12.12.2012, 23:08
|
|
|
______________
|
|
الملف الشخصي
| التسجيـــــل: |
13.05.2009 |
| الجــــنـــــس: |
ذكر |
| الــديــــانــة: |
الإسلام |
| المشاركات: |
274 [ عرض ] |
| آخــــر نــشــاط |
| 25.04.2016
(01:46) |
|
تم شكره 55 مرة في 49 مشاركة
|
|
|
|
|
يوميات عم رمضان ألآعيب شيحه
يوميات عم رمضان
ألآعيب شيحه
الشيخ حسن هى الساعة تيجيلها كام دلوقت يا شيخ رمضان
عم رمضان إيه وراك حاجة ؟
الشيخ حسن أصل الجماعة إتأخروا
عم رمضان زمانهم جايين لسه الساعة عشرة
أعملك دور شاى ؟
الشيخ حسن ماشى بس على المنئد وحيات والدك وبلاش شاى الفتلة أحسن الواحد ولآ كأنه شرب حاجة
عم رمضان يا سلام يا شيخ حسن بس كدة ده إنت تؤمر
الشيخ حسن بالك يا شيخ رمضان إمبارح الواد شحاته الطيب قاللي تصدق يا شيخ حسن ان الواد نونّا العجلاتى دق كذا صليب على كلوة إيده غير الصليب إللي لطعوه على إيده وهو صغير وكمان لبس سلسلة فيها صليب كبير حوالين رقبته
جيت أنا قابلت الولّه نونّا فى السكة وقلتله انت صحيح دقيت صلبان تانى على إيدك ياواد يانونّا
قاللي وفيها إيه يا شيخ حسن وإيه إللي يزعلك فى كدة ؟
عم رمضان والله يا شيخ حسن إنت بتحشر نفسك فى حاجات ملكش فيها وبعدين يطلع مين نونّا ده ؟
الشيخ حسن ياأخى الواد نادى إبن يعبيص الترزى بس الولاد بينادوه بنونّا
عم رمضان مش الواد ده كان عربجى ؟
الشيخ حسن هو بعينه ، أصلهم بيقولوا ان الأسيس بتاع الكنيسة إللي إسمه أبو نفر إشترى الدكانة إللي كان عارضها الحاج حسنين للإيجار بمبلغ كبير
عم رمضان الله انت مش بتقول إنه كان عارضها للإيجار ؟
الشيخ حسن أصل الأسيس قال لحسنين أنا مش عاوز إيجار أنا حاأشترى وأخلص على طول وبعدين القرش صياد زى ما بيقولوا
عم رمضان ياأخى سبحان الله شوف الفرق إللي بنا وبينهم إحنا نيتنا سليمة وقلبنا طيب وما بنفرقش فى المعاملة بين مسلم ومسيحى ، هما العكس وما تلاقيش واحد مسيحى يبيع لواحد مسلم بيت أو أرض أو دكان
المهم عمل إيه الأسيس ده بعد كدة ؟
الشيخ حسن أبو نفر جاب الواد نونّا ووقفّه فى المحل
وجابله شوية عجل وبقت العيال بتوع الإبتدائى والاعدادى يخرجوا من المدرسة ويروحوا يأجروا العجل
والولهّ نونّا أصله منافق وناعم ولسانه حلو وبقى يضحك على العيال ويقوللهم بدل ما تضيعوا مصروفكم على الأكل والحاجات الهفأ تعالوا أجّرُوا عَجل العجل رياضة
عم رمضان شغل يهود ، المهم قلتله إيه ؟
الشيخ حسن ماهو طالع ملسّن ومنافق زى أبوه يعبيص لما يجي يفصّل جلباية وتطلع واسعة ومش مظبوطة يقولك لما تكون برحة تبقى أحسن
عم رمضان لما يكونوا مزنوقين تسمع منهم كلام حلو أوى غير المحلسة وخلاف كدة تلاقى منهم طولة اللسان والنمردة
الشيخ حسن ماهم بيقولوا الأيد إللي تخاف منها بوسها والأيد إللي تقدر عليها دوسها
عم رمضان المهم كمل عملت إيه مع نونّا ؟
الشيخ حسن قلتله ليه يا نونّا ؟ هو صليب واحد مش كفايةولآ ماكنش جايب معاك نتيجة ؟
قاللي أنا داققهم محبة يا شيخ حسن
وبعدين هو مش فيه ناس عندكم بتدق عصفايروناس بتدق عروسة وناس بتدق أسد
إشمعنى بقا لما إحنا بندق صليب تبقا حاجة غريبة
قلتله يا وله إللي بيدق الحاجات دى عندنا بيدقها عنطزة وفشخرة مش بيدقها عبادة زى عندكوا
قاللي أنا بقا بأعبد الصليب يا شيخ حسن إستريحت خلاص
قلتله هو مش ده الصليب إللي بتقولوا ان معبودكم إتصلب ومات عليه ؟
تقوم إنت تعبد الحاجة إللي كانت السبب فى موته ولا تكره الحاجة دى وماتبقاش طايقها ؟
يعنى لو واحد ضرب أبوك يعبيص ببندقية تقوم انت تعبد البندقية إللي موتت أبوك وترسمها على إيدك أو تعلقها فى رقبتك
قاللي أنا حر يا شيخ حسن ديهديه !!
