|
||||||||
آخر 20 مشاركات
|
 |
|
|
أدوات الموضوع | أنواع عرض الموضوع |
|
|
|
رقم المشاركة :1 (رابط المشاركة)
04.04.2012, 23:58
|
|||||||||||||||||||||
|
|||||||||||||||||||||
الدرس الثاني
ما بعد الفاصل منقول من الأخ شومان درس الأحد ( 2 ) سلام المسيح عليكم النهاردة حنكمل بقية درس يوم الأحد إللى فات ومش عاوز آى حد يتكلم أو يعلق المطلوب منكم إنكم تأمنوا بقلوبكم وبلاش عقولكم تفكر إلا فى المحبة وحبة حبة حتفهموا الأمور إللى فاكرينها صعبة دلوقت وملهاش تفسير زى مثلآ الثالوث وإزاى يكون الأب والأبن والروح شخص واحد مع إنهم فى الظاهر ثلاثة لأى واحد مش فاهم والحقيقة أنا شايف إننا مفروض نقول بسم الأب الأبن الروح القدس إله واحد وبلاش حرف الواو إللى معناه زائد أو إضافة إلى ويفيد التعدد لأن أبائنا عدى عليهم الموضوع ده لما جم وضعوا قانون الإيمان بتاعنا ومخدوش بالهم خالص ، لأن حرف الواو لما نيجى نطبقه ونقول فلان و فلان معناه إثنين فلان و فلان يبقوا ثلاث فلانات ومنقدرش نقول عليهم إنهم فلان واحد ، ومنقدرش نقول ميخائيل و مينا و سامى شخص واحد عمومآ الموضوع ده حنتكلم عليه ونحاول نفهمه بقلوبنا فى درس منفصل وتكون معانا وسائل إيضاح ، مثلآ حأطلب من كل واحد إنه يجيب معاه برتقالة ومثلث وبرجل ومنقلة ومسطرة و قرص عجوة مستدير علشان نشبهه بقرص الشمس ، وقلم رصاص علشان نرسم بيه الشعاع ، وكمان كل واحد يجيب معاه ترابيزة المكوة بتاعتهم علشان يحط عليها وسائل الإيضاح بتعته . ودلوقت نكمل موضع خطية آدم إللى من أجلها جاء المسيح يشيلها عنى وعنك وعنا كلنا ونحاول نرد على البعض إللى بيقول إن موضوع الخطية وآدم لم يذكرها أحد فى الأناجيل الأربعة ولم يتكلم عنها المسيح له المجد أو يشير إليها لا من قريب ولا من بعيد ! وهنا بقى الحلاوة والروعة لأن إبليس لما جرب المسيح لم يعرف إن المسيح إبن الله لأن الأب كان عامل خطة متخرش الميه يضحك بيها على إبليس علشان تنجح خطة الفداء لذلك لم يذكرها البشير متى ولا البشير مرقص ولا البشير لوقا ولا البشير يوحنا الحبيب لأنهم لم يعرفوا موضوع الخطة . ولأن إبليس لو عرف إن المخلص جاى فداء عن الخطية بتاعة آبونا آدم كان إبليس خطفه وأسره حتى لا يتم الفداء ، وممكن كان ياخده رهينة ويساوم الأب عليه وتبقى مشكلة ! يرفع أحدهم إصبعه بتردد وخوف أيوه ياجرجس عاوز تقول حاجة أيوه يا آبونا هو إبليس أقوى من الأبن وأقوى من الأب علشان يخبوا عنه موضوع الفداء وخايفين الخطة تنكشف بلاش يا جرجس وحياة أبوك حرف الواو ده تانى إللى لسه متكلمين عنه لأن الأثنين واحد الأب هو الأبن ! يا ريت تكون فهمت ( لم يجاوب القس على سؤال جرجس ) بعدين حتفهم المهم واحدة واحدة وحبة حبة وهى دى المحبة !. جرجس مرة اخرى يعنى يا أبونا نقدر نقول إن ربنا نفذ حكم الموت على نفسه ومات على الصليب لأنه هو الأب وفى نفس الوقت هو الأبن وان إبليس كان بيجرب الأب إللى هو فى نفس الوقت الأبن وإنه صعد بالأب الأبن إلى مكان عالى جدآ وخلاه يشوف جميع الممالك بتاعته، طيب مش غريبة يا آبونا إن إبليس