|
رقم المشاركة :1 (رابط المشاركة)
04.12.2013, 06:47
|
|||||||||||||||||||||
|
|||||||||||||||||||||
درس الأحد زى ضوء الشمس
 درس الأحد زى ضوء الشمس أبو لهطه سعيدة ياولاد التلاميذ سعيدة مبارك أبو لهطه كتير منكم حابب يسئل عن الثالوث بس متردد وبيسئل نفسه إزاى يكونوا ثلاثة أقانيم إللي هما اقنوم الأب واقنوم الأبن واقنوم الروح القدس ونقول عليهم إنهم واحد يعنى العملية مش داخلة دماغه وده لإنه حسبها من الناحية الحسابية وماحسبهاش من الناحية الإيمانية نجفة هو مش المفروض إن الناحية الإيمانية ماتتعارضش مع الناحية الحسابية ؟ أبو لهطه لو حتتعارض يبقى الناحية الحسابية فى الحالة دى خطأ والناحية الإيمانية هى الصح نجفة حتى لو كانت ضد العقل ؟ أبو لهطه حتى لو كانت ضد العقل
أبو لهطه لأ ما ينفعش مايكل ليه ؟ هو مش الأب اقنوم والأبن اقنوم والروح اقنوم والتلاتة دول واحد ؟ يبقوا اقنوم واحد ابو لهطه قلتلك ما ينفعش مايكل طيب مش أعرف إيه السبب ؟ أبو لهطه الوحدة فى الجوهر مش فى الأقانيم لإن كل اقنوم غير التانى ولكل واحد عمله الخاص به مايكل يعنى التلاتة كل واحد فيهم غير التانى وله عمله الخاص ؟ أبو لهطه نعم مايكل مش هما تلاتة ؟ أبو لهطه أيوه تلاتة مايكل إومال واحد إزاى ؟ أبو لهطة ماهو تلاتة يعنى تثليث وواحد فى الجوهر مايكل إحنا بنقول بسم الآب والأبن والروح القدس إله واحد وما بنقولش إله واحد فى الجوهر أبو لهطه إبقى روح قوللهم فى الكنيسة علشان يضيفوها وماتزعلش نفسك فصيح مش عارف ليه حكاية الثالوث مش داخلة دماغى إزاى بس التلاتة يبقوا واحد مع إن كل واحد فيهم غير التانى مايكل مانا كمان بأقول كدة أبو لهطه
والتلاتة لهم جوهر واحد يعنى الشمس ما ينفعش ما يكونش لها شعاع يعنى ضوء وما ينفعش ما يكونش لها حرارة مارى يعنى إيه جوهر ؟ أبو لهطه جوهر له معانى كتيرة ومنها القائم بذاته أو الفرد الذى لا يتجزأ مارى إومال إزاى الجوهر تجزأ وولد إبن وتجزأ وبصق الروح أبو لهطه إيه الغباء ده هو الفصل كله كدة ؟ ناصح حضرتك بتقول إن كل اقنوم مختص بحاجة يعنى الأب ضابط الكل وألإبن مضبوط قصدى عقل الله أونطق الله والروح محي فهل الأب بدون الإبن يبقى بلا نطق أو عقل وبدون الروح لا يكون محي أبو لهطه شوفوا أنا ناقل حبة كلام من موقع من مواقعنا إستنوا لما أطلع الورقة أيوه أهى إسمعوا بقى بيقول إيه إحنا مانقدرش نقول إن الكينونة في الثالوث القدوس قاصرة على الآب وحده؟ والعقل قاصر على الابن وحده؟ والحياة قاصرة على الروح القدس؟ وينبغي أن نلاحظ أنه طبقا لتعاليم الآباء فإن الكينونةأو الجوهر ليس قاصرًا على الآب وحده، ففي قداس القديس غريغوريوس النزينزى نخاطب الابن ونقول: (أيها الكائن الذي كان والدائم إلى الأبد)، لأن الآب له كينونة حقيقية وهو الأصل في الكينونة بالنسبة للابن والروح القدس، والابن له كينونة حقيقية بالولادة الأزلية، والروح القدس له كينونة حقيقية بالانبثاق الأزلي، ولكن ليس الواحد منهم منفصلا في كينونته أو جوهره عن الآخرين. وكذلك العقل ليس قاصرا على الابن وحده، لان الآب له صفة العقل والابن له صفة العقل والروح القدس لهصفة العقل، لأن هذه الصفة من صفات الجوهر الإلهي. وكما قال القديس أثناسيوس: (إن صفات الآب هي بعينها صفات الابن إلا صفة واحدة وهي أن الآب آب والابن ابن. ثم لماذا تكون صفات الآب هي بعينها صفات الابن ؟ إلا لكون الابن هو من الآب وحاملا لذات جوهر الآب)، ولكننا نقول إن الابن هو الكلمة (اللوغوس) أو العقل المولود أو العقل المنطوق به، أما مصدر العقل المولود فهو الآب. وبالنسبة لخاصية الحياة فهي أيضا ليست قاصرة على الروح القدس وحده لان الآب له صفة الحياة والابن له صفة الحياة والروح القدس له صفة الحياة، لأن الحياة هي من صفات الجوهر الجوهر الإلهي. والسيد المسيح قال: (كما أن الآب له حياة في ذاته كذلك أ)عطى الابن أيضًا أن تكون له حياة في ذاته) وقيل عن السيد المسيح باعتباره كلمة الله: " فيه كانت الحياة ". ولكن الروح القدس نظرا لأنه هو الذي يمنح الحياة للخليقة لذلك قيل عنه إنه هو: (الرب المحيى) (حسب قانون الإيمان و القداس الكيرلسي)، وكذلك أنه هو (رازق الحياة) أو (معطى الحياة) (حسب صلاة الساعة الثالثة). فصيح حضرتك بتقولطبقا لتعاليم الآباء وفي قداس القديس غريغوريوس النزينزىبنخاطب الابن ونقول كذا ،وكما قال القديس أثناسيوس إن صفات الآب كذا،وحسب قانون الإيمان والقداس الكيرلسي بنقول كذا ، وحسب صلاة الساعة الثالثة بنقول كذا بنلاقى كل الكلام إللي بيتقال ده حسب فلان ما بيقول وحسب علان ما بيقول وحسب الكنيسة ما بتقول مفيش حسب الرب ما بيقول عن نفسه كذا ؟ أبو لهطه قصدك إيه ؟ فصيح يعنى مثلاً يكون السيد المسيح قال عن نفسه أنا الرب المحي أو أنا الرب رازق الحياة أو أنا العقل المولود من الله أو أنا العقل المنطوق من الله أو أنا متحد مع جوهر الله أو أنا مع الأب والروح فى ثالوث مادلين سؤال يابونا أبو لهطه عاوزة تقوللي إيه ؟ مادلين هو تلاميذ السيد المسيح كانوا بيصلبوا على صدورهم زي إحنا ما بنعمل كدة ؟ أبو لهطه إيه الأسئلة البايخة دى مادلين أصل الكتاب المقدس ما ذكرشحاجة عن كدة أبو لهطه والكتاب المقدس حيذكر ده إزاى ؟ مادلين يعنى مثلاً فى عشاء الفصح لما كانوا معزومين عند الراجل إللي إسمه فلان بيشوى إسمه فلان ؟! مادلين أيوه البشيرمتى قال إن الرب يسوع قاللهم إن إسمه فلان أبو لهطه جايز إن الروح إللي ساق البشير متى لكتابة انجيله قال إسم الراجل للبشير متى بس تلاقى متى راح من باله الاسم فحط كلمة فلان بداله مادلين ليه هو متى مش كان مجتمع معاهم عند الراجل حينسى إسمه إزاى ؟ وبعدين الرب يسوع قال بعضمة لسانه فلان أبو لهطه المهم إنت عاوزة تقولى إيه ؟ مادلين كنت عاوزة أأقول لما قعدوا عند فلان وأكلوا الفصح وعند إنصرافهم البشير متى كتب 26: 30 ثم سبحوا و خرجوا الى جبل الزيتون لو كان التلاميذ بيعملوا زينا دلوقت كان متى كتب ثم سبحوا وصلبوا على صدورهم وخرجوا إلى جبل الزيتون أبو لهطه مش عاوز تعليقات سخيفة وإسمعوا وإنتوا ساكتين وبعدين المسيح مكانش لسه إتصلب مادلين بس كان عارف إنه حيتصلب أبو لهطه يعرف منين ؟ مادلين إزاى يابونا ؟ لما هو قال فى متى بعضمة لسانه 26: 2 تعلمون انه بعد يومين يكون الفصح و ابن الانسان يسلم ليصلب كيرلس أبونا عنده حق يامادلين هو قال إبن الإنسان وماقالش أنا سيسلمونى ويصلبونى مش قصدك كدة يابونا ؟ أبو لهطه لأ مش قصدى كدة يا مفتح وموضوع الصلب حنخصصله وعظة تانية خلونا دلوقت فى الثالوث مايكل إذا كان الأبن والروح لهم نفس صفات الأب بعينها فما حاجة الأب لهم أبو لهطه قلنا مفيش بينهم فرق لإن لكل واحد منهم ما للأخر من صفات إلآ صفة واحدة لكل منهم وهى إن هذا أب وهذا إبن وهذا روح مايكل أنا قصدى الأب محتاجهم فى إيه إذا كان فيه كل الصفات الموجودة فى الإتنين التانيين أبو لهطه الظاهر إنك حمار ومابتفهمش وحتغلبنى معاك بص زى مثلاّ أبوك وإنت وعمك كل واحد فيكم فيه نفس الصفات بعينها تقدر تقول لأبوك ما يخلفكش أوعمك ما يكونش موجود من أصله علشان أبوك له نفس الصفات الموجودة فيك وفى عمك مايكل بس بابا وعمى وأنا نبقى تلاتة أبو لهطه وده إللي إحنا بنقوله اقنوم الأب واقنوم الإبن واقنوم الروح مايكل قصدى بابا وعمى وأنا تلاتة مش واحد يعنى مفيش حد حيقدر يقول عننا إننا شخص واحد أبو لهطه ياساتر ده إنت فهمك تقيل أوى إبقى تعالى قابلنى لو فلحت مايكل ليه بس يابونا ؟ طيب أنا حاأبسط السؤال بتاع ماحاجة الأب لإبن وروح وكل واحد فيهم فيه كل الصفات الموجودة فى الأخر نمسك مثلاُ بابا إللي هو الأب إيه حاجته لإبن ؟ حنلاقى إنه فى حاجة لإبن علشان يحمل إسمه بعد ما يتنيح بعد عمر طويل أو يشيخ ومايبقاش قادر يشيل نفسه أو يمرض ويحتاج لمن يكون بجواره ويساعده فهو محتاج لإبن لذلك وحتى تستمر الحياة ولكن الله حى سرمدى لا يموت ولا يشيخ ، قديرغنى ليس بمحتاج لأحد أبو لهطه أنا مش حاأرد عليك إيه رأيك بقى ؟ نجفة بالنسبة للشمس ملهاش شعاع واحد ده لها أشعة كتيرة حتى إحنا بنقول عليها أشعة الشمس أبو لهطه لو سمحتى مش عاوزتعليق مايكل طيب المسيح أى واحد من التلاتة الشمس أم الضوء إللي هو الشعاع أم الحرارة أبو لهطه تقدر تقول إن الشمس إللي هى الأب والشعاع إللي بنسميه الضوء هو الأبن والحرارة هى الروح مايكل وليه مايكونش العكس مثلاً ؟ أبو لهطه معلمنا لوقا قال 23: 44 و كان نحو الساعة السادسة فكانت ظلمة على الارض كلها الى الساعة التاسعة 23: 45 و اظلمت الشمس و انشق حجاب الهيكل من وسطه وده طبيعى لإن المسيح مثال الشعاع إللي هوالضوء ولما مايبقاش فيه ضوء طبيعى الدنيا تبقى ضلمة فالمسيح لما مات على خشبة الصلب الضوء إختفى والدنيا أظلمت مايكل طيب وبعد الساعة التاسعة الضوء رجع تانى ؟ أبو لهطه ما تتكلمش بدون إذن نجفة بس مكتوب فى لوقا إن الدنيا أظلمت قبل أن يسلم يسوع الروح 23: 46 و نادى يسوع بصوت عظيم و قال يا ابتاه في يديك استودع روحي و لما قال هذا اسلم الروح هو مش المفروض الظلمة تكون بعد ما الشعاع ما يموت قصدى بعد ما يسلم المسيح الروح مش قبل كدة ؟ أبو لهطه قلنا مفيش حد يتكلم بدون إذن ناصح ممكن سؤال ؟ أبو لهطه إتفضل ناصح حضرتك بتقول ما ينفعش الشمس ما يكونش لها ضوء فلو مفيش ضوء يبقى مفيش شمس أبو لهطه ده مثال يابنى أدم فصيح وهل الدنيا فضلت ضلمة خلال الفترة إللي قضاها يسوع فى القبر وهى الثلاثة أيام أبو لهطه إحنا بنقول إن ده مجرد مثال ومع ذلك مش جايز كان فيه ضوء فى القبر وإحنا مانعرفش ثانيا إحنا بنقول على العدرا أم النور يعنى أم الضوء وفى قانون الإيمان بتاعنا بنقول إيه ؟ حد حافظ قانون الإيمان ؟ إيه مفيش حد حافظه ؟ إحنا بنقول فى قانون الإيمان النيقاوى بالحقيقة نؤمن بإله واحد, الله الآب, ضابط الكل, خالق السماء و الأرض, ما يرى و ما لا يرى. نؤمن برب واحد يسوع المسيح, إبن الله الوحيد, المولود من الآب قبل كل الدهور نور من نور وإحنا عارفين إن النور هو الضوء بمعنى إن المسيح ضوء من ضوء نجفة ضوء من شمس ولا ضوء من ضوء ؟ مايكل يعنى ممكن نقول إن الأب إللي هو الشمس بعت الضوء بتاعه إللي هو الأبن علشان يخلصنا ؟ مايكل ممكن سؤال ؟ أبو لهطه ممكن مايكل طيب فى الحالة دى الأب إللي هو الشمس أصبح بدون ضوء بعد ما أرسل ضوءه علشان يتجسد ويكون المسيح أبو لهطه إحنا هنا بقى ما بنقولش أرسل ضوءه بنقول أرسل كلمته علشان تتجسد نبيه هو ضوء ولا كلمة ؟ أبو لهطه ياحبيبى إحنا أينعم بنشبه الأب بالشمس والأبن بالشعاع أو الضوء فمش معنى كدة إن الأب بعد كدة يقعد بدون ضوء لإن ضوء فى ذاته وحتلاقى مكتوب فى متى فى موعظة الجبل إن الإبن بيقول عن الأب لِكَيْ تَكُونُوا أَبْنَاءَ أَبِيكُمُ الَّذِي فِي السَّمَاوَاتِ، فَإِنَّهُ يُشْرِقُ شَمْسَهُ عَلَى الأَشْرَارِ وَالصَّالِحِينَ، وَيُمْطِرُ عَلَى الأَبْرَارِ وَالظَّالِمِينَ فصيح أنا كدة إتلخبطت جامد أبو لهطه إيه إللي لخبطك يا حبيبى ؟ فصيح حضرتك بتقول إن الشمس كمثال للأب والله نفسه بيقول فى الكتاب المقدس بمن تشبهونني وتسوونني وتمثلونني لنتشابه وبعدين المسيح كمان بنفسه بيقول عن الأب إنه بيشرق شمسه على الأشرار والصالحين وكمان فبمن تشبهونني فأساويه يقول القدوس )) (إشعياء 18:40, 25). يعنى الله إللي بنقول عليه الأب هو إللي خالق الشمس وبيتحكم فيها مش هو نفسه مثال الشمس أبو لهطه ياحبيبى مثال الشمس مجرد تشبيه علشان تفهموا الثالوث فصيح يعنى الله نفسه يقول بمن تشبهونى وإحنا نيجى نشبهّه ونقول إنه زى الشمس كيرلس مكتوب فى يوحنا الذي لم يره أحد من الناس ولا يقدر أن يراه والشمس إحنا بنشوفها من أول ما بتطلع لحد ما تغيب مايكل نور من نور يعنى ضوء من ضوء ؟ وهل الروح هو كمان ضوء من ضوء لإنه منبثق من الشمس قصدى الأب ؟ أبو لهطه ياحبيبى ده مثال . مثال .. فهمت ؟ كيرلس بس الضوء والحرارة دى خصائص للشمس ناصح وبعدين الشمس بتغيب ولما بتغيب بيغيب معاها الضوء والحرارة أبو لهطه خلاص مادام مثال الشمس مش ماشى معاكم نجيب مثال المثلث لو عندنا مثلث من الذهب الخالص فصيح إشمعنى من الذهب الخالص ؟ أبو لهطه سيدنا قال لازم يكون من الذهب الخالص علشان الجوهر وأضلاعه تكون متساوية وطبعاً إنتوا عارفين إن المثلث الدهب ده له ثلاثة أضلاع أ +ب + ج وحنفترض إن أ ده الأب وإن ب الأبن وإن ج الروح التلاتة دول مع بعض بيمثلوا مثلث وفى نفس الوقت منقدرش نقول إنأ هو ب ولاب هو ج ولا ج هو أ بس نقدر نقول إن كل واحد من التلاتة مشترك مع الأخر فى الزاوية ناصح طيب ممكن أ يبعت ب الإبن وبعدين يبعتله ج الروح ويقعد لوحده فصيح فى الحالة دى مش حيبقى فيه مثلث ولا حتى زاويا نجفة حيكونوا مجرد أضلاع كل واحد فى ناحية أبو لهطه ياولاد ده مثال زى المثال الأولانى بتاع الشمس نبيه صدقونى أنا بردو لحد دلوقت مش فاهم التثليث وإزاى التلاتة يكونوا واحد أبو لهطه نحن لا نقول ( 1 + 1+ 1) لأننا لو قلنا كدة حيكون الناتج ثلاثة . علشان كدة بنقول ( 1x 1 x 1) فتكون النتيجة واحد صحيح. وده نفسه إللي قاله المسيح " أنا فى الآب , والآب فىّ " وكلمة في دى بترمز لعلامة الضرب مايكل لأ إحنا بنقول 1 + 1 + 1 = 1 واحد أبو لهطه لأ إحنا بنقول X مايكل هو الحرف قلبتوه لعلامة يعنى الواو خلتوها X أبو لهطه قلتلك إمنع الكلام مايكل لأ بقى إحنا مش بنقول X إحنا بنقول وا بسم الأبوالأبن والروح القدس والواو يعنى إضافة وبعد كدة بنقول والثلاثة هم واحد واخد بال حضرتك من كلمة وا وا والثلاثة أبو لهطه خلاص نجيب مثال تانى نشبه بيه الثالوث الشوكة مثلاً إللي بناكل بيها بس حنخليها من الذهب الخالص لو الشوكة دى لها ثلاثة أسنان سنه منهم إسمها … مايكل هى حصلت إننا نشبه الثالوث بالشوكة كيرلس ياجماعة إحنا حنقعد نلف وندور ليه إحنا مش بنقول تثليث ؟ والتثليث يعنى تلاتة يبقوا بالعقل كدة تلاتة مش واحد أبو لهطه ده لو كان بالعقل بس إحنا بنقول لكم إن التثليث فوق مستوى عقولكم ومش حتقدروا تستوعبوه وعلشان كدة لازم تأمنوا بقلوبكم مش بعقولكم وكل واحد منكم يعتبر عقله مجرد زينة أو حاجة محطوطة جوه جمجمته وملهاش لازمة وإللي مش عاجبه يروح الكنيسة ويقوللهم ياجماعة أنا مش مصدق حكاية الثالوث دى ومش مصدق إن التلاتة واحد ويشوف إيه إللي حيجراله وعلى فكرة فيه واحد فلحوص زيكم