|
رقم المشاركة :1 (رابط المشاركة)
12.03.2010, 16:45
|
|||||||||||||||||||||
|
|||||||||||||||||||||
كيف تخدم الإسلام بنص جنيه ؟!!!
السلام عليكم ورحمة الله وبركاته اليوم معنا موضوع سهل جداً جداً جداً وغير مكلف على الإطلاق كيف تخدم الإسلام بنص جنيه فقط وتغير من الواقع اللي انت بتقول انه وحش ومش عاجبك وتغير الصورة اللي مش عاجباك تخيل لو كل واحد عمل اللي هنقول عليه ده شكل البلد هيكون ازاي ؟؟ تخيل ؟؟ أولاً . هل شاهدت هذه الصورة من قبل الناس في الأتوبيسات ( بس بلدي وبحبها )  الأتوبيس آه لو بيتكلم بس ( بس بلدي وبحبها )  والناس في الميكروباصات( قلتلكم بلدي وبحبها )  والناس اللي في المترو( برضو بحبها )  وما أدراك ما المترو( يا ناس دي بلدي)  والناس في الترماي( هي دي بلدي)  والناس اللي في الشاع الملهوفين على لقمة العيش( بلد الناس الطيبين)  وفي كل مكان في ناس( الشعب العشري الطيب شعب بلدي )  بحبك يا مصر يا ترى فكرت / فكرتي في يوم إنك تقدم حاجة للناس دي ؟؟؟ هتقول حاجة زي إيه ؟؟! كتيب عن الصلاة أو الحجاب بـ نص جنيه or شريط قرآن أو عن بر الوالدين بـ جنيه ونص or أسطوانة قرآن أو خطب بـ جنيه أو بنص جنيه or ورقة فيها أذكار الصباح والمساء بـ ربع جنيه or شريط بحكم سماع الغناء أو التدخين أو أو أو ,,,, إلخ فكرت ؟! فكرتي ؟! طيب أعمل إيه ؟ وازاي ؟ والطريقة اللي اقدم بيها الخير للناس دي ازاي قولي وانا اعمل وبعدين انا مش معاي فلوس كتير اجيب بيها لكل الناس دي و و و و .... إلخ كل حاجة محلولة بس صبرك بالله أول حاجة سمعوني شهادة التوحيد كده لا إله إلا الله محمد رسول الله و صلوا على حبيبكم النبي عليه افضل الصلاة والسلام يوم ويوم تقدر تزود مفيش مشكلة بس ما يقصرش على مصروفكم تمام 50 قرش ؟؟ أنا مش بتريق في ناس تقدر توفر ربع جنيه وفي ناس ممكن تقدر توفر عشرة جنيه وفي ناس ما تقدر توفر حاجة لا يكلف الله نفساً إلا وسعها لكن اللي بيجيب مثلا علبة سجاير ولا حاجة بخمسة جنيه وبيعصي ربنا وبيرتكب محرم بالفلوس دي ممكن ينور قبره ويدي عشر اسطوانات للناس ويمكن اي اسطوانة تكون سبب هداية اي حد يمكن تكون سبب هداية اقرب الناس ليه اخوه او ابنه الله اعلم الشاهد ان في ناس تقدر وفي ناس ما تقدرش المهم حاجة تدوم مش عايزين شوية شجاعة في الأول وبعدين الموضوع ينام يعني ايه يعني قليل دائم خير من كثير منقطع خدوا بالكم من الجملة دي كويس هيكون معاك كل أسبوع حوالي 3.5 تلاتة جنيه ونص حوش كام اسبوع واشتري 50 اسطوانة بـ 25 ج وبعدين انسخ أسطوانات أو أشتري شرايط أو اشتري كتيبات صغيرة من أي مكتبه أسهل حاجة انك تنسخ أسطوانات على الكمبيوتر بتاعك هتقولي اجيب من فين الأسطوانات وازاي انسخها انا مش بعرف طيب صلى على حبيبك النبي عليه أفضل الصلاة والسلام الأسطوانة بتتباع جملة في وسط البلد بـــــــ 50 قرش يعني الـ 50 بــ 25 ج أو أشتروها انت من أي مكان مش هتفرق تعالوا بقى ازاي ننسخ في برنامج اسمه النيرو Nero  ممكن تنزله من على الإنترنت وهو دايما بيجي مع السي دي روم طريقة النسخ في كذا طريقة 1- طريقة نسخ أسطوانات تشتغل على الكمبيوتر فقط 2- أسطوانات