يقدر يشيله على كتفه ويطير بيه ولما حضرتك يا آبونا بتقول إن الأبن هو الأب وإنهم واحد آمال الكتاب المقدس بيقول ليه إنه أرسل إبنه الوحيد يعنى واحد أرسل واحد تانى غيره ( واسقط فى يد القس فلم يرد ) اقعد يا جرجس يا أبنائى لازم الواحد منكم يأامن بكل ما جاء فى الكتاب المقدس وإللى مصحاب واحد مسلم يبعد عنه لأنهم بيحاولوا يشككوكم فى الإنجيل وبإنه محرف ومفيش إنجيل زى التانى وبيتكلموا عن المتناقضات ويقولوا ملهاش حصر ولاعدد يرد ويصا ده بيقولوا عن المسيح له المجد إنه خروف وإنه مذكور فى الكتاب المقدس إنه خروف ورب الأرباب وكل إللى بيحاربوا الخروف الخروف حيغلبهم وبيقولوا علينا إننا خرفان علشان بناكل جسد الرب الخروف ونشرب دمه فبقينا خرفان زيه . يرد القسيس أيوه إحنا خرفان من ظاهرنا بس جوانا اسود بتظهر ساعة ما احنا عاوزين ونقتل وندمر ونولع حرايق ونخلى الدم للركب وننسى المحبة. إحنا يا إبنائى لازم نتلون بكل لون زى ما قال بولس الرسول . نرجع للدرس وأقول لكم كل واحد يأامن زى يوحنا الحبيب إللى كان بينام على صدر المسيح والمسيح كان بيحبه وبيبوسه على طول وهو إللى تبع المسيح لما المسيح إتقبض عليه وجم الجنود يقبضوا على يوحنا الحبيب سقط ردائه وهو يهرب وكان بلبوس زى امه ما ولدته لأنه كان متعود دايمآ يلبس الرداء على عريه بدون ملابس داخلية ( الرداء بشبه العباءة ومفتوح من الإمام )، حتى لما المسيح له المجد لما قام من الموت وذهب إلى البحر وكان يقف على الشط أول من رأه من بعيد وتعرف عليه كان يوحنا الحبيب وكان موجود مع الرسول بطرس وكان الرسول بطرس عارى بلبوس خالص فلما أخبره يوحنا برؤيته للرب رمى بنفسه فى الماء لأنه إتكسف إن المسيح يشوفه مع يوحنا الحبيب وهو عريان بلبوس خالص لإن المسيح عارف إن حبيبه يوحنا بيبقى عريان تمللى إلآ من رداء خارجى يلبسه على عريه وعارف إنه بيحب ينام على الصدر ! علشان كده يا أبنائى بنلاقى إسم عريان متداول كتير بينا ومن أحب الأسماء إلى قلوبنا وإللى بيحبها شعب الكنيسة ويا ريت، ياريت إنتوا تكونوا زى يوحنا الحبيب وتكونوا مثل جميع آباء الكنيسة إللى بيحاولوا يقلدوا يوحنا الحبيب فى بساطة ملابسه ! وقبل أن ترتفع الأصابع الكثيرة للإستفسار قال القس نكمل يوم الأحد إللى جاى سلام المسيح لكم جميعآ وآخر دعوانا ان الحمد لله رب العالمين والصلاة والسلام على خير خلقه كلهم محمد صلى الله عليه وسلم Showman للمزيد من مواضيعي
الموضوع الأصلي :
سلسلة دروس الأحد للأخ العبقري شومان مجمعة هنا
-||-
المصدر :
مُنتَدَيَاتُ كَلِمَةٍ سَوَاءِ الدَّعَويِّة
-||-
الكاتب :
شعشاعي
المزيد من مواضيعي
|
|||||||||||||||||||||
|
رقم المشاركة :2 (رابط المشاركة)
04.04.2012, 23:59
|
|||||||||||||||||||||
|
|||||||||||||||||||||
|
الدرس الثالث عن التجسد