وبعدين الفادى مات بمزاجه ومفيش حد ضربه ببندقية
قلتله مادام بمزاجه يبقا إنتحر !!! قاللي إنتحر إيه بس دى خطة الأب موضبها وهو جاى علشان كدة
قلتله وبعدين لما هو مات بكيفه زى ما بتقولواإنتوا ليه مش طايقين يهوذا إللي سلمه واليهود إللي طالبوا بصلبه مع ان لولآهم مكانش حيتصلب
يعنى دول كتر خيرهم ساعدوه علشان يموت بكيفه
يعنى لو ده كان حصل حياخدوا ثواب عليه من الأب
قاللي ياعم انت مالك شاغل نفسك ليه
قلتله أنا بس بحاول أفهمك ياترباس
قاللي وفر فهمك لنفسك يا شيخ حسن إحنا الكنيسة مفهمانا ومرسّيانَا على كل حاجة علشان مفيش حد يضحك علينا من المسلمين
وبعدين أدق صليب أدق عشرة أنا حر
قلتله يا خسارة يا ولّهَ حظك وحش علشان مكانوش بيخزوقوا الناس وقتها كان حيبقى منظركم وحش وحتحتاروا تدقوه فين
عم رمضان إهيه بقى ده اسمه كلام يا شيخ حسن
وبعدين العيال إللي زى الولّه نونّا عيال غلبانة ومتعرفش حاجة وحسب الكنيسة ما بتقوللهموإحنا فى نظرهم كفار
بس إيه الأسامى الغريبة بتاعتهم دى يعبيص وأبو نفر ؟
الشيخ حسن فيه حاجة إسمها الفطرة يا شيخ رمضان وربنا سبحانه وتعالى بيقول
فَأَقِمْ وَجْهَكَ لِلدِّينِ حَنِيفًا فِطْرَتَ اللَّـهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّـهِ ذَٰلِكَ الدِّينُ الْقَيِّمُ وَلَـٰكِنَّ أَكْثَرَ النَّاسِ لَا يَعْلَمُونَ ﴿الروم: ٣٠﴾
فكل واحد مولود على الفطرة والرسول صلى الله عليه وسلم بيقول (مَا مِنْ مَوْلُودٍ إِلاَّ يُولَدُ عَلَى الْفِطْرَةِ، فَأَبَوَاهُ يُهَوِّدَانِهِ أَوْ يُنَصِّرَانِهِ أَوْ يُمَجِّسَانِهِ) بس إللي بالي بالك بيغطوا على الفطرة دى بالباطل إللي بيعتقدوه والواحد منهم بيطلع يشوف أبوه بيسجد للصليب والصورة والتماثيل فبيعمل زيه ، وينزرع فيه الشرك بالله وإنه تلاتة فى واحد
عم رمضان مع ان تلاتة فى واحد بتلاتة
الشيخ حسن ماهو يجمعوها يضربوها هما تلاتة وعمر التلاتة ما حيكونوا واحد ولا الواحد عمره ماكان تلاتة
وبعدين هما بيتسمّوا بأسماء ناس بيقولوا عنهم إنهم صالحين يعنى أبو نفر ده بيقولوا إنه كان راهب سايح
عم رمضان سايح إزاى ؟
الشيخ حسن يعنى طفشان لوحده بعيد عن الناس يعنى واخد فى وشه وهاجج بعيد وتلاقيه عمره ما إستحمى ومقمل ومزّيت وريحته بالبلّا مايطيقهاش لآإنسان ولآ حيوان وبيحكوا عنه أساطير ومعجزات ما حصلتش
عم رمضان معجزات زى إيه ؟
الشيخ حسن بيقولوا إنه طلعتله نخلة وبقت تطرح إتناشر سباطة بلح وكل سباطة فيها تلاتين بلحة وكل شهر كان ياكل سباطة
عم رمضان وكان بيطلع النخلة إزاى ؟ ولآ كان بيهزها زى ستنا مريم ؟
الشيخ حسن ماقالوش إزاى مع إنه عجوز ومافيهوش حيل يمشى
والغلابة بيصدقوا ولا حد فيهم يسئل نفسه هو كان بيطلع النخلة إزاى وهو عجوز ؟؟
وإللي يقولك إتفجرت عين ميا علشان يقدريشرب
عم رمضان إيه زمزم ؟
الشيخ حسن وقال إيه كمان ، قال الملاك جاله وأخبره إمتى حيموت
عم رمضان إيه الهطل ده