تشتغل على كاسيت التاكسي الجديد بتاع القاهرة والمحافظات الأخرى 3- أسطوانة تشتغل على السي دي روم اللي بتوع الميكروباصات بيحطوه السي دي روم Audio أو أي واحد عنده محل جايب سي دي روم وموصله بباور صبلاي اسمها اسطوانة أوديو 4- أسطوانة بتشتغل صوت وصورة على أجهزة الدي في دي dvd اللي في البيوت أو السيارات الحديثة تعالوا نشرح كل طريقة أولا / الأسطوانة العادية اللي بتشتغل على الكمبيوتر أسطوانة قرآن خطب أي حاجة نفتح برنامج النيرو هتيجي لينا القايمة دي نضغط كما بالصورة  هيظهر لنا الصورة دي  بعد كده نعمل زي ما في الصورة   ننتقل لشرح آخر وهو الأسطوانة اللي تشتغل على التاكسي الجديد أو العربيات الحديثة كلها الي فيها كاست سي دي cd نفتح النيرو ونختار كما بالصورة  ثم نختار المواد كما بالصورة ولابد أن يكون صيغتها MP3 أو WAV  ثم نضغط كما بالصورة  وبعدين نفس الخطوة الأخيرة والأسطوانة تكون جاهزة بعد حوالي دقائق وبس ننتقل لشرح تاني وهو الأسطوانة اللي بتشتغل على السي دي روم الأوديو المتوصل بالباور صبلاي أو الموجود في بعض السيارات القديمة أو الميكروباصات أو كاسيت مكتوب عليه Audio نفتح النيرو ونضغط كما بالصورة  نلاحظ كما في الصورة أن المساحة بالدقيقة  ثم نضغط كما بالصور  ثم نضغط كما بالصور  نيجي لشرح اخر حاجة بقى وهي الاسطوانة اللي بتشتغل على جهاز الدي في دي اللي في البيوت أو في العربيات الحديثة اللي فيها كاسيت بشاشات dvd نتفح النيرو ونختار كما بالصورة  وبعدين تروح تديها لسواق الميكروباص لسواق التاكسي لأي شاب سواء تعرفه أو لا أو تديها أنتي لأي بنت مش شرط تعرفيها ولا لا قولي لها دي هدية وانت قول لأي واحد جمبك في المواصلات او في الشارع دي هدية صدقني سهلة جدا قالك شكرا خير وبركة زعق فيك وشتمك قالك معلش اصلى انا مش بحب الحاجات دي واحرجك اي حاجة تاني مش مهم ده النبي عارف النبي يا اما اتأذى من الناس انت يعني أحسن من النبي عليه الصلاة والسلام ؟؟ ! ما تدقوش انتم بتعملوا لله مش لحد تاني وأوعوا حد يضعف همتكم ويحرمكم من الثواب ده صحيح صحابكم هيتريقوا عليكم بس ولا يهمكم هما متغاظين منكم اللي متغاظ يعمل زينا بس احنا مش هنسيب الشيطان والناس يحرمونا من الخير ده أبدا ولو حتى قالوا علينا ناس عبيطة أو قالوا علينا متطرفين أو أي حاجة احنا شغالين لله وعايزين حسنة تنور لنا قبرنا وتكون لينا نجاة يوم القيامة وتخيلوا بقى لما النبي يشوفكم يوم القيامة وانتم كنتم في الدنيا بتدعوا الناس للخير وبتشروا الدين وتذكروا الناس بربنا هيفرح بيكم قد ايه بس أنتم وأنتم بتوزعوا قولوا للناس دي هدية أول لما يعرفوا انها هدية هياخدوها على طول اسألوني أنا  وبعدين انتم شايف الناس بتموت تخيلوا لما تموتوا والخير بتاعكم شغال يبقى انتم تحت والحسنات فوق شغالة وبتنزلكم نور في القبر ونور يوم القيامة ولما تركبوا مواصلات خدوا بالكم لو مثلا لقيتوا السواق مشغل أغاني بقى ومعلي التسجيل وشغال بقى العنب والبلح والدنيا خربناة وأغاني فظيعة غير أنها أغاني قدامك حل من التلاتة 1- الحل المخنق ,, تقعدوا زي خبيتها زي الناس تسمع الأغاني الي ربنا حرمها لا