|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
رقم المشاركة :1 (رابط المشاركة)
28.10.2012, 20:42
|
|||||||||||||||||||||
|
|||||||||||||||||||||
يوميات عم رمضان عقلك فى راسك
يوميات عم رمضان عقلك فى راسك ********* تادرس ياهل الله ياللي هنا ياهل الدار ياعم الشيخ رمضان عم رمضان إتفضل ياتادرس تعالى خطوة عزيزة تادرس يعز مقدارك عم رمضان مالك كدة متاخد مش عادتك شكلك بيقول فيه حاجة تادرس لأ خير ان شاء الله أنا قلت أجي أقعد معاك شوية عم رمضان ياأهلآ وسهلآ المطرح مطرحك والدار دارك وتيجى فى أى وقت تادرس ده العشم بردو ياعم رمضان عم رمضان انت مش غريب تعالي ندخل جوه علشان نتكلم براحتنا وانت عارف عمك رمضان يعنى سرك فى بير تادرس أنا لسه جاى من عند ميلاد إللي فى أول البلد عم رمضان ميلاد أبو صباع الصايغ تادرس أيوه عم رمضان خير ان شاء الله تادرس أنا بعت له الخنزيرة بتاعتنا بولادها بعد ما عرفت إن الخنازير نجسة عم رمضان ياه ده انت إتغيرت كتير ياتادرس تادرس أنا قلت أبعها بولادها لميلاد وأرمى حقهم فى الترعة ولما جماعتى يسئلونى عن الفلوس أقول إنها وقعت منى عشان حرام فلوسهم يخشوا دارى عم رمضان معقول تادرس إللي بيقول كدة تادرس وكمان منعت الكلب بتاعنا يدخل جوه الدار أو يلحس فينا زى ما كان بيحصل عم رمضان طيب إيه إللي جد عليك علشان تعمل كدة ؟ تادرس أنا إتغيرت ياعم رمضان وبدأت أفتح عينيا من ساعة ماكنت قاعد تتنئوزعلى الأسيس إللي إسمه مخادع لحد ما خليت عرقه مرقه مش عارف الحاجات دى كانت تايهة عنى إزاى معقولة إللي خلق الخلق ده كلاته بسمواته وشمسه وقمره ونجومه وملايكته وإنسه وجنه وسخر لنا البهايم لا مؤاخذة لأجل ما تخدمنا يتولد كدة زينا وكمان يتولد فى زريبة ويبقى فى اللفة ويرضع ويطاهروه وينفطم وبعدين نعملله عيد ميلاد إزاى كنت مصدق ان ربنا كان بيشتغل صبى نجار عند يوسف جوز امه وحسب ما سمعت من الواد حنا عشان بيعرف يفك الخط وبيقرا فى الانجيل ان حكاية عيد الميلاد دى مفيش حد كان يعرفها ولا حد من تلاميذه احتفل بيها بعد موته على الصليب عم رمضان خلي حكاية موته على الصليب دى بعدين نتكلم فيها يارب ياساتر ياجماعة ياللي هنا يا شيخ رمضان .. يا شيخ رمضان عم رمضان عمك الشيخ حسن جه أهو ممكن تتكلم قدامه براحتك وماتخافش تادرس فكرك إنه ما يتكلمش لو سمع حاجة عم رمضان هو صحيح بيهرج وبينكت بس وقت الجد كتوم وتعتمد عليه ، وبعدين انا شايف ان القعدة محتاجاه الشيخ حسن ياجماعة ياللي هنا يا شيخ رمضان هو مفيش حد هنا ولآ إيه ؟ عم رمضان تعالي يا شيخ حسن إتفضل معاك حد ولآ لوحدك ؟ الشيخ حسن معاى الحاج شرقاوى . بس إطمن مش حنكلفك حاجة هاها هاها السلام عليكم عم رمضان وعليكم السلام ورحمة الله وبركاته إتفضلوا يا مرحب تادرس طيب والحاج شرقاوى يا عم رمضان عم رمضان الحاج شرقاوى راجل طيب وعلى نياته وأبيض من جوه وماتخافش منه لو عاوز تقول حاجة الحاج شرقاوى السلام عليكم ورحمة الله عم رمضان وعليكم السلام ورحمة الله وبركاته الشيخ حسن السلام عليكم ورحمة الله وبركاته عم رمضان عليكم السلام ورحمة الله وبركاته على مهلك يا شيخ حسن قم خد بإيده ياتادرس الشيخ حسن الله هو تادرس هنا ؟ أنا كمان باقول الريحة دى جاية منين ؟ عم رمضان تادرس خلاص إتغير يا شيخ حسن وباع الخنزيرة بولادها وخلص من النجاسة الشيخ حسن إهيه ؟؟؟؟ بتتكلم جد يا شيخ رمضان ؟ صحيح الكلام ده يا وّله ياتادرس ؟ تادرس صحيح يا عم الشيخ حسن وكمان حرمت الكلب يدخل جوه الدار ومش كدة وبس كمان بقالي إسبوعين مرحتش الكنيسة ومش ناوى أروح الشيخ حسن بس إوعى يكون ده ملعوب منك علشان تدخل فى زوارقنا تادرس والله العظيم أنا باأتكلم جد الشيخ حسن براوة يا وّله ، بس ده سببه إيه ؟ عم رمضان مش لما تقعد الأول يا شيخ حسن وتاخد نفسك الحاج شرقاوى بالراحة يا شيخ حسن تادرس هات إيدك يا شيخ حسن وواحدة واحدة على مهلك وحاسب هدومك والوللعة . أيوا إإقعد هنا الشيخ حسن أينعم الجو بره مرصرص تقول تلج وعندكوا دفا عم رمضان إستنى يا شيخ حسن لما أصبلك حبة شاى إنت والحاج شرقاوى علشان يدفوكم خد مد إيدك الشيخ حسن ياخد عدوك أخيرآ هانت عليك الخنزيرة ياتادرس وبعتها هى وولادها تادرس أيوه يا شيخ حسن بعتها لميلاد أبو صباع الشيخ حسن وهى وافقت على كدة ؟ تادرس قصدك على الخنزيرة ؟ الشيخ حسن يا وله أنا قصدى على مراتك وافقت إنك تبيعها تادرس أصل مرثا سئلتنى عن سبب عدم مرواحى الكنيسة قلتلها إنى تعبان وصحتى فى النازل ومش قادر أصلب طولي وخايف الخنزيرة تكون عندها أنفلونزا وعدتنى الشيخ حسن مابلاش حكاية الصلب دى يا وّله أحسن بتعمللي حساسية المهم ان مراتك وافقت انك تبيعها تادرس أيوه يا شيخ حسن الشيخ حسن بس تلاقيها عملت زيطة لما جيت تخرجها بره ؟ تادرس مين ؟ مرثا ؟ الشيخ حسن لأ قصدى على الخنزيرة الحاج شرقاوى ليه لاسمح الله هى كانت عملت حاجة ؟ تادرس قصدك على مين ياحاج شرقاوى ؟ الحاج شرقاوى قصدى على الخنزيرة عم رمضان سيبكوا من الخنزيرة دلوقت وخلينا فى المهم الشيخ حسن وإيه هو المهم يا شيخ رمضان عم رمضان يمكن ربنا ساقك مخصوص فى الوقت ده إنت والحاج شرقاوى علشان تحضروا وتسمعوا تادرس الشيخ حسن الموضوع كدة يبقا دخل فى الجد خير ياتادرس ؟ تادرس قبل ما تيجيوا يا شيخ حسن كنت باتكلم مع عم رمضان وبقوله أنا كنت مغمض ومش شايف حاجة وكنت مصدق كل الكلام إللي كان بيتقاللي فى الكنيسة من أبونا زى أى واحد مسيحي بيخاف يشكك فى الكلام إللي بيتقال وكمان يخاف يسئل أى سؤال للأسيس لحد ما حضرت مقابلة الأسيس إللي إسمه مخادع مع عم رمضان مرتين ، وفى كل مرة كنت بلاقى عم رمضان وهو بيزنقه وبيتكلم معاه بطيبة وحسن نية وبكلام يخش العقل والأسيس قاعد يلاوعه ويحاول يخدعه وتالت مرة انت كنت موجود يا شيخ حسن وعصرته ومكانش عارف يرد عليك ومن هنا بدأت أسئل نفسى طيب تعمل إيه يا وله لو كلام ابونا غلط وكلامهم هو الصح طيب لو أنا ما فكرتش فى الكلام إللي سمعته سواء منكم أو منه ولآ شغلت مخى حيبقى إيه الفرق بينى وبين البهيمة لآ مؤاخذة ؟ الشيخ حسن حتى البهايم ياتادرس عارفة ربنا وبتسبح بحمدهوربنا سبحانه وتعالى بيقول وَإِن مِّن شَيْءٍ إِلَّا يُسَبِّحُ بِحَمْدِهِ وَلَـٰكِن لَّا تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا ﴿الإسراء: ٤٤﴾ الحاج شرقاوى ونعم بالله عم رمضان كمل ياتادرس تادرس وليه فى مسئلة الدين بالذات الكنيسة بتقول ما تفكروش آمنوا فقط طيب ليه ربنا وهب لنا العقل ؟ هو انا بس أستخدم عقلي عشان أعرف أعيش كويس وعند موضوع الايمان أركنه الشيخ حسن كلام جميل كلام معقول مقدرش أقول حاجة عنه تادرس كنت ألآقى ابونا فى الكنيسة وهو بيقول ربنا أصله طيب وغلبان وكأنه بيتكلم أستغفر الله العظيم عن واحد بيلعب معاه وعندكوا ألآقيكم بتعظموا ربنا سبحانه وتعالى عم رمضان سبحانه وتعالي عما يصفون تادرس سبحانه وتعالى تعرف ياعم رمضان انت والشيخ حسن انا إتجرأت مرة وسئلت ابونا فى الكنيسة عن الفصح إللي أكله السيد المسيح مع تلاميذه قاللي الفصح ده عيد يهودى هو وعيد الفطير والاتنين فى اسبوع واحد الفصح فى أول يوم من الاسبوع وهو يوم السبت والفطير فى الست أيام إللي بعده والفصح تذكار لخروج اليهود من مصر ونجاتهم من الطاعون إللي أصاب المصرين والفطير بيمثل العجين إللي خدوه معاهم ومكانش لسه تخمر وكانوا بياكلوه بعد خروجهم من مصر وان الرب فرض عليهم الاحتفال بالفصح فريضة أبدية حتى يتذكروا نصر الله لهم قلت لنفسى طيب المسيح أخر حاجة عملها مع تلاميذه إنه أكل الفصح زيه زى أى يهودى بينفذ وصية الرب وكمان قال إنه جاى مخصوص لخراف بنى اسرائيل الضالة يعنى جاى مخصوص لليهود ولم يغير شيىء من الناموس وقال إنه جاى يكمله وسمعت من واحد أسيس فى الكنيسة ان صلاة اليهود الحقيقية تشبه صلاة المسلمين وفيها سجود وقلت فى نفسى ودى الصلاة إللي المسيح كان بيصليها فى البستان وتلاميذه ما إستغربوش منه إنه بيصلى ومفيش حد منهم سئله إنت بتصلى لمين ؟ لأنهم كانوا بيصلوا زيه نفس صلاته لنفس الإله ومش معقول يكون المسيح بيصلى لنفسه لو هو ربنا ومكتوب فى الانجيل ثم تقدم قليلا وخرّ على وجهه وكان يصلّي قائلا يا ابتاه ان امكن فلتعبر عني هذه الكاس.ولكن ليس كما اريد انا بل كما تريد انت" وبدأت دماغى تجيب وتودى والغشاوة تنزاح من على عينى شوية شوية الشيخ حسن إعمللنا دور شاى ياشيخ رمضان عشان نصحصح شوية عم رمضان هات البراد من جنبك ياتادرس انت تؤمر ياشيخ حسن الشيخ حسن لله الأمر من قبل ومن بعد هه . وإيه كمان ياتادرس ؟ تادرس الوله حنا لما قرا فى الانجيل ان المسيح قال لليهود لما كانوا عاوزين يقتلوه وأنا إنسان قد كلمكم بالحق الذي سمعه من الله فكرت فى الكلام ده كويس وقلت لنفسى طيب لما هو إله زى ماعندنا بيقولوا ليه ينكر نفسه ويقول أنا انسان ؟ وليه تلاميذه ماقلتلوش انت ليه كدبت عليهم وقلت انك انسان ليه ما قلتش ليهم انك إله ؟ معقول الإله ينكر نفسه ويقول أنا انسان بس أنا يا شيخ حسن انت وعم رمضان لما فكرت كويس لقيت إن المسيح لما قال الكلام ده لم يكذب أو ينكر نفسه وإنه قال الحق وإنه فعلآ إنسان ورسول زى باقى الرسل وربنا سبحانه أوحى إليه زيهم الشيخ حسن وعمره ما قال أنا إله كل كلامه ووصفه لنفسه هو إبن الانسان تادرس هو ما قالش أبدآ إنه إله احنا إللي قلنا الشيخ حسن وعلشان كدة ياتادرس ربنا سبحانه وتعالى يوم الحساب حيجيب الجمل والجمّال يعنى حيجيبه ويجيب اليهود ويسئله قدامهم وقدامكم وقدام كل واحد عبّد المسيح أأنت قلت للناس دى انك وامك آلهة من دون الله وهو حينكر إنه قال كدة وربنا عالم بما قاله المسيح من إنه انسان وإبن انسان ولكن فقط ليقيم الله عليكم الحجة والموقف ده مذكور عندنا فى القرءان وَإِذْ قَالَ اللَّـهُ يَا عِيسَى ابْنَ مَرْيَمَ أَأَنتَ قُلْتَ لِلنَّاسِ اتَّخِذُونِي وَأُمِّيَ إِلَـٰهَيْنِ مِن دُونِ اللَّـهِ قَالَ سُبْحَانَكَ مَا يَكُونُ لِي أَنْ أَقُولَ مَا لَيْسَ لِي بِحَقٍّ إِن كُنتُ قُلْتُهُ فَقَدْ عَلِمْتَهُ تَعْلَمُ مَا فِي نَفْسِي وَلَا أَعْلَمُ مَا فِي نَفْسِكَ إِنَّكَ أَنتَ عَلَّامُ الْغُيُوبِ ﴿المائدة: ١١٦﴾ تادرس صدق الله العظيم عم رمضان معلوم اومال إيه ياترى حيكون شكلكوا إيه إنتوا ساعتها حتقولوا مكناش نعرف أو هو قال إنه إنسان بس إحنا مصدقناش أو إفتكرناه بيكدب علينا ومخبي نفسه وتيجي بقا شهادة المسيح إللي تطربق على دماغكم واحنا حنكون شاهدين معاه إنه قال مَا قُلْتُ لَهُمْ إِلَّا مَا أَمَرْتَنِي بِهِ أَنِ اعْبُدُوا اللَّـهَ رَبِّي وَرَبَّكُمْ ۚ وَكُنتُ عَلَيْهِمْ شَهِيدًا مَّا دُمْتُ فِيهِمْ ۖ فَلَمَّا تَوَفَّيْتَنِي كُنتَ أَنتَ الرَّقِيبَ عَلَيْهِمْ ۚ وَأَنتَ عَلَىٰ كُلِّ شَيْءٍ شَهِيدٌ ﴿١١٧﴾ تادرس مانا صحيت خلاص ياعم رمضان وصدقت إنه إنسان الشيخ حسن عمك رمضان بيتكلم عن جماعتك طيب انت دلوقت رسيت على إيه ياتادرس بعد ما عرفت الحق فين ؟ تادرس عاوز أعرف يا شيخ حسن إزاى أكون مسلم الحاج شرقاوى الله أكبر الله أكبر الشيخ حسن وطى صوتك ياحاج شرقاوى علشان الناس إللي حوالينا الحاجات دى محتاجة الكتمان عم رمضان انت متأكد ياتادرس من الكلام إللي بتقوله ؟ تادرس أنا خلاص يا عم رمضان مقتنع بالاسلام إنه حق وان ربنا سبحانه وتعالى واحد مش ثالوث زى ما بيقولوا وانا جيتلك علشان تقوللي إزاى أكون مسلم الشيخ حسن أولآ ياتادرس لازم يكون الايمان بواحدانية الله مستقر جواك ومؤمن بأن الله واحد لا شريك له وليس له صاحبة ولا ولد إيمان لا يخالطه شك تادرس الحمد لله أنا دلوقت مقر بوحدانية الله وبإيمان لا يخالطة شك وبإن يسوع رسول من عند الله الشيخ حسن وتكفر بالطاغوت تادرس وإيه هو الطاغوت يا شيخ حسن الشيخ حسن الطاغوت إللي هو الشيطان إللي صور لكم إنكم تعبدوا يسوع من دون الله تادرس صدقنى يا شيخ حسن أنا خلاص مقتنع ومؤمن ان المسيح رسول زى بقية الرسل الشيخ حسن وتؤمن بأن الاسلام هو الدين إللي إرتضاه الله لعباده ولن يقبل منهم سواه تادرس والله أنا مؤمن بكدة يا شيخ حسن الشيخ حسن وتؤمن بأن محمد صلى الله عليه وسلم هو خاتم الرسل وجاء بالرسالة الخاتمة وليس بعده رسول تادرس وكمان أنا مؤمن بأن محمد صلى الله عليه وسلم رسول الله وخاتم الرسل الشيخ حسن طيب قبل ما تقول الشهادة لازم الأول تتسبح بنية ترك الشرك والدخول فى الإسلام علشان تكون طاهر لما تنطق الشهادة ونتقابل هنا بكرة ان شاء الله وتكون فكرت كويس ومتسبح علشان تنطق الشهادة ونشوف حنعمل إيه عم رمضان أنا سمعت ان بيتك ياتادرس مليان بالتصاوير والصلبان تادرس ربنا يسهل ياعم رمضان وأتخلص من كل الحاجات دى بعد ما أتكلم بالراحة مع مرثا وانا عارف انها بتحبنى وعارفة إنى بافكر صح ولما بتكون فيه مشاكل بينها وبين إخوتها بتندهلي علشان أحلها وتملي تتشكر فيا وكل لما أقول انا شايف إنه يكون كدة أو رأي ما يتعملش كدة كانت تقول عين العقل فربنا يسهل وأقدر أفهمها واحدة واحدة انه غلط نعبد انسان زينا ونقول عنه إنه إله وهو نفسه بينكرإنه إله عم رمضان عمومآ زى ما قال الشيخ حسن نتقابل هنا بكرة بعد صلاة العشا وبردو يكون موجود معانا الحاج شرقاوى ان شاء الله وربنا يقدم إللي فيه الخير الشيخ حسن وإنت ياحاج شرقاوى ما تجيبش سيرة لحد ولا حتى مراتك ولا لحد من ولادك الحاج شرقاوى هو أنا صغيريا شيخ حسن يتبع بمشيئة الله *********** للمزيد من مواضيعي
الموضوع الأصلي :
يوميات عم رمضان عقلك فى راسك
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
showman
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
28.10.2012, 20:47
|
|||||||||||||||||||||
|
|||||||||||||||||||||
|
الشيخ حسن
يارب ياساتر. يا شيخ رمضان عم رمضان إدخل يا شيخ حسن يامرحب يامرحب الشيخ حسن أنا جبت معاى الحاج شرقاوى عم رمضان إتفضلوا يا مرحب يا مرحب الحاج شرقاوى السلام عليكم ورحمة الله وبركاته عم رمضان وعليكم السلام ورحمة الله وبركاته اتفضل يا حاج شرقاوى تعالى هنا وإنت يا شيخ حسن هات إيدك على مهلك أيوه تمجلس هنا أومال ما شفتكش فى صلاة العشا الشيخ حسن أنا صليت العشا فى زاوية أبو طاقية إللي فى أول البلد عم رمضان كنت منتظرك فى الجامع وبعد الصلاة قعدت أتلفت عليك هنا وهنا بس ما شفتكش الشيخ حسن كان فيه مشكلة بسيطة والحمد لله حليناها وبالمرة أفوت على الحاج شرقاوى علشان أجيبه معايا وأنا جاى عم رمضان مشكلة بين مين ومين ؟ الشيخ حسن بين الوله عنتر إبن الحاج صابر والوله جرجس إبن أنيسة الهبلة عم رمضان وإيه هى المشكلة يا شيخ حسن ؟ الشيخ حسن الوله جرجس إبن أنيسة الهبلة بعد ما سقى الأرض بتاعته وسد القطوع إللي فى المسقى وروّح بيتهم إفتكر إنه نسي الراديو بتاعه فرجع علشان يجيبه عم رمضان إيه ملقاش الراديو ؟ الشيخ حسن ياريت الحاج شرقاوى ماتتكلم علطول يا شيخ حسن دهّديه الشيخ حسن الوله جرجس لقى القطوع مفتوح والميا مغرقة الأرض فراح علطول سادد القطوع وفضل طول الليل وهو بيسرب الميا من أرضه علشان الزرع ما يموتش وعقله صورله ان اللي عمل العملة دى عنتر إبن الحاج صابر لأن أرضهم مشتركة مع بعض ولما خلص على الصبح خد بعضه وهو هدومه غرقانة ميا وراح على بيت عنتر وقعد يشتم ويسب والناس إتلمت وكانت حتبأه عركة كبيرة وفضلوا طول النهار يشدوا مع بعض والناس تتدخل بينهم وأنا ربنا ألهمنى وقلت للناس تعالوا نروح الأرض ونعاين إللي حصل ونبهت عليهم مفيش أى حد يروح ناحية المسقى والقطوع اللي حصل فى ارض الوله جرجس ولما رحنا هناك قلت للوله جرجس بص كدة ياوله على أى أثر لرجلين فى الأرض مكان الفتح ولما بص قالي أيوه أثار رجلين عنتر أهى معلمة فى الأرض والوله عنتر قال دى مش أثار رجليا دى لا مؤاخذة مقاسها كبير وقال للوله جرجس تعالي أوريك بعينك وفعلآ لما حط رجله فى مكان الأثر طلعت رجله أصغر بكتير ساعتها بس الوله جرجس صدق ان ده ملعوب القصد منه تحصل خناقة بينه وبين عنتر وسبت الواد جرجس وهو قاعد يجيب العيال اللي بيشك فيهم ويشوف مقاس رجليهم زى حكاية سندريلآ إللي كنا بنسمعها واحنا صغيرين وبعد ما قلتله ان عنتر ليه حق عرب عندك ياجرجس عم رمضان ده انت بلوى مسيحة يا شيخ حسن الشيخ حسن هو تادرس لسه ماجاش ؟ عم رمضان مش عارف إيه إللي أخره يا شيخ حسن الشيخ حسن الغايب حجته معاه بس على الله ميكونش رجع فى كلامه الحاج شرقاوى يمكن حاجة عطلّته عم رمضان ما افتكرش يا شيخ حسن الواد زى ما شفته قصدى زى مانا شفته وشه كله جد وعزيمة ياجماعة يالي هنا ياعم الشيخ رمضان عم رمضان أهو وصل تعالي ياتادرس إتفضل إدخل ياأهلآ وسهلآ تادرس عواف عليكم إزيك يا شيخ حسن الشيخ حسن قول السلام عليكم تادرس السلام عليكم عم رمضان وعليكم السلام ورحمة الله وبركاته إيه إللي أخرك كدة الشيخ حسن انا قلت يمكن راجعت نفسك ومش جاى تادرس إهيه وده إسمه كلام يا شيخ حسن هو أنا عيل صغير إنتوا ليه مش مصّدقيني عم رمضان مصدقينك ياتادرس ، احنا بس قلقنا عليك لما اتأخرت تادرس أصل الواد جرجس طب عليا وقت ما أنا خارج وجاى على هنا الشيخ حسن جرجس إبن أنيسة الهبلة تادرس إيوه عم رمضان وده كان عاوز منك إيه ؟ تادرس لقيته جايب معاه ورقة كبيرة زى ورقة الرسم وقاللي حط رجلك هنا وجاب القلم وعلم حوالين رجلى وخد المقاس قلتله هى إيه الحكاية ياجرجس إياكش تكون عاوز تفصلي مداس جديد وإيه المناسبة ده انت بخيل وما بيهونش عليك اللضا وعمرك ما عملت خير فى حياتك قاللي بعدين ياتادرس بعدين حتعرف كل حاجة وخد بعضه ومشى قمت انا جاى على هنا الشيخ حسن هاهاهاها عم رمضان بعدين نقولك هو ليه عمل كدة ودلوقت انت جاهز ؟ تادرس أيوه أنا إتسبحت بنية الدخول فى الاسلام وترك الشرك وقعدت أبكى كتير على إللي ضاع من عمرى وأنا على الكفر عم رمضان ربنا سبحانه وتعالى بيقول وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ ﴿طه: ٨٢﴾ الشيخ حسن صدق الله العظيم قرب منى ياتادرس تادرس أيوه يا شيخ حسن الشيخ حسن قول ورايا أشهد أن لآ إله إلآ الله تادرس أشهد أن لآ إله إلآ الله الشيخ حسن وأشهد أن محمد رسول الله تادرس وأشهد أن محمد رسول الله الشيخ حسن وأشهد أن عيسى عبد الله ورسوله تادرس وأشهد أن عيسى عبد الله ورسوله الشيخ حسن وكلمته ألقاها إلى مريم وروح منه تادرس وكلمته ألقاها إلى مريم وروح منه الشيخ حسن وإن الجنة حق وإن النار حق تادرس وإن الجنة حق وإن النار حق الشيخ حسن وأؤُمن بالقدر خيره وشره تادرس وأؤُمن بالقدر خيره وشره الشيخ حسن وإن الساعة أتية لا ريب فيها تادرس وإن الساعة أتية لا ريب فيها الشيخ حسن وإن الله يبعث من فى القبور تادرس وإن الله يبعث من فى القبور الشيخ حسن وبرأت من كل دين يخالف دين الاسلام تادرس وبرأت من كل دين يخالف دين الاسلام الشيخ حسن مبروك ياتادرس إستنى لما أقوم أخدك بالحضن عم رمضان الله أكبر الله أكبر الله أكبر الله أكبر مبروك ياتادرس بالحضن يابنى اللهم ثبتك على كلمة التوحيد الحاج شرقاوى مبروك ياتادرس الحمد لله إن ربنا نجاك من النارتعالى فى حضن عمك الحاج شرقاوى تادرس خلاص كدة أنا بقيت مسلم يا عم رمضان خلاص بقيت مسلم يا شيخ حسن إنت والحاج شرقاوى عم رمضان إيوا والحمد لله تادرس معلش أنا بأبكى غصب عنى ياجماعة ياااه جبل وإنزاح من على سدرى عم رمضان إبكى يابنى خلى دموعك تغسلك من جوه الشيخ حسن فاضل انك تتعلم دينك الجديد وإن جيت للحق هو مش جديد لأنه هو دين كل الانبياء وهو الدين إللي مفروض كل الناس يتبعوه فاضل انك تتعلم كيفية الوضوء وكيفية الصلاة وعدد الركعات فى كل صلاة وتعرف أركان الاسلام الخمسة وإللي انت أقمت أول ركن فيها دلوقت وهى شهادة ان لآ إله إلآ الله وان محمد رسول الله تادرس نفسى أعرف كل حاجة عن الاسلام عم رمضان حتعرف بس واحدة واحدة بس المهم حنعمل إيه بالنسبة لمرثا وعلشان الكنيسة ماتخدش خبر تادرس مرثا خلوها عليا وانا حاشرح لها كل حاجة بس فى الوقت المناسب الشيخ حسن أنا شايف انك تخفى إسلامك مؤقتآ حتى عن مرثا لحد لما نشوف حل وعمك الشيخ رمضان حافظ القرءان وتبقى تقعد معاه كل ليلة شوية تسمعه وتسئله عن أى حاجة انت عاوزها وتحفظ السور الصغيرة علشان تصلي بيها تادرس ربنا يعمل إللي