|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
03.04.2010, 09:03
|
|||||||||||||||||||||
|
|||||||||||||||||||||
كاترينا تتكلم بعد سنتين من الصمت
هل احد منكم يعرف من هى كاترينا؟ كاترينا هى المسلمة للابد,نعم هى المسلمة للابد,ما نعلمه عنها انها شخصية مرحة ,كثيرة المزاح مع الأخوات ومن اجل ذلك يحبها معظم الأخوات,وايضا نعرف عنها انها لم تولد مسلمة بل انها تحولت لهذا الدين العظيم قريبا,لكن هل هى تحولت فعلا عن اقتناع؟ولا واحد جدع ضحك عليها بكلمتين؟ولا هى فعلا يهودية وعايزة تشوه المسيحية؟ولا هى مسيحية وليها اغراض ماكرة؟ ولا فعلا هى مسلمة متخلفة مش فاهمة اى حاجة فى اى حاجة؟طيب ما تيجوا نشوف هى كتبت ايه بنفسها,,,, حقيقي مش عارفة أبتدي منين أو أحكي ازاي مفكرتش أكتب حكايتي قبل كدة لكن الاخت أنوار طلبت مني أكتب قصتي وأنا لبيت طلبها و هتكلم بطبيعتي جدا واللي في قلبي هقوله زي ما هو لعله يلمس قلب كل انسان يقرأ كلامي فكلام القلب يلمس القلب وأسأل ربنا سبحانه أن يوفقني ويوفق كل من يقرأ كلماتي إلى ما يحبه ويرضاه..آمين أنا إنسانة بسيطة جدا قلبي مليان سلام ومحبة للجميع ولدت لأب مسيحي من طايفة الكتالكة وأم لا دينية وكنت انا ثمرتهما اتربيت ونشأت مع عمتو التي كانت لي نعم الأم الحنونة بطلب من ربنا ينور قلبها ويرشدها إلى الحق والنور ... انا كنت كبنت مسيحية بسيطة اتربيت على مباديء سامية فعلا زي مثلا المسيحي لا يكدب لا يشتم فالمسيحي يحب الجميع بلا تفرقة وقلبه يمتليء سلام لكل من حوله ...كل دي مباديء عشتها وبطبقها في حياتي بالفعل... لكن دايما كان يراودني حاجة كنت بستغرب لها جدا وهي بما إن قلبي مليان محبة وسلام للجميع ليه انا بشوف في عيون بابايا وافراد عيلتي الاسلوب المنفر من تعاليم اسلام ومن رسول المسلمين..فأنا كمسيحية أمينة مش يهمني أبدا إن كان رسول المسلمين كويس ولا وحش وماليش اكرهه نهائي .. لكن الحقيقة بجد ان مكنش اي حد في عيلتي او في كنيستي بيقول بالحرف والكلمة اكرهي رسولهم..لكن مكنش فيه حد منهم بيتكلم عنه كلمة كويسة قدامي عمري ما سمعت منهم حرف كويس في حقه ..كنت بتضايق جدا مش علشانه صدقوني لكن علشان انا كنت بضايق من الاحساس المتناقض جوايا منين بحب كل الناس ومينفعش أغلط في حد وفي نفس الوقت كلام عن محمد رسول المسلمين في الطالعة والنازلة وانا اصلا معرفوش ومكنتش عايزة اعرفه صدقوني دة كان احساسي وقتها .. الموضوع كله بالنسبة لي مجرد اني بنت أمينة اتربيت على عدم الكراهية وكدة فأنا حبيت أطبق المبدأ دة مع الجميع لكن حقيقي لما حاولت اطبقه اتفهمت غلط وأخدت اتهامات في إيماني ملهاش أول من آخر مع إني كنت لما بتكلم في اي موضوع مع ابونا او بابايا أو طنط لمجرد اني عايزة افهم مش لأني بشك في يسوع المسيح .. المهم علشان مش أطول عليكم أنا لما دخلت البالتوك اتغيرت المفاهيم اللي انا اتربيت عليها ولاقيت نظرتي للي حواليا بتتغير...أول مرة دخلت بالتوك كانت بسبب اعلان جالي على الياهو بأن فيه مناظرة في اوضة استاذ وسام انا بصراحة مكنتش اعرف يعني ايه مناظرة أصلاولا عمري سمعت حوار فيه شد وجذب بين اتنين مختلفين مع بعضيهم في الايمان... كنت خايفة جدا في الاول لكن حقيقي صحابي قالولي لو معجبكيش الكلام مفيش مشكلة مش هتخسري حاجة من التجربة .. فقبلت عرضهم مجاملة ومحبتش اكسفهم وحقيقي دخلت الغرفة اللي فيها مناظرة واخدت صدمات كتيرة جدا في الكلام اللي سمعته حسيت إن الناس الموجودة دي بيتكلمو عن مسيحية غير المسيحية اللي اتربيت عليها وعرفتها ناس بتتكلم في قتل وتشريد وهلاك وضياع صرخت في اصحابي وقلت لهم الكلام دة كله كلام كدابين مش ممكن دة يكون غير كلام ناس حقودة على انجيل المسيح وبيقولوا كلام مستحيل يكون من تعاليم السيد المسيح أبدا وكدة وروحت سايبة البالتوك ومشيت .. ومبقتش ادخله وقررت بيني وبين نفسي اني طالما ما ارتحتش للجو دة مش هدخل تاني وخلاص بس حقيقي نفسيتي تعبت جدا لاني عمري ما كنت اتخيل ولا اتوقع ان ممكن يجي عليا يوم اسمع حد بيتكلم عن الرب يسوع المسيح بالشكل دة مع اني عارفة ان فيه ناس حقودة كتير الا اني متوقعتش ان ممكن اقابل حد بيقول عنه كلام صعب بالشكل دة واسمعه بودني بشكل مباشر.. لكن أنا سيطرت على نفسي وأخدت الموضوع بمنتهى البساطة وقررت مقعدش في مكان يتعبني نفسيا وخلاص أخدت القرار بإن دي كانت اول وآخر مرة ادخل بالتوك وكدة..لكن سبحان الله لما ربنا بيريد شيء بيسهل وسائل وقوعه..تعرفوا بجد ؟