ما بعد الفاصل منقول من الأخ شومان درس الأحد ( 3 ) سلام المسيح عليكم النهارده حنتكلم يا أبنائى عن التجسد ومطلوب منكم إنكم تحفظوا مش تفهموا وزى إحنا ما حفظنا من إللى سبقونا ومفهمناش انتوا كمان مطلوب منكم تحفظوا مننا ومتفهموش لأن ده فوق فهمكم وعليكم إنكم تاأمنوا بس علشان تنالوا نعمة محبة المسيح.وموضوع التجسد ده مفيش حد عرفه قبل كده لأن الجنس البشرى مكنش ناضج لسه لفهم الحقيقة دى ، بالظبط زى الطفل إللى ميعرفش عود الكبريت فايدته إيه ولما يكبريعرف إنه يقدر يولع بيه الدنيا ، واحد يقوللى الحمار برضه الطفل ميعرفش فايدته إلآ لما يكبر شوية ويشوف حد راكبه أو بيجر عربية أقوله المثال ده صح ! ومفيش حد من إللى سبقوا المسيح له المجد كان عارف حاجة عن التجسد لا نوح النبى ولا آبونا إبراهيم ولا موسى النبى ولا إيليا ولا يوحنا المعمدان لأنهم مكنوش لسه نضجوا ولا المسيح له المجد إتكلم بصراحة عنه ، لغاية ما بولس الرسول هو وحده إللى نضج وفهم التجسد وعبر عنه فى رسالته لفيلبى وقال( إن الله أخلى نفسه آخذا صورة عبد صائرا في شبه الناس ، وإذ وجد فى الهيئة كانسان وضع نفسه وأطاع حتى الموت ) ومع إنى مفهمتش كلام الرسول بولس لما قال إن الله أخلى نفسه وبعد كده قال إنه وضع نفسه بس نقدر نقول إن الجنس البشرى لم ينضج لإستيعاب حقيقة التجسد لغاية ما بولس الرسول نضج وفهم الفولة إللى إبليس نفسه حاول يعرفها عندما جرب الرب فى البرية وفشل فى معرفة إن المسيح جاى علشان يفدينا من خطية آبونا آدم وانه هو الأبن والأب أقصد الأبن الأب واحدة ترفع إصبعها أيوه يا دميانة إتكلمى هل كان التلاميذ يا بونا عارفين حاجة عن التجسد ولا بولس الرسول بس هو إللى عرف ده لوحده ولو التلاميذ مكنوش عارفين يبقى معنى كده إنهم كانوا غير ناضجين لإستيعاب الحقيقة دى لما كانوا مع المسيح له المجد واحد تانى يرفع صباعه آيوه يا نسيم عاوز تقول إيه انت كمان عاوز أقول يا آبونا إن حضرتك بتقول زمان كان الجنس البشرى غير ناضج علشان يفهم حقيقة التجسد واستمر ده لغاية الجنس البشرى لما نضج وبقى عنده الإستعداد لفهم التجسد عن طريق نضج بولس الرسول والكلام ده كان من ألفين سنة صح والمفروض إنه بعد ألفين سنة يعنى الوقت الحالى يكون نضج البشرية زاد كتير ويفهموا أكثر ولكن لغاية دلوقت إحنا مش فاهمين حاجة عن التجسد ولا حد فاهم حاجة . صباع تانى ( القس يترك صاحبة ليتكلم ليتيح لنفسه وقت يفكر فى رد على الكلام عاليه ) يتكلم مينا صاحب الصباع المرفوع . أنا يا آبونا لى جار مسلم اسمه شومان وكنت بحاول أبعد عنه ، ولما كان يسمع التراتيل إللى أنا بأشغلها على التسجيل كان يضحك ويشغل القرءان ويعلى التسجيل على الآخر وامبارح قابلنى فى الشارع وقالى إيه يا بنى إللى انت بتسمعه ده قلت له دى ترانيم قاللى ترانيم وهى دى وحى وقالى إنتوا واليهود عاوزين حاجات ملموسة ومحسوسة تشوفوها بعينيكم علشان تؤمنوا لأنكم لا تأمنوا إلآ بالمادة وعاوزين حاجة تلمسوها بإيديكم وزى اليهود لما إتأخر عليهم موسى عن ميعاده لمدة عشر أيام صنعوا عجل علشان يعبدوه وقالوا عليه ده إله موسى ، حتى لما موسى عبر بيهم البحر وشافوا بعينيهم فرعون بيغرق هو وجنوده فى البحر لم تكفيهم تلك المعجزة وقالوا لموسى بعد عبورهم للبحر مباشرة ومرورهم على ناس بيعبدوا أصنام قالوا لموسى إجعل لنا