ويطلع مين يعبيص ده ؟ الشيخ حسن بيقولوا إنه كان معلم فى الناموس وانه انسان تقى وكمان ليه صلاة بإسمه إسمها صلاة يعبيص عم رمضان والله الواحد بيزعل على الناس دى الشيخ حسن دول ما يتزعلش عليهم لأنهم معطلين عقولهم ومش عاوزين يفكروا عم رمضان ربنا سبحانه وتعالى بيقول إِنَّ اللَّـهَ عِندَهُ عِلْمُ السَّاعَةِ وَيُنَزِّلُ الْغَيْثَ وَيَعْلَمُ مَا فِي الْأَرْحَامِ وَمَا تَدْرِي نَفْسٌ مَّاذَا تَكْسِبُ غَدًا وَمَا تَدْرِي نَفْسٌ بِأَيِّ أَرْضٍ تَمُوتُ إِنَّ اللَّـهَ عَلِيمٌ خَبِيرٌ ﴿لقمان: ٣٤﴾ الشيخ حسن يوووه ده فيه حكاوى عن القديسين بتوعهم ومعجزاتهم لو تسمعها تقول الناس دى مريحه نفسها وشايلة دماغها على الرف وتستهال ينضحك عليها وإللي سماهم خرفان ماظلمهمش علشان بيصدقوا أى حاجة ده كمان بيحكوا عن قديس عندهم كان
سايح فى البرية ولما كان يحب يشرب يخرم الأرض بصباعه ويشرب وبعد ما يشرب يسد الخرم علشان الأرض ما تغرقش
عم رمضان من غير قطع كلامك يا شيخ حسن أصل الكلام جاب بعضه ، أنا من قيمة يومين وأنا رايح الغيط الصبح بدرى لقيت الواد حندوقة بن ثابت العلاف راكب الحمارة بتاعتهم وبيدعك فى عينيه باين عليه ما بيغسلش وشه الصبح ومعلق فى رقبة الحمارة المسجل بتاعه ومشغل شريط ومعلى الصوت على الآخر
الشيخ حسن إيه كان مشغل الست أم كلثوم ؟
عم رمضان يا ريت على الأقل حيكون الكلام مقبول وليه طعم إنما كانت واحدة صوتها مسرسع وبتغنى للعدرا مريم وبتقول
إلى حمايتك نلتجيء يا والدة الله القديسة
نجّنا دائماً من جميع المخاطر أيتها العذراء المجيدة المباركة
قلتله هو الكلام إللي فى الشريط ده ياحندوقه مكتوب عندكوا فى الانجيل
قاللي أيوه اومال إيه يا شيخ رمضان
الشيخ حسن كداب ، حندوقة هو والحمارة إللي راكبها واحد والكلام ده مش فى الانجيل ، دى بيقولوا عليها ترانيم بيقولوها لما يجوا يصلوا للعدرا وهما إللي بيألفوها من نفسهم
وبعدين هو ما بيعرفش يفك الخط حيقرا الانجيل إزاى ؟
ومش هو وبس ده كلهم كدة يسمعوا من الأسواسة وبس
فيه حد على الباب يا شيخ رمضان
عم رمضان مين إللي بيخبط ؟
أنا صلاح ياخالى
عم رمضان الله ده صلاح إبن اختى تعالى يا صلاح
صلاح السلام عليكم ورحمة الله وبركاته
عم رمضان وعليكم السلام ورحمة الله وبركاته
إزيك ياصلاح ياأهلآ وسهلآ
صلاح إزيك ياخالى
إزيك يا شيخ حسن
الشيخ حسن بخير والحمد لله إزيك انت يا استاذنا صلاح العفو يا شيخ حسن انت الخير والبركة
عم رمضان إزي الحاجة عاملة إيه ؟
صلاح بخير وبتسلم عليك
الشيخ حسن أأقوم أنا وأسيبكم تتكلموا مع بعض براحتكم
عم رمضان جرى إيه يا شيخ حسن هو انت غريب
طيب والله ماانت قايم
صلاح ده أنا ماصدقت لقيتك يا شيخ حسن ياراجل يا طيب
الشيخ حسن الله يحفظك
عم رمضان إيه الأخبار فى مصر ياصلاح
صلاح والله ياخالي الأمور زادت عن حدها وأحوال البلد فى خطر
وإللي ما يتسموا قاعدين يشتغلوا من تحت لتحت بره وجوه وبعدين دلوقت مابقاش يهمهم والبابا الجديد بتاعهم أمرهم بالعصيان المدنى ومفيش حد منهم يروح شغله علشان يعطلوا العمل وبعتهم يعتصموا قدام الاتحادية كمان فيه ناس ماتت كتير ومش بعيد اللبط يكون لهم يد فى موتهم
