييييه

[$أبو علي$]

مش كده ولا ايييييييييه


كده ، مظبوط كلامك

[بن الإسلام]

الهدف من سرد هذ ا الموقف هو

على شباب الدعاه ان يكون عندهم حكمه فى الدعوه الى الله

وان المسلم يجب ان يربى ابنه تربيه اسلاميه صحيحه حتى اذا كبر فى السن

تكون الاعمال عاديه بالنسبه له ولا يجد مشقه زيى كده

وعلى الشاب الداعى ان يعرف هو بيدعى مين ماهى شخصية المدعو وماهى صفاته

يعنى متجيش تدعى واحد من العوام وتحطه وسط طلبة علم مستواهم العلمى والدينى افضل منه

وهم شباب تربوا على ذلك ولكنى لم اتربى على ذلك مثلهم

وكمان كيف تكون رحيم مع من تدعوه

يعنى مثلا لو لا عب كمال اجسام مبتدىء وبيرفع عشرين كيلو متجيش انت وتقول له ارفع تمانين لا بد من التدرج معه

مش كده ولا ايييييييييه



تمام جداً يا فندم

جزاك الله خيراً على هذه الارشادات

[ابوالسعودمحمود]

شكرا لك اخى ابو على وشكرا لك ياابن الاسلام

[ابوحازم السلفي]

الهدف من سرد هذ ا الموقف هو

على شباب الدعاه ان يكون عندهم حكمه فى الدعوه الى الله

وان المسلم يجب ان يربى ابنه تربيه اسلاميه صحيحه حتى اذا كبر فى السن

تكون الاعمال عاديه بالنسبه له ولا يجد مشقه زيى كده

وعلى الشاب الداعى ان يعرف هو بيدعى مين ماهى شخصية المدعو وماهى صفاته

يعنى متجيش تدعى واحد من العوام وتحطه وسط طلبة علم مستواهم العلمى والدينى افضل منه

وهم شباب تربوا على ذلك ولكنى لم اتربى على ذلك مثلهم

وكمان كيف تكون رحيم مع من تدعوه

يعنى مثلا لو لا عب كمال اجسام مبتدىء وبيرفع عشرين كيلو متجيش انت وتقول له ارفع تمانين لا بد من التدرج معه

مش كده ولا ايييييييييه


يا جماعة :
أبوالسعود بيقول كلام جامد جامد
ايه الحلاوة والجمال ده يا عمي ..
مشاركات حضرتك ذات ثقل
ومضمون رائع
..:36_2_51:

رزقنا الله وإياكم الفردوس الأعلي

[ابوالسعودمحمود]

جرى ايه ياابوحازم مش اى اى ولا زى زى ههههههه

[ابوالسعودمحمود]

يا جماعة :
أبوالسعود بيقول كلام جامد جامد
ايه الحلاوة والجمال ده يا عمي ..
مشاركات حضرتك ذات ثقل
ومضمون رائع

وحشتنا ياابا حازم

[$أبو علي$]

يا جماعة :
أبوالسعود بيقول كلام جامد جامد
ايه الحلاوة والجمال ده يا عمي ..
مشاركات حضرتك ذات ثقل
ومضمون رائع

وحشتنا ياابا حازم


نسائل الله ان يكون بخير هو واهله

[ابوالسعودمحمود]

وعلى الشاب الداعى ان يعرف هو بيدعى مين ماهى شخصية المدعو وماهى صفاته

يعنى متجيش تدعى واحد من العوام وتحطه وسط طلبة علم مستواهم العلمى والدينى افضل منه