تقدم ولا تأخر وتشارك في تأخر المسلمين 2-الحل السلبي البغيض,, تتخانقوا مع السواق أطفي يا اسطى لا مش هطفي اطفي القرف ده يقولك مش عاجبك انزل مش نازل انا دافع فلوس والنتيجة بتكون مش ظريفة وممكن تقطعوا هدوم بعض وشكلك قدام الناس بقى بايييييييييخ ومش اسلوب مسلم ابدا ويا سلام بقى لو ملتزم وملتحي الناس فعلا هيقولوا عليك ارهابي متطرف وليهم حق بصراحة لأن ده مش اسلوب دعوة دي جهل عميق 3- الحل الإيجابي اللي ربنا أمر بيها وقال "أدعٌ إلى سبيل ربك بالحكمة والموعظة الحسنة " واللي الرسول علمهولنا في السنة وده ليه فوائد منها أ- تقيم سنة ب-تاخد صدقة ج- تنهى عن منكر د- تأمر بمعروف ز- تكون قدوة حسنة س-يكون لك صدقة جارية ش- تسن سنة حسنة إزاي بقى أنت طبعا ركبتم المواصلات لقيتم الأغاني شغالة حاجة منكرة اهي تمام شوف بقى الحل الإيجابي السليم لو أنتي بنت هتدي الأسطوانة للسواق مع الأجرة عشان ما تحطيش نفسك في محظور شرعي والناس يبصولك كده قولي لأي حد كبير جمبك أدي دي للسواق لأنه لا يجوز ان بنت تدعي راجل أ- هتقيم سنة وهي سنة الهدية قال رسول الله صلى الله عليه وسلم " تهادوا تحابو " هتدي شريط أو أسطوانة للسواق هدية ب- تاخد صدقة لو انت راجل هتبتسم في وجه السائق وأنتي لو بنت ابتسمي في وجه البنت اللي بتديها الأسطوانة او الشريط وتبسمك في وجه أخيك صدقة ج- هتنهى عن منكر وهو انك هتخلي السواق ينحرج ويطفي التسجيل أو يشغل الأسطوانة بتاعتك على الأقل د- هتأمر بمعروف وهو أنك اديت السواق خير شغله خير وبركة ما شغلوش اديك بلغت الرسالة وربنا شاهد ز- هتكون قدوة حسنة وخاصة لو ملتزم وملحتي الناس هتبص لك وتقول هي دي الناس الملتزمة بجد حامل هم الدين ازاي . س- هيكون لك صدقة جارية الناس كلها هتسمع والسواق لو عجبه الشريط او ربنا هداه لما سمعه هيشتري تاني ويدي صحابه وكله بثوابه او الكتيب اللي انتي ادتيه للبنت اتحجبت بسببه واسرتها كلها اصبحت ملتزمة او الأسطوانة اتنسخت واتوزع منها وكله بثوابه ش- انكم سنتيم سنه حسنة واللي بيسن سنة حسنة بيكون ليه ثوابها وثواب من عمل بيها إلى يوم القيامة يعني أي حد هيشوفكم عملتم كده يهقلدكم والخير هينتششششر وكله في موازين حسناتكم شوفتم بقى قد ايه ممكن نخدم الدين وبأقل التكاليف وبالخلق الحسن اللي علمه لينا الإسلام وربنا أمرنا بيه في القرآن وعلمهولنا النبي صلى الله عليه وسلم يلا بينا نبدأ الشغل واللي عايز يسألني عن أي حاجة أو يستفسر عن أي حاجة يراجع المشاركة الأصلية في منتديات كلمة سواء الدعوية وأنا أسمي هناك simple_happy https://www.kalemasawaa.com/vb/t4210.html#post24381 وأنا تحت أمركم يلا إيدنا في إيد بعض صدقوني البلد هتتغير والمسلمين بجد هيظهروا كفاية وقفة وتكتيفه خلونا يبقى لينا بصمة في المجتمع وحسنات جارية ليوم القيامة آسف للإطالة أتمنى أن الفكرة تنفذ من اليوم ومستني الردود ولو حد شايف انه عايز يضيف حاجة يكلمني اضيفها وربنا يكرمكم كلكم اللي ينقل الموضوع ينقله ويضع عنوان الصفحة راجاااااااااء والسلام عليكم ورحمة الله وبركاته للمزيد من مواضيعي
الموضوع الأصلي :
كيف تخدم الإسلام بنص جنيه ؟!!!