البابا إللي قبله كان يعمل العملة من دول وبعدين يستخبى إنما الراجل الجديد ده وشه مكشوف وبجح ونغمة الإضطهاد رجعت تانى
عم رمضان بجح ياخد فوق دماغه وبعدين فين الإضطهاد ده ؟ الشيخ حسن الإضطهاد وهم طول عمره عايش جواهم
بس ان شاء الله ربنا يجعل تدبيرهم فى تدميرهم
الشيخ حسن زى ألآعيب شيحه
عم رمضان إيه إللي حصل تانى عندكم ؟
صلاح هو إنتوا مش بتابعوا الأحداث فى التليفزيون ؟
عم رمضان أنا قلت يمكن انت عارف حاجات إحنا مش عارفينها علشان عايش فى مصر وقريب من إللي بيحصل هناك
صلاح من ساعة ماقامت الثورة وهى شغالة لحد دلوقت والناس كل شوية رايحة التحرير ومعطلين مصالح الناس ومعطلين المرافق وقافلين الطرق والبلطجة إنتشرت
عم رمضان والله فكرتنى يا صلاح بالست أم كلثوم لما كانت بتغنى وتقول
الشعب قام يسئل على حقوقه والثورة زى النبض فى عروقه ثوار ثوار لآخر مدى والظاهر إنه كان مكشوف عنها الحجاب
لأن ده هو إللي حاصل دلوقت الناس بقت ثايرة على طول وبقت زى إللي ما شافش لحمة ومفيش حاجة عجباها والكل بقا يخبط فى بعضه وكل شوية مظاهرات
وإللي بيقطع الطريق ومش عاجبه وإللى بيعطل أشغال الناس ومش همه
والمثل بتاع زمان إللي بيقول مفيش حد يقدر يقف قدام القطر
شفناه بيتحقق دلوقت ومش قطر واحد دول وقفوا قدام القطارات كلها ومنعوها تمشى
صلاح إللي حصل وإللي بيحصل دلوقت بيفكرنى بواحد غلبان وفى حاله وكافى خيره شره ولآكان بيهش ولآ بينش وبعدين الظروف حكمت عليه إنه يضرب واحد فتوة كان بيستغله ومضايقه فى عيشته وفعلآ قدر يضرب الفتوة المفترى ده ، بس الراجل الطيب لما لقى نفسه إنه ضرب الفتوة طلع فيها وبقا يمشى فى الحتة بتاعته وهو فاتح صدره وعاوز يعمل فردة على الكل ومش لاقى حد يلمه
الشيخ حسن الثورة قامت ضد الحكم الفاسد وإللي سرقوا البلد والحكومة إتشالت والحمد لله بس ده مش كفاية ؟ كان لازم الثورة تقوم ضد الضماير الميتة والذمم الفاسدة
الموظفين إللي بتروح الشغل وتنام وما تشتغلش
والمدرسين بتوع الدروس الخصوصية إللي ما بيعاملوش ضميرهم فى المدرسة زى ما بيعاملوها فى الدروس الخصوصية وبيمصوا دم أولياء الامور
والموظفين بتوع الحكومة إللي قبل ما يعملك مصلحتك يمد إيده علشان ياخد منك رشوة
والتجار إللي بيستغلوا الناس وبيرفعوا الاسعار
والمحامين بتوع التعويضات والجشع بتاعهم
ويمكن انت سمعت حكاية عشرى جوز البت سعدية إللي ضربه الاتوبيس على الكوبرى والمحامى جالها البيت وقاللها إكتبيلى توكيل وأنا أجيبلك تعويض من هيئة النقل العام وبعدين لهف نص التعويض بتاع الأيتام
الثورة زى ما قامت ضد فساد الحكم كان لازم تقوم ضد كل المفسدين والمستغلين والمحتكرين فى البلد لازم الكل يتغير
عم رمضان والله صدقت يا شيخ حسن
الشيخ حسن لما أنا ضرير ومش عاجبنى الحال إيش حال المفتحين إللي الحاجات دى بتحصل قصاد عينيهم وساكتين
إستنى يا شيخ رمضان الظاهر ان ضيوفك وصلوا
صلاح إنتوا منتظرين حد ؟
الشيخ حسن دلوقت تعرف كل حاجة محمد