فيه الخير عم رمضان إن شاء الله إنت بقيت دلوقت واحد منا وإحنا تحت أمرك ما تحملش هم الشيخ حسن ربنا يثبتك على الإسلام وخلى بالك ما تحكمش على الإسلام من تصرفات بعض الناس إللي حتقابلك تادرس إزاى يا شيخ حسن الشيخ حسن يعنى لو لقيت واحد مسلم بيسرق إو بينصب على حد حتى لو كان مربى دقنه فده مش عيب فى الإسلام ده عيب فى الشخص نفسه لأن الإسلام لا يأمر بذلك الحاج شرقاوى أنا ما أنساش الراجل النصاب أبو دقن طويلة إللي جه هنا عامنول وكان معاه شنطة كبيرة شايلها على ضهره ومليانه أكياس صغيرة فيها مسحوق أصفر وماسك ميكرفون فى إيده وبينادى ويقول بعيداً عن الخداع والغش قول وداعاً لدود المش كيس أبو عرام فيه واحد جرام وبجنيه واحد والجرام الواحد يكفى زلعتين مّش يعنى الزلعة الواحدة تحتاج نص كيس بخمسين قرش والكفر كله إشترى منه والأخر يطلع إنه نصاب والكيس فيه حلبة مطحونة الشيخ حسن الجماعة دول فاكرينا عمى جايين يضحكوا علينا تادرس أنا ما أنساش اليوم ده الواد ميلاد الصايغ قاللي تشارك معايا إنت نص جنيه وأنا نص جنيه ونشترى كيس ونقسمه بالنص أنا وإنت قلتله ماشى بس لما جينا نشترى كيس الراجل قاللنا ما ينفعش تقسموا الكيس بينكم لأن المسحوق لو شم الهوا وإنتوا بتقسموه حيفسد ويبطل مفعوله والأحسن كل واحد منكم يشترى كيس منكم بجنيه ده أضمن وفعلاً كل واحد منا إشترى كيس بس طلع إنه حلبة مطحونة وكل لما أفتكر الراجل وهو بيقوللنا إن المسحوق لو شم الهوا يبوظ وهو إصلاً حلبة مطحونة أموت على روحى من الضحك الحاج شرقاوى إللي يهلك من الضحك أنا لما رحت البيت لقيتها ماسكة الكيس فى إيدها وهو فاضى قلتلها إوعى تكونى حطيتى الكيس كله فى الزلعة أحسن الجبنة تموت قالتلى ليه هو أنا عبيطة أنا حطيت نصه بس وسففت الواد الصغير النص التانى علشان الدود إللي فى بطنه يموت عم رمضان ههههههههههه الشيخ حسن فكرتونى بالذى مضى أنا حلاوتهم قالتلى هات جنيه يا شيخ حسن علشان نشترى بيه كيس قلتلها نشترى كيس نعمل بيه إيه ؟ قالت علشان نحطة فى زلعة الجبنة علشان يموت الدود قلتلها هو فين الدود ده ؟ أنا ما أشوفش أى دود لما باأجى ااكل تادرس ههههههههههه الحاج شرقاوى هو إنت عاوز تشوف الدود يا شيخ حسن وإنت أعمى ؟
|
|||||||||||||||||||||
|
| العلامات المرجعية |
| الكلمات الدلالية |
| يوميات, رمضان, راسك, عقلك |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| برمج عقلك من جديد | pharmacist | قسم الحوار العام | 0 | 06.07.2012 20:16 |
| عقلك .. لا مكانك هو ما يجب أن يتغير | pharmacist | قسم الحوار العام | 0 | 17.02.2012 14:33 |
| يانصرانى اين عقلك | ابوالسعودمحمود | القسم النصراني العام | 5 | 07.01.2011 08:39 |
| السم في عقلك | لا تسئلني من أنا | أقسام اللغة العربية و فنون الأدب | 3 | 09.11.2010 00:59 |
العرض العادي