كدة حب يتفلحص حاكم كل فترة يطلع واحد من دول إفتكر إنه بنى أدم بصحيح ونسى إنه خروف وقال لأبونا الكاهن أبو وحمة فى الكنيسة عن حكاية تجريب يسوع من الشيطان إللي ذكرها متى 4: 5 ثم اخذه ابليس الى المدينة المقدسة و اوقفه على جناح الهيكل وقال لما الرب يسوع وقف على جناح الهيكل أكيد يكون اليهود شافوه وهو واقف وأكيد إفتكروا إنه عاوز ينتحر ويرمى نفسه من فوق وأكيد ناس كتير إتلموا علشان يتفرجوا على واحد عاوز ينتحر ويرمى نفسه من فوق الهيكل لإنهم ما يعرفوش إن إبليس بيجربه وأكيد لما يجي يعلم فى الهيكل الناس حتقول ده الراجل إللي كان عاوز ينتحر ويرمى نفسه من فوق الهيكل وحادثة زى دى أكيد تبقى مشهورة أبونا أبو وحمة قال إيه هى إللي مشهورة ياحمار ؟ وقام نده على أبونا سمسمة وما أدراكم بأبونا سمسمة علشان يسمع الفلحوص ده بيقول إيه وده مش يسكت ويتنيل على عينه بردوا قعد يتفلحص ويقول طيب مفيش حد منهم راح نده لامه واخواته علشان يحوشوه أو يقولوله إنزل يامجنون وإوعى ترمى نفسك أو الناس يقولوله حقك علينا لو فيه حد زعلك إنزل بقى وبلاش شغل العيال ده أبونا سمسمه قال هو يعنى لازم يكون حد شافه ممكن يكون مفيش حد كان موجود ساعتها الفلحوص قال ده الهيكل على طول بيشغى زى خلية النحل ومليان وفيه زحمة حواليه وده رايح وده جاى كمان فيه باعة الحمام واليمام يعنى سوق ومكان عبادة وكمان مكتوب إن إبليس قال 4: 6 و قال له ان كنت ابن الله فاطرح نفسك الى اسفل لانه مكتوب انه يوصي ملائكته بك فعلى اياديهم يحملونك لكي لا تصدم بحجر رجلك هو مش مفروض المكان يكون نظيف حول الهيكل يعنى لا فيه زلط ولا حجارة والأخر أبونا سمسمة قال لأبونا أبو وحمة هاتلى الواد ده وتعالى ورايا ودخلوه جوه فى الاوضه ونفخوه بجهازالنفخ وبقى عامل زى البالونة وفين يوجعك ياااه الوقت بتاع الوعظة إنتهى التلاميذ سلام وأخر دعوانا أن الحمد لله رب العالمين لا شريك له للمزيد من مواضيعي
الموضوع الأصلي :
درس الأحد زى ضوء الشمس
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
| العلامات المرجعية |
| الكلمات الدلالية |
| الأحد, الشمس |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
| أدوات الموضوع | |
| أنواع عرض الموضوع | |
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| درس الأحد ( 3 ) التجسد | showman | القسم النصراني العام | 2 | 03.06.2016 20:04 |
| درس الأحد (1) الخطية | showman | القسم النصراني العام | 5 | 03.06.2016 19:51 |
| درس الأحد تدبير منزلى | showman | القسم النصراني العام | 0 | 24.12.2012 19:30 |
| درس الأحد ( 166 ) قصاقيص | showman | القسم النصراني العام | 0 | 21.11.2012 00:06 |
| درس الأحد ( 15 ) زكي الذكي | showman | القسم النصراني العام | 0 | 07.06.2009 00:15 |
العرض الشجري