ياشيخ رمضان يااهل الله ياللي هنا
عم رمضان إتفضل يا محمد محمد السلام عليكم الجماعة واقفين على الباب واناسبقت علشان أعرفك ان جرجس إبن خالتى ما يعرفش إنى أسلمت ومريانا ماقالتلوش
عم رمضان ماشى قوللهم يتفضلوا
محمد ادخلوا ياجماعة اتفضلوا
دى اختى مريانا ياشيخ رمضان وده جرجس إبن خالتى والتالت طبعآ انت عارفه
عم رمضان يا أهلآ وسهلآ
جرجس سعيدة عليكم
الشيخ حسن السلام على من إتبع الهدى
محمد أعرفكم بعم رمضان جارى وزى والدى
وده الشيخ حسن الكفر كلاته بيحبه
عم رمضان يامرحب يا مرحب دى إيه الخطوة السعيدة دى
تعالوا بقا كلنا نقعد جوه فى المندرة
إتفضلوا
محمد على فكرة جرجس إبن خالتى شماس فى كنيسة العدرا فى مصر
الشيخ حسن وماله مايجراش حاجة أهو على الأقل يرد على شوية حاجات عاوزين نعرفها عندكوا
جرجس أنا تحت أمركم والرب ينور طريقكم
الشيخ حسن إذا كان علينا إحنا بنحب الرب ونعظمه ونسبح بحمده وسبحانه منور قلوبنا
عم رمضان هو حضرتك بتشتغل إيه ؟ جرجس أنا شماس عم رمضان طيب عال أوى أصل عندى شمسية كنت شاريها السنة إللي فاتت ومابقتش تفتح كويس ، ياريت تبقى تشوفهالى
محمد جرجس إبن خالتى ما بيفهمش فى الشماسى ياعم الشيخ رمضان ده شماس فى كنيسة زى ما قلتلكم عم رمضان إنت مش بتقول شماس ؟
جرجس الشماس رتبة فى الكنيسة تحت الأسيس عم رمضان هو الشماس ده يقرب للشمس ؟
الشيخ حسن هما يا شيخ رمضان بيشبهوا الثالوث عندهم بالشمس وانها ضوء وحرارة والولّه ميلاد قاللي ان الشمس مرسومة كتير عندهم فى الكنيسة على المذبح بتاعهم وعلى الإزاز بتاع الشبابيك وعلى الكراسى والأيقونات فبيشبهوا الله الثالوث بالشمس
عم رمضان يعنى بيعبدوا الشمس ؟ الشيخ حسن أصلهم حبوا يجاملوا قسطنطين الوثنى علشان يكون فى صفهم فدخلوا الشمس فى عقيدتهم
جرجس احنا موحدين زيكم تمام وبنعبد الله إللي انتم بتعبدوه
الشيخ حسن احنا بنعبد الله الواحد الذى لم يلد ولم يولد ولم يكن له كفؤا أحد وانتم بتعبدوا المسيح ابن مريم وبتسموه الله الكلمة مع إنه نبى مرسل وقد قال لكم ذلك بلسانه فى إنجيلكم ولكنكم لم تصدقوه
نحن إلهنا واحد
وأنتم إلهكم تلاتة فى واحد
نحن موحدين وأنتم مثلثين
عم رمضان هى الشمس صحيح مرسومه عندكم فى الكنيسة زى ماقال الواد ميلاد للشيخ حسن
جرجس ده تشبيه يعنى رمزية وهى تشير للأب والأبن والروح القدس وان التلاتة واحد وانهم زى الشمس وضوئها وحرارتها كل دول بنسميهم شمس
عم رمضان إهيه ماهى الحكاية باينة زى الشمس أهي
جرجس إزاى ؟
عم رمضان انت بتقول تلاتة وبتقول كلهم ، يعنى جماعة مع بعض ، فإزاى يكونوا واحد ، إلآ إذا
جرجس إلا إذا إيه ؟
عم رمضان إلآ إذا كان المقصود ان رأيهم وهدفهم واحد
يعنى الله والرسول والملاك الذى بلغ وحى الله للرسول
زى ما بيحصل حدانا لما نجتمع جماعة مع بعض ويكون هدفنا ورأينا واحد
الشيخ حسن الشمس موجودة فى عقيدة الوثنين ومرسومة على معابد المصرين وكمان بيسموها معابد الشمس وأنتم أخدتوها عنهم