انا من لما كنت صغيرة كنت كتير بسأل طنط ازاي الرب يسوع اتألم كل الألامات دي كلها وليه مش دافع عن نفسه ليه أخد كل الألامات دي كلها لوحده كانت دايما تقوللي علشانك وعلشانا كلنا وحتى علشان اللي هما مش بيحبوه وهما لو فهموا الحقيقة دي عمرهم ما هيزعلو منه فكنت اقولها يعني فيه حد مش بيحبه ؟؟ كانت تقولي كلنا بنحبه و اللي بيكرهه الشيطان بس علشان كدة كان بيحاربه دايما لأجل إنه مش يترفع على الصليب لكن الرب القدوس دمر خطة الشيطان وتمت خطة الصلب والفداء زي ما رسمها الرب بالظبط فأي حد مش يحب الرب يسوع يبقى فيه روح شريرة كانت كل ردودها بتخليني اسأل سؤال جديد فكانت لما تزهأ مني تقوللي حبيبتي لما تكبري ربنا هيخليكي تفهمي كل حاجة كانت الكلمة دي بتهدي اعصابي جدا لانها بتحسسني اني فعلا صغيرة ومش المفروض اكون عارفة كل حاجة دلوقتي.. لكن صدقوني من لما كبرت لاقيت نفسي مافهمتش حاجة اكتر من اللي كنت فاهماه وأنا صغيرة وإن أكبر قدر من المعرفة فهمته وانا صغيرة هو هو أقصى حد من المعرفة اللي عرفتها وأنا كبيرة كانت نقطة ضعفي هي صلب المسيح كنت بتألم جدا لما أشوف صورته على الصليب وكنت أبكي كتيرجدا وكنت أقول لطنط أنا بحبه أوي مش عايزاه يكون كدة كانت تصبرني بكلمات كتيرة وتقول لي حبيبتي اللي بتحسي بيه دة احساسنا كلنا بس دي خطة ربنا اللي كانت لازم تحصل علشان احنا نعيش شوفتي أد ايه هو بيحبك و بصراحة أنا كنت باخد كلامها مع اني مش كنت مستوعباه أوي بس كنت مقتنعة بحاجة واحدة انها بتحبني وبتخاف عليا وهي تعرف اكتر مني ومستحيل تخدعني او تكدب عليا ودة اللي كان بيطمن قلبي لكن كان بيحصل معايا مواقف غريبة مكنش ينفع أتجاهلها ابدا حقيقي مع إني حاولت اتجاهلها لكن صدقوني مقدرتش كان من اغرب المواقف اللي مريت بيها واللي حركت قلبي وروحي فعلا حاجة حصلت مع بنت صغيرة عندها بتاع سبع سنين هي بنت جارتي وهما من مسلمين الادانات أدنت وأنا عندهم فـ البنت دي مبتعرفش تتكلم كلمتين على بعض وطبيعتها انها هادية جدا وبتتكسف مووت في اليوم دة كانت غريبة جدا جدا لاقيتها جاية لي تقوللي يلا قومي علشان الصلاة دلوقتي علشان مش نتأخر على ربنا فقلت لها حبيبتي انا مش بصلي دلوقتي خالص وبعدين لما اروح البيت هبقى اصلي براحتي قالت لي لا قومي دلوقتي علشان مينفعش تتأخري على الصلاة قلت لها حبيبتي اصل انا مش بعرف اعمل وضوء قالت لي ياخبر يعني إنتي كبيرة ومش بتعرفي تعملي وضوء مش مهم مش مهم تعالي معايا وانا هعلمك قلت لها حبيبتي مش بعرف اتحرك براحتي في بيت حد وكدة قالت لي مش تتكسفي خالص كلنا هنا بنات ومفيش اي راجل ممكن يدخل علينا هنا وتشدني جامد يلا قومي قلت لها حبيبتي سيبيني براحتي لما اروح بيتي ابقى اصلي لربنا براحتي لاقيتها مصممة تشدني روحت اتخنقت عليها وقولت لها مش تنرفزيني واسمعي كلام الاكبر منك لما احب اعمل صلاة بعملها ومش بحب اعمل صلاتي قدام حد فهمتي لاقيت البنت سابت ايدي ونظرت لي نظرة لا يمكن أنساها مدي حياتي وقالت لي يعني انتي مصممة تبقى من الكافرين خلي بالك اللي مش بيصلي بيكون من الكافرين وصدقيني انا بحبك ونفسي تكوني معانا في الجنة عند ربنا زي ما انتي معانا في بيتنا دلوقتي صدقوني فعلا كلمتها دي لمست روحي جدا جدا وقلت لنفسي دين ايه دة ولا تربية ايه دي اللي تخلي بنت صغيرة زي دي تخليني في حالة بالشكل دة مش عارفة انطق قصادها بكلمة المهم وكلامها يلمس قلبي كدة وقررت فعلا أعطي لنفسي فرصة أدرس في كتابي اللي هو كلام الرب القدوس بتعاليمه السامحة زي ما انا كنت معتقدة فقررت أقرأ فيه بكل جدية واسأل في اللي مش عارفاه لأجل اني اخلص الناس اللي بحبهم من قلبي بجد ومش ذنبهم انهم مش فاهمين ومش عارفين وكدة ...كنت فاكرة ان الموضوع بسيط واني مع القراءة والسؤال عن كل حاجة مش عارفاها ان الموضوع هيتم بمنتهى البساطة لكن لاقيت نفسي قصاد تجربة حقيقية مليانة صدمات وصدمات وصدمات وصدمات..... لاني اعتبرت فرصة قراءتي للإنجيل المقدس وسيلة لتهذيب نفسي وروحي وكدة لكن اللي حصل إني لاقيت نفسي بتلخبط وبتفهم غلط ومبقتش عارفة اي حاجة في اي حاجة وبقيت عبارة عن كزا شخص في شخصية واحدة وكذا احساس في احساس بشري واحد بقيت مش عارفة ان كنت انا امينة فعلا وعايزة اتعلم علشان اخلص اللي بحبهم ولا هما مش فارقين معايا في حاجة وانا بخدع نفسي مبقتش عارفة ان كان لازم احبهم فعلا ولا انا بكرههم حقيقي اتلخبطت جدا واكتشفت اني انا اللي في مشكلة حقيقية مش حد تاني انا اللي محتاجة لحد يخلصني خلاص حقيقي مش حد تاني لان المشكلة الحقيقية لاقيتها عندي أنا قبل ما تبقى عند أي حد غيري والغريب إني لما حاولت أسأل أبونا وكدة كان بيقولي كلام ما يرضيش طفلة صغيرة يعني مثلا لما قلت له يابونا بيقولو علينا مشركين كان يقوللي وماله