إله كما لهم آلهة ، ومش كده وبس ده قالوله أرنا الله جهرة عاوزين حاجة ملموسة يشوفوها بعينهم مش يصدقوها بقلوبهم عاوزين يشوفوا الله يا مينا كده عينى عينك. إنتوا كمان يا مينا صنعتوا إله تشوفوه قدامكم ويعيش بينكم ويتكلم معاكم ويأكل الطعام زيكم المهم إنه يكون إله تلمسه إيديكم سواء على صورة أو على شكل تمثال أو أيقونة أو على صليب ومش مهم يكون خروف أو إنسان فى الشكل لكن بالنسبة ليكم إله لأنكم مثل اليهود لا تأمنوا إلآ بالمادة ولازم كل حاجة عندكم تكون قايمة على المشاهدة هما عبدوا العجل وأنتم عبدتم الخروف اليهود قالت لموسى أرنا الله جهرة وأتباع المسيح قالوا أرنا الأب لا يوجد عندكم فى كتابكم شيىء إسمه وحى أو إيمان بغيب وإنما سيرة ذاتية عن حياة نبى إنسان قولتم إنه إله ! تمام زى السير الذاتية الشعبية لأبو زيد الهلالى والشاطر حسن منظور فصورتم ربكم على إنه خروف علشان يفضل قدام عينيكم وصورتوه مشبوح على الصليب علشان صورته تفضل قدام عينيكم ، حتى تلامذة المسيح خاصته طلبوا منه مائدة طعام تنزل عليهم من السماء قدام عينيهم ويشوفوها علشان تطمئن قلوبهم ويصدقوا إنه رسول عاوزين حاجة مادية ملموسة ومشهودة نفس طباع النفس المريضة التى لا تؤمن إلآ بالماديات ، وعلشان ربنا إللى خلقكم عارف نفوسكم المريضة وحبكم للماديات أرسل نبيه موسى ومعه معجزة العصا إللى تتحول إلى حية وإلى ثعبان قدام الناس وإيده إللى تبقى بيضاء كالثلج وأجرى الله له معجزة شق البحر بالعصى إمام أعين بنى إسرائيل وكلها معجزات ملموسة ومشهودة تراها عيونهم كمان ربنا أرسل عبده عيسى إلى اليهود تمامآ كموسى بمعجزات مادية ملموسة كإبراء الأكمة والأبرص وإحياء الموتى بإذن الله لأنكم ناس مادين وعلشان كده لم تؤمنوا بإن الله واحد ولا يستطيع أن يراه أحد وإن البصر لا يدركه وهو يدرك الأبصار فجعلتوه ينزل ويتجسد ويمشى على الأرض وجعلتوا له روح تنزل كالحمامة وصورتم الله فى ثالوث وصلبتوه على صليب لقد إخترعتم تلك الماديات بأيديكم وصدقتوها يا مينا حتى إنكم تملئون كنائسكم بالصور والتماثيل والأيقونات ، وخدعتم أبصاركم لما تصورتم إن الخبز يتحول لجسد والنبيذ يتحول لدم صنعتم ماديات حتى تلمسوها بأيديكم لآن قلوبكم لا تؤمن إلا بما تراه أعينكم . فكما عبد المصريون القدماء العجل أبيس كذلك عبد بنى إسرائيل العجل الذى صنعوه من الحلى أثناء غياب نبيهم عنهم وأنتم عبدتم الخروف وقلتم إنه رب الأرباب وفى الهند يعبدون البقر فما الفرق بينكم وبينهم . عرفت بقه يا مينا إنكم ماديون وإن قلوبكم لم تؤمن بوحى الله الذى أنزله على المسيح فأخفاه آبائك وصنعوا بدلآ منه عقيدة تقوم على الماديات والمحسوسات كالتثليث والتجسد والصليب وأكل جسد الرب وشرب دمه . وعلشان كده إبليس مبسوط منكم آوى وبيصور لكم الأشياء إيللى تحبوا تشوفوها وإيللى بتحبوها مثلآ ظهورات العدرا لأنه عارف إنكم بتحبوا الحاجات الملموسة والمنظورة ويخللى أيقونة تبكى دم من عينيها علشان تستمروا فى ضلالكم وتفتكروا إنكم على حق . إنتوا يا مينا تطاولتم على الله ووصفتوه بما لا يليق