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
simple_happy
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
12.03.2010, 17:17
|
|||||||||||||||||||||
|
|||||||||||||||||||||
بسم الله الرحمن الرحيم طريقة رائعة و متميزة اتمنى ان يطبقها الجميع جزاك الله خيراً و تقبل منك الصالحات المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
12.03.2010, 17:47
|
|||||||||||||||||||||
|
|||||||||||||||||||||
|
جزاك الله خيرا اخى الكريم وجعلها فى ميزان حسناتك اللهم امين
|
|||||||||||||||||||||
|
رقم المشاركة :4 (رابط المشاركة)
12.03.2010, 19:52
|
|||||||||||||||||||||
|
|||||||||||||||||||||
|
جزاك الله خيرا اخى فكرة اكثر من رائعه وبدات بالفعل عندنا فى الجامعه بنعمل اسطوانات وبنضعها فى غلاف شكله ظريف وبنوزعها على الاخوات وموضوع هايل جدا وماشاء الله على فكرة فى اخ كان بيحكى قصه التزامه وبيقول السبب سى دى اعطاه اياه اخ بعربيه ومشى دون معرفه وكان هو سبب التزامه اللهم بارك اخى الفاضل اذا سمحت لى سؤال بسيط ممكن رابط لبرنامج النيرو اذا سمحت وجزاكم الله خيرا المزيد من مواضيعي
|
|||||||||||||||||||||
|
رقم المشاركة :5 (رابط المشاركة)
12.03.2010, 19:56
|
|||||||||||||||||||||
|
|||||||||||||||||||||
|
السلام عليكم ورحمة الله وبركاته اللهم صل على محمد وعلى آله وصحبه أجمعين جزاك الله خيراً اخي الفاضل simple_happy موضوع رائع وطريقه عمليه جميلة جداً بارك الله فيك نحن فعلاً نحتاج الي شئ عملي ليس مجرد كلام المزيد من مواضيعي
|
|||||||||||||||||||||
|
رقم المشاركة :6 (رابط المشاركة)
12.03.2010, 20:53
|
|||||||||||||||||||||
|
|||||||||||||||||||||
|
السلام عليكم ورحمة الله وبركاته
موضوع رائع _ وفكرة اروع يوفقنا الله جميعا للقيام بتنفيذها ان شاء الله شكرا لك اخى الفاضل .... simple_happy لهذا الطرح الهام والقيم جدااا جزاك الله خيرااا وفى انتظار جديدك وافكارك النيرة والطيبة المزيد من مواضيعي
|
|||||||||||||||||||||
|
رقم المشاركة :7 (رابط المشاركة)
12.03.2010, 20:59
|
|||||||||||||||||||||
|
|||||||||||||||||||||
|
حياك الله أخى الحبيب ممتاز فعلاً, في ميزان حسناتك بإذن الله المزيد من مواضيعي
|
|||||||||||||||||||||
|
رقم المشاركة :8 (رابط المشاركة)
27.12.2010, 11:17
|
|||||||||||||||||||||
|
|||||||||||||||||||||
|
جزاكم الله خيراً أخى الفاضل
موضوع رائع ويستحق التفاعل معه بورك فيكم ورفع قدركم وجُعل ذلكم فى ميزان حسناتكم المزيد من مواضيعي
|
|||||||||||||||||||||
 |
| العلامات المرجعية |
| الكلمات الدلالية |
| أخدم دينك بنص جنيه !!! |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| رد شبهة :رسول الإسلام يطلي بالنورة ويولي عانته بيده | سيف الحتف | إجابة الأسئلة ورد الشبهات حول السيرة و الأحاديث النبوية الشريفة | 5 | 16.11.2012 18:23 |
| تخيل الهك لا يعلم الساعة! | الحوارى | المخطوطات و الدراسات النقدية | 69 | 05.06.2012 19:02 |
| ناوي تدخل النار؟ | ساجدة لله | القسم الإسلامي العام | 4 | 17.09.2010 16:25 |
| دفاعا عن الإسلام ضد التنصير عن كتاب تقرير علمى لمحمد عمارة - محمود خليل | Ahmed_Negm | القسم النصراني العام | 0 | 25.01.2010 13:11 |
| هندوسية تدخل الإسلام بعد سؤال | queshta | ركن المسلمين الجدد | 4 | 12.01.2010 22:28 |
العرض العادي