ايه يعني ما يقولو اللي هما عايزينه هما غيرانين منك علشان انتي بنت الملك واحنا مسيحنا حي لكن هما رسولهم مات علشان كدة الحقد مالي قلوبهم وبيحسدوكي على نعمة ربنا ليكي لانه اختارك تكوني بنته لكن هما أشرار وروح الشر فيهم فكنت بقوله طيب اوكي انا مصدقة كل كلمة يتقولها انهم بيحقدوا والكلام دة بس انا عايزة قدسك تطمن قلبي علشان اعرف اقنع اي حد يقول لي في وشي اني مشركة قاللي مش تشغلي بالك بحد مش مسيحي وخليكي متأكدة ان اي واحد منهم بيحقد على اي واحد مسيحي وبيحسده لانه الرب اختاره يكون ابنه لكن هو مش مخلص وفيه روح الشر فلاقيت نفسي بقوللا اله الا الله لاقيته اتنرفز عليا وقاللي الالفاظ اللي بتقوليها تبقي تجاري بيها صحابك برة لكن هنا تلتزمي بألفاظنا المسيحية الجميلة متاخديش الفاظ من الاخرين وبلاش تتعاملي مع غير مسيحيين كتير قلت له بس يابونا لا اله الا الله كلمة مش ضد الايمان المسيحي اطلاقا مش شايفة فيها حاجة غلط قاللي طبعا لا تخالف الايمان واحنا موحدين زي ما علمتك ونحن نؤمن باله واحد آمين لكن اعتراضي على استخدامك لألفاظ مش مألوفة هنا استخدمي ألفاظنا المسيحية الجميلة وبلاش تتأثري بكلام الاخرين من غير المسيحين قلت له حاضر وأخدت الكلام منه ومقدرتش اتجاهل كل كلمة قالها ابدا ومشيت اكلم نفسي واقول انا موحدة يبقى المفروض مزعلش من اي كلمة موحدين وقلت لنفسي أبوناحر في وجهت نظره لكن انا هعترف بأي كلام فيه توحيد حتى لو كان من اي حد غير مسيحي طالما لم يخالف ايماني رجعت لطنط اقولها على اللي حصل قالت لي حبيبتي ابونا لا يمكن يكون قصده الشر اوعي تزعلي منه ابدا لانه لا يمكن يكون ليه مصلحة في ضررك هو امين بيخدمنا برموش عينيه قلت لها طيب حاضر وخلاص وبقيت احس ان اي حاجة اتكلم فيها لازم يبقى فيها لوم وعتاب بطلت اتكلم مع حد في اي حاجة ليها علاقة بالايمان وكدة وكبرت دماغي خالص بس برضه قلبي وعقلي مش قادرين يتجاهلو الكلام اللي سمعته من مسلمين والاتهامات اللي لاقيتها في كلامهم عن الرب يسوع سواء جوة البالتوك أو من خارجه عايزة فعلا اتعلم علشان اعرفهم انهم غلط ومش فاهمين ومش عارفين يسوع المسيح صح وانهم لو عرفوه هيحبوه وهيؤمنوا بيه ويقبلوه في حياتهم يغيرها ويحليها فبقيت ادخلل النت اقرا كتير تفسيرات واسأل براحتي ورجعت ادخل بالتوك بس رومات مسيحية فقط وكانت الصدمة الكبيرة بالنسبة لي كمان اني لاقيت مسيحين بيشتموا وبيسخروا من ايمان الاخر وشوفت نماذج حقيقي مش سوية ابدا ولا يمكن يكونو مسيحيين أمناء قلت يمكن تكون فرصة كويسة اسأل في اللي عايزاه وخصوصا هنا على النت محدش عارف حد وأقدر اتكلم بحرية في اللي مش فاهماه والاقي حد يفهمني لكن لاسف لاقيت ناس بتتكلم عن طبيعة المسيح بشكل غير ما انا فاهمة خالص مع انهم مسيحيين بس طلعو من طايفة تانية واتصدمت كتير جدا من الخلافات اللي لاقيتها بين طايفتي وبين طايفتهم حاجة مختلفة جدا جدا لاقيت أدمن بيقول ان الاب مش هو الابن مش هو الروح القدس ومع ذلك هم واحد بقيت اقول للادمن لا لا كلام حضرتك غلط ابونا علمني ان الاب هو الابن هو الروح القدس وان الروح القدس انبثق من الاب والابن فقاللي اللي انا بقوله ليكي دة هو الصح ومفيش صح غيره عايزة تصدقي كلامي اهلا بيكي وانا ماليش دعوة بكلام اي حد غير كلامي اللي بقوله دلوقتي اتضايقت جدا من طريقته في الرد وبطلت ادخل هناك تاني خالص ورجعت اكلم صحابي من مسلمين وكدة ورووحت لغرفاتهم وكدة وبقيت اقعد اسمع وانا ساكتة اتفاجئت في مرة بشخصيةمن عيلتي بتتكلم على البالتوك وبتقنع شخص مسيحي بأن يسوع المسيح مش هو رب المجد دي كانت صدمة من ضمن الصدمات بالنسبة لي حاولت اتصل بيها وافهم ايه اللي بيحصل دة وكدةفهي قعدت تفهمني ليه هي مش بقت من مسيحيين وإنها صدقت الرسول محمد وآمنت بيه وكدة واختارت تكون من مسلمين وقعدت تكلمني في حاجات كتيرة جدا واختلافات رهيبة بين القران وبين الانجيل منكرش ان كلامها أثر فيا كتير لكن لاقيت نفسي بتحول وبنفعل عليها وبقولها كلمة أبونا بالحرف الا السكة دي الا الإسلام الا محمد الا السكة دي انتي روحتي للشبكة بتاعتهم برجليكي واصطادوكي وعلشان كدة انتي عايزة تضيعي اي حد تعرفيه زي ما ضيعتي نفسك قعدت تفهمني انها مضاعتش ابدا وانا محستش انها بني ادمة ليها رب حقيقي بيفهمها ويحس بيها الا وهي بتعمل صلات مسلمين وكدة المهم سيبتها وقلت لها انتي حرة وعملت لها مشكلات كتيرة جدا هي وجوزها ربنا يسامحني مكنتش اعرف اني هكون في نفس الطريق لو كنت بعرف الغيب مكنتش عملت الشر اللي عملته فيها ربنا يسامحني ويغفر لي قولو آمين مع مرور الوقت واسمع كتير وابحث كتير