بيض صفحتك

[dr_Moslima]

http://www.friendsoflight.com/pp/data/511/10.jpg

أنا عارفة شكوى حضرتك...
أنا راح أقول اللى انته حاسه...
وراح أقول المشكلة..
واصرف روشته لحضرتك..

مليون مصيبة فسكتك...
ودموع بتسبق بسمتك..
وأهات كتير
ساكنه وكاتمه ضحكتك..

فكرت تصرخ م الألم
فكرت تجرى بدون خريطة
لحته تجمع وحدتك..

كام مرة قلت كرهتها...فكرت تخرج منها...
ودعيت تغادر دنيتك..

طب لحظة واحدة
اسمع صراخه حضرتك..

من جوه خالص..
عمَّال بينده...
تعبان أنا..عطشان أنا..
وانت ماشى فسكتك..

وفيوم خلاص
مبقاش يقاوم خطوتك..
والدنيا زادت بالهموم..
وهوه داب محتاج يقوم...
ولقيتها صعبة دنيتك..

كام مره أذن مسجدك...
والقلب جوه يقول أهو..
راح أروى عطشى بسجدتك..
وانت تكــــابر...

كام مرة يلمح مصحفك...
وفوقيه تراب،ويقول خلاص
راح يمحى جرحى ويفتحه
راح يقرا منه وأسمعه
وانت تطنــــش
زى عادة حضرتك...

كام مرة عينك تمشى
بين زهرات كتيير مش ملكها..
والقلب يصرخ..
ارحمنى وارحم آخرتك...

كام مرة ذنب بتعمله
والناس نيام..!!
فوق يابنى
ربك فوق وشايف..
عمَّال بتخسر دنيتك..

عرفت ليه بقيت ضعيف..
مبقتش قادر عالمقاومة..
حسيت بوهن فنبضتك..

قوم يلا بيض صفحتك..
وابدأ حياة تانية لنفسك
ولقلب واحشه عودتك..

قوم صلى وابكى
واملى الليلالى بدعوتك..

واقرأ كتابه
راح تلقى قلبك مختلف...
والنور بيضوي بضحكتك..


وبعدها..
مع كل عثرة هيكون رضا
ويقين وحب
عمَّال بيملى نبضتك..
قوم يلا غير دنيتك..


شعر أريج