طيب تقول إيه عن العجل أبيس المرسوم عند الفراعنة وإللي إستبدلتوه عندكم بالخروف أبو سبع قرون وسبع عيون
عم رمضان إهيه يعنى اليهود عبدت العجل وانتوا عبدتوا الخروف
عم رمضان
إياكش تكونوا سميتوا الحتة إللي فى مصر عين شمس علشان بتقولوا إن فيها شجرة مريم إللي إرتاحت تحتها لما هربوا من الرومان
صلاح ممكن أسئل حضرتك سؤال ؟
جرجس إتفضل
صلاح المسيح عندكم هل هو الله أم إبن الله ؟
جرجس الأبن هو الكلمة المتجسد
صلاح دى مش إجابة
جرجس الأب غير الأبن
صلاح وغير الروح ؟
جرجس وغير الروح
صلاح يعنى الأب غير الأبن غير الروح
جرجس نعم صلاح إذاً هم ثلاثة طالما ده مش هو ده وده مش هو ده جرجس ولكنهم واحد
صلاح كيف يكونوا واحد وهم ثلاثة وكل منهم غير الآخر
الشيخ حسن طالما ان الأب غير الأبن زى ما بتقول
فيبقوا إثنين وبإضافة الروح القدس ييبقوا ثلاثة
فكيف تحسبوا الثلاثة على إنهم واحد مع إنكم تقولوا ان كل منهم هو إله كامل
جرجس هم من جوهر واحد
عم رمضان احنا فلاحين وبنخبز عيشنا بنفسنا الأول بنعجن العجين ونسيبه يخمر وبعدين نعمله أرغفة بالمطرحة وبعدين نخبزه
فهل لو أخذنا ثلاثة أرغفة من العيش بعد الخبيز وهم فى الأساس من نفس العجينة نقدر نقول ان دول مش ثلاثة أرغفة دول رغيف واحد
جرجس الله الكلمة تجسد فى مريم العدرا وخرج منها فى صورة عبد كما قال معلمنا القديس بولس
الشيخ حسن إذا كان الله الكلمة كما تقول تجسد فى السيدة مريم
أو بمعنى أخر ان اللآهوت دخل فى العدرا وتجسد وخرج منها فى صورة المسيح أى إنه أخذ صورة إنسان فقط ..صح ؟
جرجس أيوه
الشيخ حسن طيب من أين أتت الروح البشرية إللي البابا بتاعكم قال إنها نزلت للجحيم لتخلص من فيه مع اللاهوت إللي كان فى نفس الوقت متحد مع الجسد فى القبر
طالما ان اللاهوت أخذ مجرد صورة فقط حتى نراه كما تدعون وليس زرع بشر كما تقولون فمن أين أتت الروح البشرية التى نزلت إلى الجحيم ؟ وكمان سؤال لحضرتك هل كان الجسد المتحد باللاهوت فى القبر من غير روح بشرية فى هذا الوقت ؟
جرجس مش فاهم سؤالك الشيخ حسن لو مفيش رد مفيش مشكلة
صلاح المشكلة هى فى حكاية تجسد آخذآ صورة
الشيخ حسن مانا بأسئله علشان كدة
لأن اللآهوت لو كان أخذ صورة فقط حتى نستطيع أن نراه لأنه روح ولا نستطيع أن نرى الروح
إذآ ما حاجته للروح البشرية ؟
صلاح إذا كان اللاهوت أخذ صورة المسيح حتى نراه
فما حاجته لروح بشرية لن نراها ؟
عم رمضان واحنا حنروح بعيد ليه
الشيطان ماهو كمان روح ومنقدرش نشوفه إلآ لما ياخد صورة انسان أو حيوان وساعتها نقدر نشوفه فى الصورة إللي أخدها وهو مش محتاج لروح بشرية علشان يظهر بيها
رومانى كلامك صح ياعم رمضان أنا ليّا إبن عم مات محروق السنة إللي فاتت والعفريت بتاعه بقى يطلع كل ليلة ويقول إلحقونى ياناس إلحقونى ياناس والنار ماسكة فيه وجابوا الأسيس ورش ماء مقدس ورشم بالصليب على المكان ورغم كدة العفريت فضل يطلع كل ليلة والأخر الناس قالوا لعمى كب عدس ودق مسماميرمكان ما بيطلع وفعلاً العفريت مبقاش يطلع تانى
الشيخ حسن حتى العفاريت ما بتحبش العدس ؟؟؟؟