واقرا مع اني مكنتش بحب القراءة لاقيت نفسيتي بتتعب ومحتاجة لقوة عظمى تعطيني دفعة روحية تثبتني على نور ربنا اللي انا عليه فبقيت اعمل صلوات كتيرة لرب المجد واقوله انا مصدقة انك ربنا اللي عملتني واكيد حضرتك حاسس بيا جدا وباللي فيا ابعت لي سلامك انا انسانة ضعيفة من غيرك ارجوك قويني فيك انا مش عايزة غيرك انا بنتك وانا عروستك متنسانيش ومش تتخلى عني في محنتي انا في ضعف شديد ارجوك قويني واحفظني في إيمانك آمين لكن للاسف لو كنت بكلم طوبة كانت ردت عليا وقالت لي ارحمي نفسك من اللي بتعمليه فيها دة مع اني فضلت في حيرتي وبعد الصلاة برده فضلت في حيرة الا اني ما كنتش عايزة اصدق ان فيه طريق حق غير الحق اللي انا عليه زي ما تقولو كدة كانت صعبانة عليا نفسي مر عليا سنتين وانا في الحالة دي مش بعمل حاجة غير اني اثبت نفسي على الطريق اللي انا عليه وان مفيش حق غير الحق اللي انا معاه وبس ومستحيل يكون نور في اي طريق غير طريق المسيح فضلت سنتين تقريبا اقنع نفسي بكدة واي حد يكلمني في اي كلام مش أقول غير الا كلمة أبونا ميخائيل السكة دي لا الا الإسلام إلا محمد مفيش نور غير نور المسيح هو مخلصي وخلاصي وابديتي معاه انا بنته وهو بيحبني ومش ممكن يتخلى عني مهما حصل صدقوني انا كنت مقتنعة اني على غلط اقتنعت فعلا بس كانت مشكلتي الحقيقية هي مجرد حالة نفسية مرتبطة باسم الرسول محمد مكنتش متخيلة ان دي تبقى أخرتها ان الحق يبقى معاه هو واني اقبله في حياتي ويكون فيه تواصل روحي يربطني بيه للابد وكل ما تيجي سيرته أبعد مش عايزة اسمع عنه كلمة كويسة من أي حد مسلم كنت خايفة جدا أتعلق بيه وفضلت زي ما قلت لكو مدة طويلة على دة الحال بس مقدرتش أمنع نفسي من إني اسمع عنه واتعرف عليه وحقيقي كنت كل ما اسمع عنه كلمة كويسة كنت بتقهر من جوايا وكنت بحس بحسرة غريبة كنت بحاول مش أظهر دة لكن صدقوني مبعرفش أخبي حاجة في قلبي للأسف واللي قلبي بقوله على طول وبصرح بيه قريت في سيرت الرسول محمد وحقيقي كلمة بقولها من قلبي وعقلي انا اكتشفت إني مكنتش اعرف عنه حاجة وإن كل اللي ابونا بيقول عليه عنه كله كلام مش صح وابونا نفسه طلع ميعرفش حاجة عن محمد رسول الله ولو اتعلم يقرا عنه ويعرفه بجد عمره ما هيكرهه حتى لو مش آمن بيه ولما لاقيت اني خلاص اقتنعت وصدقته بدموعي وكياني وروحي وحسيت اني كنت غلطانة فقلت إن المكابرة والعناد مش هيجيب نتيجة وضغطت على نفسي ودوست عليها وقررت مخليهاش تتحكم فيا بالشكل دة وقلت أتحكم أنا في نفسي بدل ما اخليها هي تتحكم فيا وتحركني زي ما هي عايزة وخلاص روحت لابونا وفي مقابلتي معاه قلت له هو مش ممكن يكون في حاجات من كلام المسلمين صح بس هما مش عارفين يعبروا عن اللي هما عايزينه بأسلوب كويس تخيلو يرد يقول ايه لاقيته بيقول حتى لو هما صح كله الا السكة دي كله الا سكة محمد والاسلام وبعدين قال انا لو حتىاقتنعت ان ايماني غلط ودة مش ممكن يحصل أنا أختار اكون ملحد ناكر لكل شيء في الوجود ولا أمشي في سكة محمد وقاللي انتي كمان لازم يكون دة اللي جواكي وبعدين على افتراض اننا طلعنا غلط وجي ربنا القدوس يسألك ويعاتبك ويقولك ليه مشيتي في الطريق الغلط ابقى قوليله ابونا هو السبب وخلي ربنا يجيلي يسألني وانا هعرف ارد عليه وهتحمل عنك اي عقاب مش بس كدة دة كمان قاللي لو ربنا القدوس بذات نفسه سألك مثلا انتي ليه مش آمنتي بمحمد رسول من السماء ابقي قولي له بأة يارب مش كنت لاقي غير دة وتعمله نبي...انا مش بقولكو الكلام دة الا لمجرد اني اوصل لكم الواقع الي حصل بالظبط بقيت بسمع له وانا مزهوله واقول لنفسي بأة لو هو على غلط والحق في اي سكة غير سكة محمد هيقبلها يعني الفكرة كلها انه رافض اسم الرسول محمد في حياته حتى لو كان الحق معاه انا بأة مش كدة أبدا ومعرفش اكون كدة ابدا مقدرش ااتكلم بلسان حد او افكر بدماغ حد علشان يعطيني بركة لو البركة بالشكل دة فأنا مش عايزاها ربنا عاطيني عقل ودي نعمة هو هيسألني ويحاسبني عليها في يوم ومن هنا قررت أعيش بعقلي أنا ودماغي انا هما دايما يقولولي ويعلموني بلاش تخلي حد يفكر لك متعيشيش بدماغ حد وهما اللي عايزيني اعيش زي ما هما عايزين ويتحكموا في دماغي وحياتي وتعبت جدا جدا وزهقت وتعبت وقرفت من كل الناس المسلمين بيبذلو كل جهدهم لاثبات انهم على الحق والمسيحين بيبذلو كل الجهد لاثبات انهم اللي على الحق لاني فعلا وصلت لمرحلة اني حسيت اني ضايعة ومبقتش فاهمة أي حاجة فتعبت جدا ونفسيتي تعبت من كل الناس وقررت لا اكلم حد ولا أسأل حد على اي حاجة ومش هطلب غير من ربنا اللي خلقني هو الوحيد الادرى بيا وبي اللي في قلبي وهو الوحيد اللي هيفهمني