ثم قتلتوه على الصليب وعلشات ألخص لك الكلام ده يا مينا وأوريك إنكم مشيتوا زى اليهود تمامآ وقلدتوهم زى هما ما قلدوا إللى قبليهم هما عبدوا العجل وقالوا إنه إله موسى وأنتم عبدتم الخروف وقلتم إنه رب الأرباب ، هما طلبوا من موسى يسئل ربه أن ينزل عليهم طعام فأنزل عليهم المن والسلوى ، وتلامذة المسيح طلبوا منه مائدة طعام ينزلها الله لهم من السماء ، هما قالوا لموسى آرنا الله جهرة ، وأتباع يسوع قالوا آرنا الأب ، كانت عصا موسى تتحول إلى حية وثعبان ، وأنتم قلتم إن الخبز يتحول إلى جسد والنبيذ إلى دم ، هما قالوا إن الله يتعب وينسى ويندم ويأسف فى قلبه وأنتم قلتم إنه يأكل ويشرب ويغسل أرجل عباده ويتعرى إمامهم ويهرب من أعدائه ويتغوط على نفسه ويجرب من الشيطان ثم لطمتوه وصلبتوه وقتلتوه وقبرتوه ثم تقولون له المجد أى مجد هذا بعد كل هذا الإستهزاء تحدث همهمة ودمدمة بين الجلوس على أثرها ينتبه القس من غفلته  كنت بقول يا آبونا الكلام إللى قالهولى جارى المسلم إمبارح يعبس وجه القس ويقول أنا مش قلت ليكم ألف مرة بلاش تتكلموا مع المسلمين فى آى حاجة ولا تسمعوا من المسلمين آى حاجة ولما الواحد فيكم يحس بالضعف يلمس الصليب إللى معاه حيلاقى نفسه تمام ! وواحدة واحدة وحبة حبة وهى دى المحبة ونتقابل يوم الحد الجاى علشان نتكلم فى موضوع التجسد سلام المسيح ومحبته للجميع وآخر دعوانا ان الحمد لله رب العالمين والصلاة والسلام على من رحم الله به الناس كافة محمد صلى الله عليه وسلم Showman المزيد من مواضيعي
|
|||||||||||||||||||||
|
رقم المشاركة :3 (رابط المشاركة)
05.04.2012, 00:00
|
|||||||||||||||||||||
|
|||||||||||||||||||||
|
الدرس الرابع
ما بعد الفاصل منقول من الأخ شومان بسم الله الرحمن الرحيم هذا اسلوب مبسط فى الخطاب لكشف ما يعترى كتابهم وعقيدتهم من عوار وقصدنا أن يكون باللغة العامية التى يتخاطب بها الوعاظ فى دروس الأحد ، حيث انهم لا يجيدون اللغة العربية لا نحوآ ولا صرفآ ولا نطقآ ولا كتابة لانهم لا يحرصون على تعلمها ، وكثيرآ ما يتعمدون الإساءة إليها بالأخطاء الإملائية لإنها لغة الضاد التى نزل بها القرءان الكريم فهم يحاولون تشويهها حقدآ منهم على الاسلام درس الأحد ( 4 ) سلام المسيح معاكم جميعآ سنكمل اليوم موضوع التجسد إللى مكملنهوش الأحد الماضى، واحد يقوللى احنا وقفنا لحد فين يرفع أحدهم إصبعه أيوه يا عم مكرم وقفنا يا بونا لحد ما الرسول بولس فهم الفولة صح يا عم مكرم برافو عليك الرسول بولس قال إن الله أخلى نفسه آخذآ صورة عبد صائرآ فى شبه الناس ومحدش يفتكر إن معنى أخلى نفسه إنه ترك نفسه فوق ونزل بدون نفس وإنه بعد ما صار فى شبه الناس رجع ووضع نفسه تانى هو صحيح القديس بولس مقالش وضع نفسه فين هل وضع نفسه فى الشبه الأنسانى ، يعنى أول ما صار فى الشبه الأنسانى كان بغير نفس وإنه وضع نفسه بعد ما صار فى هيئة إنسان ، معلهش الموضوع أصله معقد شوية وكويس إللى احنا بنتكلم فيه بعقولنا المحدودة ونجتهد علشان نفهم التجسد إزاى لأن الرسول بولس لم يوضح الكيفية ، يعنى