جرجس لسه مش فاهم قصدكوا إيه من الروح البشرية ؟
صلاح إنتوا بتقولوا ان روح المسيح البشرية نزلت مع اللاهوت للجحيم وخلصت من فيه
هل ذكر ذلك أحد من كتبة الأناجيل الأربعة
جرجس مكتوب فى يوحنا
5: 25 الحق الحق اقول لكم انه تاتي ساعة وهي الان حين يسمع الاموات صوت ابن الله والسامعون يحيون
الشيخ حسن الأول انت فاهم الكلام إللي قلته ؟
جرجس فى نزول المسيح الانتصارى للجحيم المأسورين سيسمعوا صوته ويحيون عندما يدخلهم الفردوس
الشيخ حسن ها ها ها طيب وبالنسبة ل ( تاتي ساعة وهي الان ) تقول فيها إيه ؟
يا سيد جرجس لا تغالط نفسك وتتزاكى علينا
المقصود ان اليهود لأنهم تركوا الشريعة والناموس هم فى نظرالمسيح أموات وعندما يسمعوا صوت إبن الله ويقصد بها تعاليمه التى كلفه الله بتبليغها فقد إنتقل من الموت إلى الحياة
وبعدين مش غريبة إنه يقول إبن الله لإنه معنى مجازى وكل اليهود بيقولوا إنهم أولاد الله
وحتلاقى بيان ده يا سيد جرجس فى العدد إللي قبله
5: 24 الحق الحق اقول لكم ان من يسمع كلامي و يؤمن بالذي ارسلني فله حياة ابدية و لا ياتي الى دينونة بل قد انتقل من الموت الى الحياة مريانا بس إحنا موحدين يا شيخ حسن وبنقول لآ إله إلآ الله
الشيخ حسن جميل إنك تقوللي لآ إله إلآ الله
بس من هو الله فى نظركم
إذا قلتم إنه المسيح فقد كفرتم
عم رمضان قال الله فى قرأنه الكريم
لَّقَدْ كَفَرَ الَّذِينَ قَالُوا إِنَّ اللَّـهَ هُوَ الْمَسِيحُ ابْنُ مَرْيَمَ قُلْ فَمَن يَمْلِكُ مِنَ اللَّـهِ شَيْئًا إِنْ أَرَادَ أَن يُهْلِكَ الْمَسِيحَ ابْنَ مَرْيَمَ وَأُمَّهُ وَمَن فِي الْأَرْضِ جَمِيعًا وَلِلَّـهِ مُلْكُ السَّمَاوَاتِ وَالْأَرْضِ وَمَا بَيْنَهُمَا يَخْلُقُ مَا يَشَاءُ وَاللَّـهُ عَلَىٰ كُلِّ شَيْءٍ قَدِيرٌ ﴿المائدة: ١٧﴾
وقال سبحانه فى نفس سورة المائدة
لَقَدْ كَفَرَ الَّذِينَ قَالُوا إِنَّ اللَّـهَ هُوَ الْمَسِيحُ ابْنُ مَرْيَمَ وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّـهَ رَبِّي وَرَبَّكُمْ إِنَّهُ مَن يُشْرِكْ بِاللَّـهِ فَقَدْ حَرَّمَ اللَّـهُ عَلَيْهِ الْجَنَّةَ وَمَأْوَاهُ النَّارُ وَمَا لِلظَّالِمِينَ مِنْ أَنصَارٍ ﴿المائدة: ٧٢﴾
صلاح ألم يقل لكم يسوع فى يوحنا
إني سأصعد إلى أبي وأبيكم وإلهي وإلهكم
عم رمضان ياخواتى ماهو بيقول لتلاميذه أهو أبى وأبيكم ، يبقا التلاميذ مولودين من الله ؟ مش تشغلوا عقلكوا شوية
وقال وإلهى وإلهكم
الشيخ حسن وقال الله عن اسرائيل إبنى البكر فاليهود إعتبروا أنفسهم أبناء لله فالمسيح يكلمهم بنفس الفكر
جرجس نحن لآنؤمن بأن القرأن كلام الله
الشيخ حسن لأن الشيطان جعلكم تبغضوا الحق
ولآ تقبلوه
مريانا نحن نؤمن بأن الله واحد ولكنه مثلث الأقانيم
رومانى عندنا فى الكنيسة أيقونة بتصور الثالوث
يعنى 3 أشخاص إللي فى النص كبير شوية إللي هو الأب والتانى أصغر منه إللي على يمين الأب وهو الأبن والتالت إللي على الشمال لآ كبير ولآ صغيرإللي هو الروح ومشتركين مع بعض فى الوسط يعنى ليهم وسط واحد ورجلين إتنين