انا عايزة ايه طالما انه موجود وانا من جوايا متأكدة وماليني يقين انه موجود جيت في لحظة صفاء مع نفسي قلت كفاية عناد وحاولي تفهمي في ايه بجد واللي خلقك هيعرفك الحقيقة مهما كانت وانتي لو امينة هتقبلي الحق في اي مكان كان وخلاص قررت اني هصلي لربنا اللي خلقني وهسأله وهطلب منه اللي انا عايزاه وهو هيعطييني من نوره ولو طلع هو هو الرب يسوع فاكيد هيسامحني على ضعفي والحالة اللي انا وصلت لها دي لانه هيكون بيحبني ومش ممكن يزعل مني وهيقدر ظروفي في يوم بالليل خلاص مش قادرة انام ومش قادرة ابطل تفكير قلت لازم اصللي لربنا اللي خلقني بس احترت اصللي ازاي زي ما ابونا واهلي علموني ولاا ازاي مش عارفة قلت لنفسي هصلي زي ما انا عايزة وبطريقتي وربنا هيفهمني زي ما أنا كدة اكيد هيفهمني مستحيل يكون هو خالقني ومش هيفهم كلامي مستحيل جيت ناحيت الشباك وقلت ياربي يامن خلقتني وخلقت لي لساني أكلمك بيه دلوقتي وعيون بتبص وبتشوف الكون بتاعك ومملكتك العظيمة دي انا عارفة ومتأكدة انك موجود وسامعني وحاسس بيا دلوقتي لان مش ممكن الكون دة كله يكون بلا خالق ومالك حقيقي انا مش عايزة حاجة غير اني اعرف انت مين وفي اي دين لو انت هو الرب يسوع ثبتني واحفظني في ايمانك واكيد هتعرف اد ايه بحبك وعايزاك وهتسامح ضعفي لانك رب النعمة والمجد والسلام ولو انت حد تاني غيره اعطيني اي اشارة ابعت لي اي رسالة وانا هفهم صدقني ارجوك بلاش تسيبني في حيرتي لو انت في اليهودية هختار ابقى يهودية لو في الاسلام هروح لك لو مش ليك اي دين او كدة انا هسيب أي حاجة تربطني بالديانات بس عرفني اعطيني اي اشارة وهفهم ارجوك بليز بلاش تسيبني كدة انا مقدرش اكمل حياتي بالشكل دة انا هموت من الحسرة والالم ارجوك مش تسيبني لو انت الرب يسوع فانا مش عايزة غيرك ارجوووك عرفني انت مين وألاقيك فين أرجوك حليك معايا وحس بيا ارجوك مش تسيبني وحيدة ارجوك متردنيش ولا تسيبني بألاماتي ولو حضرتك زعلان مني علشان مش فكرت اعمل كدة واجيلك من زمان اكيد هتعزرني لاني ما كنتش فاهمة وكنت في حالة مقدرش افكر في اي حاجة لكن انا جيت لك وعايزاك متردنيش ارجوك ملاقيتش رد ولا اي اشارة نمت وصحيت وبرده متضايقة زعلانة وعايزة اوصل لحل عملت صلاة تاني واطلب نفس الطلب واقوله نفس الكلام قعدت اكتر من تلات اسابيع تقريبا اعمل صلاة واكلم ربنا واطلبه واتصل بيه واقوله ارجوك لو انت الرب يسوع احفظني في ايمانك انا بنتك بلاش تسيبني اضيع علشان ضعفت في وقت من الاوقات ولو انت حد تاني غيره عرفني اعطيني اشارة صدقني انا عايزة اعرف الحقيقة انا قلبي محتار ارجوك طمني ارجوك في المرة دي نمت وصحيت على صوت الجامع الخديم اللي فيه بيقول في الميكريفون قال اني عبدالله اتاني الكتاب وجعلني نبيا الخ الايات حسيت باحساس غريب جوايا بس قلت لا مش هربط مصيري بصدفة اكيد دي صدفة وكدة قلت لا مش دي الاشارة مش دي مش دي وعملت صلاة تاني بالليل مكنش حد سامعني ولا حاسس بيا ابدا غير ربنا اللي خلقني وقلت له ارجوك انا متأكدة انك موجود وسامعني وحاسس بألاماتي ارجوك هفهم رسالتك عرفني الحقيقية وانا هقبلها مهما كانت وفي اي مكان كانت ارجوك لو انت هو يسوع المسيح متزعلش مني انا بس كنت بقول لطنط اني مش عايزاك تكون اتصلبت علشان بحبك وبتئذي جدا من لما اشوفك بتتألم كان نفسي اكون مكانك اكيد انت فاهمني ارجوك لو انت هو يسوع المسيح سامحني انا مش عايزة غيرك صدقني اعطيني الحقيقة مش عايزة غيرها مش عايزة غيرها في اليوم دة كنا صبح الجمعة وحصل شيء غريب جدا الشيخ الواعظ بتاع يوم الجمعة كل مرة ببقى اسمعه يتكلم عن مثلا حجاب المسلمة او سلوك المسلم او كرم الجار وحسن الخلق وحاجات زي كدة عمري ما سمعته بيتكلم عن اي حاجة خاصة بالسيد المسيح نهائي في اليوم دة لاقيته بيتكلم عن المسيح وعن ميلاده بمعجزة إلاهية وبيأكد من القرآن انه لا اتصلب ولا اتقتل وان الرب القدوس حفظه من اللي حاولو يئذوه فتحت الشباك علشان اسمع كويس وسمعت الكلام كله وجيت بالليل اقول لربنا هي دي الرسالة وانا بعيط وعيوني مليانة دموع هي دي الرسالة هو عبدك ورسولك بجد وهو متصلبش وانت هو قدوس السماء والارض انت وحدك القدوس ارجوك لو دة الحق ثبته في قلبي وانا هقبله وهرضي بيه خلي قلبي يتملا بحبك وسلامك خلي قلبي يتملا ايمان ونور بدل حيرة وتعب ارجوك في اليوم دة نمت وحلمت لأول مرة بحياتي بيسوع المسيح ولما شوفته في الحلم بقوله انت هو يسوع المسيح انت هو مش كدة ارجوك عرفني انت هو رب المجد ولا لا ارجوك قول انت هو رب المجد اللي خلقتني ارجوك قول قاللي كلمة غريييييبة موووووووت قاللي انا ابن مريام قولت له ايوة ايوة انت الرب يسوع قلبي عارفك قاللي انا ابن ماريام قولتله ايوة ايوة عارفة قاللي انا ابن مريام قولت له طيب انت يعني رب المجد انت اللي عملتني ارجوك قوللي الحقيقة راح قاللي سأطلب من قدووس السماء والارض ينور قلبك أأأأأأأأأأأأأه قاللي هيسأل قدوس السماء ينور قلبي ازاااااي هيسأل قدوس السماء والارض اومال هو يطلع مين ويبقى مين اللي كنت بصلي له واقوله ياقدوس واقوله ياالاهي وخالقي ومخلصي وملجئي يطلع مش يسوع المسيح في الاخر قعدت انادي عليه بصوت عالي راح ماشي وانا صحيت من النوم ماكنتش عايزة اصحى وزعلت اوي اني كونت بحلم لكن هو دة الواقع ان اللي شوفته كان حلم...بس حلم نور قلبي وقلت اكيد هي دي الرسالة ومستحيل دة يكون حلم شيطاني لأن الشيطان لا يمكن يكون حريص على راحتي أبدا فالحلم دة صحى فيا حاجات كتير ونور عقلي وبقيت افكر واعرف وقلبي اتملا يقين بأن رب المجد لا يمكن يكون انسان وإن رب المجد لا يمكن يقول سأسأل قدوس السماء ان ينور قلبك رب المجد لا يمكن يسمح لشوية كلاب يشتموه ويهزءوه ويعملو فيه اللي ميتعملش في انسان عادي حاشا حاشا حاشا ليك يارب انك تكون كدة ايوة انا دلوقتي مش حسة اني محتارة انت قدوس السماء والارض اللي كان يسوع المسيح بيطلب منك مساعدات انت قدوس السماء والارض اللي كان كل رسلك وانبياءك بيمجدوا اسمك ليل ونهار انت القدوس اللي يسوع المسيح كان طول الوقت بيعلم الناس يمجدوا اسمك أشكرك شكر عظيم جدا ياقدوس السماوات والارض أشهد لك انك انت الله وحدك لا حضرتك اب ولا حضرتك ابن ولا تحتاج لروح حتى لا تكون صنم ايوة مش محتاج لروح حتى لا تكون صنم لا تحتاج لشيء وكل شيء يحتاجك وطلبت من ربنا انه يزيل الحاجز النفسي اللي بين قلبي واسم الرسول محمد ويخليني اقدر اتعرف عليه واقدر اسمع عنه بمنتهى الصدق والامانة وبالفعل لاقيت نفسي بترتاح جدا لمعرفة شخص الرسول محمد وكنت بتألم جدا جدا لما اسمع عنه حاجة كويسة لان دة كان بيكسر جوايا كل الحواجز النفسية والروحية اللي كانت مالية قلبي من ناحيته وبشهدكم كلكم واشهد ربنا وكل ملائكة السماء وبشهد الاحجار والاشجار وكل حاجة في العالم اشهد الجميع اني قبلت الرسول محمد في حياتي وصدقته وحبيته من كل قلبي وقلبي مليااااان محبه له ولكل من آمن به وصدقه واتعلم يحبه فأنا أشهد من كل قلبي انه لا اله الا الله وحده لا شريك له وان المسيح ابن مريام عبدالله ورسوله وان الرسول محمد هو رسول الله الذي ارسله الينا برسالة معطرة من السماء لاهل الارض واشهد انه امين وصادق في كل ما قال عن رب السماء وأنا بعشق وجودي مع اخواتي في بالتوك خصوصا غرفة حضرت الشيخ الراجي لأني اتعرفت هناك على شخصيات رائعة وتقابلت معاهم على ارض الواقع فأسأل ربنا من قلبي يزيدهم نور على نور وعلم على علم ويديم على الشيخ الراجي الصحة والعافية آمين .. وأنا وسطهم بقول بكل حرية انا من مسلمين لاني بحس بمنتهى الثقة والقوة الروحية لما بقول الكلمة دي وحقيقي البالتوك اصبح واقع عايشينه غير حياة الكثيرين وأدعو الجميع ان يحسنوا استخدامه لانه فعلا نعمةحقيقية لكل من يحسن استخدامه وأسأل الله الاخلاص لي ولكم جميعا آمين كنت أحب أقولكم حاجة أن كثيرين قالولي ان أنا بنت يهودية تحاول تشويه المسيحية وأنا بقول لهم المسيحية مش محتاجة لتشويه صدقوني والكتاب الي بيسموه مقدس يشهد على نفسه بنفسه ومليان رموز كتيرة وهذه الرموز في حد ذاتها هي مفتاح للحق فعلا كل من يبحث في فك هذه الرموز مش هيلاقي غير لخبطة وروح غريبة بتدخل جواه صدقوني وآخرون قالو أني مسيحية ويشككون في قبولي للإسلام... واخرون قالو لي اني مسلمة متخلفة مش بعرف أسأل ولا حتى بعرف أفهم لمجرد إني بسأل اسئلة مش على هواهم سبحان الله أقول لهم جميعا وكل واحد منهم لو قرا كلامي هيعرف نفسه كويس أقولهم كلهم أنا أمنت بالرسول محمد وقبلته بقلبي وعقلي وكياني وصدقته وحبيته جدا جدا محبته في قلبه أصبحت شيء ميتحكيش عليه لاني مش هقدر احكيه ولا اوصفه وانا مش مسئولة عن اتهامات الآخرين وأنا بعمل صلات اسلام من مدة وصمت مع مسلمين رمضان اللي فات وقضيت معاهم تلات اعياد و رب العالمين مش هيحاسبني على افتراضات وظنون الآخرين لكنه هيحاسبني بس على اللي انا مؤمنة بيه في قلبي وعلى ما يقوله لساني أنا مش لسان غيري فالله لن يسألني على كلام الغير لكنه سيحاسبني على ما اقوله وأؤمن به وانا أشهده وأشهد ملائكة السماء وأشهد الأحجار والاشجار والأنهار والبحار أني آمنت به خالقا وإلها وأسلمت له وحده وآمنت بالرسول محمد وصدقت أنه رسول من السماء وآمنت واعترفت بأن يسوع المسيح ما هو الا عبد لله القدوس ورسوله آمين فرجاء محبة من الجميع