وأبونا قال الثالوث زى كدة بالظبط التلاتة متحدين ومش ممتزجين ولآ منفصلين
يعنى متحدين من الوسط بدون إمتزاج ومش منفصلين ولآ لطرفة عين جرجس ما تتكلمش يارومانى من غير ماأقولك
الشيخ حسن وانت واقف قدام الأيقونة بتكون بالنسبة للإبن يمين ولآ شمال ؟
رومانى الأيقونة هنا وأنا هنا والأبن هنا
يبقا الأبن شمالى وأنا شماله
بس إيه غرضك من السؤال يا شيخ حسن
الشيخ حسن أصلك حتكون جدي فى نظر يسوع
25: 33 فيقيم الخراف عن يمينه و الجداء عن اليسار
يعنى ما حصلتش خروف
ومش كدة وبس ده يسوع حيقولك انت وإللي واقفين معاك فى الشمال
25: 41 ثم يقول ايضا للذين عن اليسار اذهبوا عني يا ملاعين الى النار الابدية المعدة لابليس وملائكته
صلاح طيب يا سيد رومانى انت بتقول ان الأيقونة بتصور الثالوث بثلاثة أشخاص مشتركين من وسطهم وليهم رجلين فقط
فى الحالة دى ممكن واحد فيهم يفارق الاتنين إللي معاه
رومانى يفارقهم إزاى ؟ جرجس رومانى ما يعرفش حاجة خالص رومانى إستنى يا جرجس لو سمحت علشان أشوف الاستاذ بيقصد إيه
صلاح يعنى ينزل الأرض مثلآ ويتجسد فى إنسان
جرجس الأيقونة دى حاجة رمزية لشرح الثالوث
محمد أبونا كان بيقوللنا فى الكنيسة ان الأب إله كامل والأبن إله كامل والروح إله كامل والأب غير الأبن والأبن غير الأب والروح غير الأب والأبن
وان الأبن مولود والروح منبثق والأب ضابط الكل
بس ما نقولش عنهم إنهم 3 ألهة ونقول عنهم إنهم إله واحد صح ياجرجس ؟
الشيخ حسن طيب بالنسبة للروح المنبثق إنبثق بإرادته هو أم بإرادة الأب
محمد السؤال ليّا يا شيخ حسن ؟
الشيخ حسن لأ السؤال لجرجس
جرجس بإرادة الأب
الشيخ حسن فين دليلك أنا ماليش دخل بإعتقادك
وبعدين لو بإرادة الأب فده معناه ان الروح ليست له إرادة ولآ يكون مساويآ للأب وإنتوا بتقولوا إنهم متساووووون
صلاح وعقيدتك تثبت إنهم غير متساون
جرجس كيف ؟
صلاح لو كان الثلاثة متساون لما أطاع منهم الأخر حينما أرسله ورفض البهدلة والضرب والجلد
و قال إشمعنى أنا
عم رمضان
لقَدْ كَفَرَ الَّذِينَ قَالُوا إِنَّ اللَّـهَ ثَالِثُ ثَلَاثَةٍ وَمَا مِنْ إِلَـٰهٍ إِلَّا إِلَـٰهٌ وَاحِدٌ وَإِن لَّمْ يَنتَهُوا عَمَّا يَقُولُونَ لَيَمَسَّنَّ الَّذِينَ كَفَرُوا مِنْهُمْ عَذَابٌ أَلِيمٌ ﴿المائدة: ٧٣﴾
جرجس أنا شايف ان الوقت إتأخر وأنا أصلآ مسافر الصبح بدرى وراجع على مصر
ياريت نبقى نقعد مع بعض قاعدة تانية
مريانا انت ياجرجس مش قلتلي ان عندك إستعداد تسهر للصبح من أجل مجد الله
جرجس أنا كنت فاكر كدة بس مش قادر يامريانا صدقينى عندى مشاوير مهمة
رومانى خلاص يامريانا ما تغصبيش عليه وسيبيه براحته
نستأذنك ياعم رمضان معلش سهرانكم الليلة معانا
عم رمضان ياريتكوا تبقوا تجيبوا جرجس معاكم مرة تانية
محمد بإذن ربنا حاجيبه معاى مرة تانية مش كدة ياجرجس ؟
جرجس سعيدة
**********
*******
يا إخوة بارك الله فيكم مش معقول أكتب أى موضوع ولا أجد أى مداخلة منكم
للمزيد من مواضيعي
|
الموضوعات المتماثلة
العرض العادي