تصلو لي جميعا فانا ولادتي قربت كل أمنيتي إن ربنا يعطيني عمر طويل لأعبده كتير جدا جدا وأعوض الحرمان الحقيقي اللي عيشته بعيد عنه وأربي أولادي تربية سليمة سوية واعلمهم ان يسوع المسيح مش هو رب المجد وإن رب المجد هو قدوس السماء والارض وحده وحده وحده آمين يارب حقيقي مش عارفة اقولكم ايه عندي كلام كتير كتير ياريت كان الورق يقدر يعبر عن شعوري واحساسي اللي حساه وانا من مسلمين بجد بجد كتير اوي من لما بقرأ آيات قرآن بحس إن الكلمة دي بالذات او الآية دي تحديدا اتقالت علشاني انا وبس زي مثلا كلام ربنا "ربنا إننا سمعنا مناديا ينادي للايمان أن آمنوا بربكم فآمنا" برده في آية بتأثر في جدا وبتعبر عن واقع عيشته وهي كلام ربنا"واذكروا نعمة الله عليكم إذ كنتم أعداء فألف بين قلوبكم وأصبحتم بنعمته إخوانا" فسبحان من يغير ولا يتغير سبحانك ياعظيم فمن قلبي لقلب كل إنسان مسيحي أمين لا يريد إلا ان يكون تابع للحق في أي مكان كان إنه يقرا كتابه الذي يقدسه ويطبقه واقعيا في حياته العملية ويشوف هيقدر فعلا يعمل كدة بجد ولا هيتعب واعصابه هتبوز وهيلاقي نفسه جاتله حالة أشبه بانفصام في الشخصية ومش هيبقى عارف إن كان هو أمين وصادق فعلا ولا كداب هل هو محب للخير فعلا ولا بيخدع نفسه وعاجباه دماغه وهو صح غصب عن أي حد من غير ما يسمع او يفتش الكتب هو صح وخلاص أنا عايزة كل مسيحي أمين يعيش التجربة بنفسه ويشوف هيقدر فعلا يبقى انجيل مقدس ماشي على الارض زي ما السيدة عائشة قالت على الرسول محمد انه كان قرآن يمشي على الأرض فأنا نفسي كل واحد مسيحي يحاول يبقى انجيل مقدس ماشي على الأرض كما كان محمد رسول القرآن قرآن يمشي على الأرض ويشوف هيقدر ولا لأ؟؟ ياترى هيقدر أي مسيحي يعمل دة ؟؟؟؟؟؟ وبرده هقولكم كلمة جت في قلبي حالا مع كل الحرص والاهتمامات الكتيرة اللي عملاها الكنيسة وكل بيت مسيحي إلا أن برده اللي هما خايفين منه بيحصل والناس بتقبل الحق غصب عنهم وربنا بيخرج الحق منهم وبيهم وعليهم لأنه وعد ووعده حق"إنهم يكيدون كيدا وأكيد كيدا" وقال الصادق "والله ليبلغن هذا الامر ما بلغ الليل والنهار ولن يترك الله بيت الا ادخله هذا الدين بعز عزيز وذل ذليل عز يعز الله به الاسلام وذل يذل الله به الكفر"...يجي كل مسيحي عاقل كدة يشوف المسيحية ممكن تاخد مين من المسلمين اللي بيتركوا الاسلام هم رعاع المسلمين وسفهاءهم عديمي الاخلاق الحميدة دولا اللي بيتركوا الاسلام فالمسيحية لما تاخد الاشكال دي لايمانها تبقى بتقدم اعظم خدمة للاسلام لانها بتخلص المسلمين من العرابدة ..لكن تعالو على النقيض نشوف الاسلام بياخد مين من المسيحية الاسلام فعلا دين عزيز بياخد منكم علماءكم وفلذات أكبادكم من كهنة وقساوسة وقمامصة وغيرهم وغيرهم ممن هم قادة لكم فبالشفاء عليكم أي حد تاخدوه من سفهاء الاسلام ياريت مفيش أي شخص مسيحي يقرا كلامي يزعل مني لان هي دي الحقيقة اللي مش ممكن تتغير ابدا سواء هو صدقها او مصدقهاش لان الحقيقة مش بتتغير علشان خاطر حد مصدق او مش مصدق .... ولي نصيحة لكل مسلم برده عايزاه يعيش هو كمان التجربة بنفسه ياريت بجد كل مسلم يجرب ينزل لكنيسة وأنصحه يتعامل مع كنيسة كاتوليك مش بقول كدة علشان دي خلفية سابقة أو كدة لكن بقول دة علشان فعلا هتلاقيهم ناس كويسين وبيقبلو غير المؤمنين بايمانهم عادي يعني مش هتلاقي حد منهم يقولك لازم تؤمن الاول علشان تفهم والكلام الغريب دة وصدقني الاحساس اللي هتحس بيه انت هو هو نفس الإحساس اللي بيحسه كل مسيحي بيحضر كنيسته بانتظام وبياخد من أسراره المقدسة والموضوع كله ما هو إلا مجرد حالة نفسية مرتبطة بإشباع رغبة معينة داخل الكيان الروحي المسيحي صدقني . ومن قلبي لقلب الجميع : تدبروا معي هذه الكلمات" أفلا ينظرون إلى الإبل كيف خلقت وإلى السماء كيف رفعت وإلى الجبال كيف نصبت وإلى الأرض كيف سطحت" ها هو القرآن يخاطب العقول ليعلمها كيف تستدل على خالقها السرمدي اللي لا يمكن يكون إنسان ولا يمكن يسمح لشوية رعاع هو خلقهم وصنعهم زي العجينة بنفسه لا يمكن يكون محتقر الشعوب ولا يمكن يكون ملعون حتى ولو بلفظ رمزي لا يمكن لا دة مستحيل ألا تحبون أن تكونو من العقلاء الذين قرءو هذا الكلام وعرفوه وعملوا به وآمنو حق الايمان ؟؟فلن أقول لك الا ما قاله القدوس "فذكر إنما أنت مذكر لست عليهم بمصيطر إلا من تولى وكفر فيعذبه الله العذاب الأكبر" ففكر وقرر من الآن وحدد مصيرك الآن الآن لا تردد فقط اسمع لكلام الخالق السرمدي وحده والكلمة الأخيرة لك وإن لم تكسب فلن تخسر صدقني افتكروني جميعا في صلواتكم وادعو لأجل أهلي وأسرتي أن ينور ربنا قلبهم وعقولهم ولا تصعد ارواحهم إلى السماء إلا وهم في طريق النور الحقيقي آمين ..وأحب أقول إني اخترت الإسلام بإرادتي الحرة وإن مفيش أي حد ضغط عليا وأنا عندي تلاتة وعشرين سنة يعني مش صغيرة ومسئولة عن اختياري دة قدام ربنا فالاسلام فعلا نعمة عظيمة فهو طريق الحق والنور لكل من ضل الطريق وأخيرا أدعي بدعاء إبراهيم عليه السلام رب أوزعني أن أشكر نعمتك التي أنعمت علي وأن اعمل صالحا ترضاه وأصلح لي في ذريتي إني تبت إليك وإني من المسلمين آمين آمين هذا هو الوجه الاخر من حياة كاترينا او المسلمة للابد الذى لا يعرفه الكثير منا. وفى النهاية أسألكم الدعاء لى وللأخت بالثبات وأن يفرج عنها كربها وهمها,وجزاكم الله خيرا,,,,,اخوكم اسلام. للمزيد من مواضيعي
الموضوع الأصلي :
كاترينا تتكلم بعد سنتين من الصمت
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
sef_allah_2010
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
03.04.2010, 16:05
|
|||||||||||||||||||||
|
|||||||||||||||||||||
آمين آمين آمين اللهم ثبتنا على دينك يا رب العالمين المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
04.04.2010, 00:30
|
|||||||||||||||||||||
|
|||||||||||||||||||||
|
السلام عليكم ربنا يثبتك اختي المسلمه للأبد كلنا نحبك في الله هدانا الله وإياكي إلي صراط مستقيم اختك التي تحبك كثيررررررررررررا أقصــــــــــــــي  المزيد من مواضيعي
|
|||||||||||||||||||||
|
رقم المشاركة :4 (رابط المشاركة)
04.04.2010, 08:39
|
|||||||||||||||||||||
|
|||||||||||||||||||||
|
} ~ ×
اختى الحبيبة ~ // × ؛ فى مثل بيقول اللى بيخرج من القلب بيوصل للقلب بسرعه انا اول مرة اعرف قصة اسلامك وبمجرد ما قريتها حسيت بصدق كلامك والله اختى ويعلم الله انى احبك فيه لسماحة روحك الطيبة و أدبك الملحوظ فى الحديث اثناء تواجدك معنا بالغرفة  زادكِ الله من فضله و رزقنا الله و اياكِ الاخلاص فى القول والعمل وثبتنا على ديننا  المزيد من مواضيعي
|
|||||||||||||||||||||
|
رقم المشاركة :5 (رابط المشاركة)
04.04.2010, 22:08
|
|||||||||||||||||||||
|
|||||||||||||||||||||
|
السلام عليكم ورحمة الله وبركاته
الله يثبتك اختى الغالية على دين الحق وزادك من فضله بارك الله فيكِ غاليتى وسدد خطاكِ _ وثبت الايمان فى قلبكِ وفقكِ الله فيما يحبه ويرضاه  المزيد من مواضيعي
|
|||||||||||||||||||||
|
رقم المشاركة :6 (رابط المشاركة)
04.04.2010, 23:55
|
|||||||||||||||||||||
|
|||||||||||||||||||||
|
مفيش اي كلمة شكر للشخص اللى رفع الموضوع,طيب دعوة حتى ,دى مؤامرة بقى من الاخوات,اهىء اهىء اهىء يالله كله عند ربنا,حسبى الله ونعم الوكيل,اخوكم اسلام.
|
|||||||||||||||||||||
|
رقم المشاركة :7 (رابط المشاركة)
05.04.2010, 00:54
|
|||||||||||||||||||||
|
|||||||||||||||||||||
|
السلام عليكم ورحمة الله وبركاته
حيا الله اخى الكريم ... سيف الله شكرا لك مجهوداتك المبذولة لرقى هذا الصرح العظيم نسال الله لنا ولك الحفظ والرعاية جزاك الله خيراااا المزيد من مواضيعي
|
|||||||||||||||||||||
|
رقم المشاركة :8 (رابط المشاركة)
12.04.2010, 11:28
|
|||||||||||||||||||||
|
|||||||||||||||||||||
|
أسئل الله العظيم رب العرش العظيم أن يحشرلك مع حبيبنا محمد ويثبتك على دينه.... وشكر للاخ سيف زميل كلية التجاره والحاصل على شهادة ال ..... من جماعة ..... بالمملكه ال ...... المزيد من مواضيعي
|
|||||||||||||||||||||
|
رقم المشاركة :9 (رابط المشاركة)
12.04.2010, 18:54
|
|||||||||||||||||||||
|
|||||||||||||||||||||
|
رقم المشاركة :10 (رابط المشاركة)
15.04.2010, 15:09
|
|||||||||||||||||||||
|
|||||||||||||||||||||
حبيبتي أختي كاتيا...فعلا كلامك وصل لقلوبنا زي ما كنتي عايزة الله يثبتنا و اياكي عالحق يا رب تقومي بالسلامة يا رب و نشوف البيبي بصحة و عافية  نسيت أشكرك أخي سيف جزاك الله خير عالموضوع
|
|||||||||||||||||||||
|
| العلامات المرجعية |
| الكلمات الدلالية |
| السنة, تتكلم, سنتين, كاترينا |
| الذين يشاهدون هذا الموضوع الآن : 7 ( 0من الأعضاء 7 من الزوار ) | |
| أدوات الموضوع | |
| أنواع عرض الموضوع | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| إذا كان زكريا حرامى العلقة فمن هو حرامى الكلمة ؟؟ ( لندع المراجع المسيحية تتكلم ) | Eng.Con | القسم النصراني العام | 14 | 30.04.2014 22:42 |
| بينهما برزخ لا يبغيان : صورة تتكلم ! | Telmeeth_ALRAJI | الإعجاز فى القرآن و السنة | 10 | 29.09.2010 03:34 |
العرض العادي