رماها وسابها علشان نفكر فيها ! ومقالش عن كيفية نزول الله واحنا لا ننكر نزول الله فالكتاب المقدس ذكر أن الله نزل أكثر من مرة ، مرة علشان يشوف بنفسه الكلام إللى وصله عن أهل بابل صحيح ولا كدب ولما لقى الكلام صحيح بلبل ألسنتهم علشان مايعرفوش يتكلموا أو يتفاهموا مع بعض وبقى كل واحد يرطن بلسان غير التانى خالص يعنى مثلآ لو أهل بابل خمسمائة ألف مثلآ يبقى ربنا خلاهم يتكلموا بخمسمائة ألف لسان ! ومرة نزل علشان يشوف صراخ سدوم وعمورة ، ومرة نزل لما صارع يعقوب ويعقوب غلبه وفضل يتحايل على يعقوب علشان يسيبه ويقوله سبنى النهار قرب يطلع ويعقوب راسه وألف سيف مش عاوز يسيبه إلآ لما يباركه ! ومرة نزل لما أكل عند آبونا ابراهيم وكان معاه إثنين ضيوف يعنى كانوا ثلاثة وأنا باختلف مع إللى بيقول إن الله نزل بأقانيمة الثلاثة عند آبونا ابراهيم ، ليه بقى أنا بأختلف معاهم علشان ده يبقى معناه إن الله ثلاث أشخاص وده مينفعش لأن كل واحد منهم كان منفصل عن الثانى وكل واحد منهم أكل لوحده. إنما نقول الله ومعاه إتنين ملاك هما إللى كانوا عند أبونا ابراهيم ! . المهم المرات إللى نزل فيها الله قبل كده كانت بنفسه أما المرة بتاعة التجسد فالقديس بولس قال إنه أخلى نفسه واحد يرفع صباعه أيوه يا عم عريان لما الكتاب المقدس قال إن الله بنفسه نزل علشان يشوف أهل بابل ومرة علشان يشوف ليه صراخ سدوم وعمورة ومنعرفش الصورة إللى نزل بيها بس هو نزل بصورة بشرية لما أكل عند أبونا ابراهيم ونزل بصورة بشرية لما صارع أبونا يعقوب يعنى كان بينزل بصورة بشرية زى العهد القديم ما قال ، امال ليه لازمة إنه ينزل ويتجسد فى ام النور ويبقى طفل زى كل الأطفال يجوع ويشبع ويرضع ويكبر شوية ويلعب ويحلم هو صحيح ياآبونا إن الرب كان بيحلم يعنى بيشوف أحلام زى كل الناس ، وبعدين يتصلب ويموت ويدفنوه ، أنا قصدى ان الله كان بيعلن عن نفسه فى العهد القديم لما نزل وبلبل ألسنة أهل بابل وقال أنزل أشوف وأعلن عن نفسه ليعقوب بعد المصارعة وخلى آبونا ابراهيم يعرفه طيب ليه ما أعلنش عن نفسه فى العهد الجديد وقال أنا الله وجاى أكفر عن الخطيئة بتاعة أبوكم آدم ، يعنى كان ممكن يعلن عن نفسه بدون تجسد وبدون البهدلة إللى حصلت اقعد يا عم عريان الظاهر إنك مش فاهم حاجة خالص امال كنا بنتكلم فى الدروس إللى فاتت ونقول إيه ، مش كنا بنقول إن ربنا كان عامل خطة متخرش المية علشان إبليس ميعرفش شخصيته وتنجح عملية الفداء ، وعلشان كده ربنا ساب إبليس يشيله ويحطه ويجربه ويجيبه كده ويجيبه كده علشان يعرف منه حاجة وبرضه معرفش، حتى لما إبليس خلاه يشوف جميع الممالك مرضيش ربنا يقله انت بتورينى الممالك بتاعتى وعمل نفسه مش واخد باله علشان الموضوع يعدى ، ده ربنا استحمل كتير علشان خاطرنا كلنا يا عم عريان يرد عم عريان وفيها إيه لو إبليس عرف وهو فى إستطاعته إيه يعمله ده لو كان قادرصحيح مكنش ربنا قدر يطرده من الجنة بس علشان هو مخلوق وضعيف خرج من الجنة غصب عنه لما ربنا طرده ومقدرش يقول بم ! إيه يا عم عريان الكلام ده ، انت بتخش على النت والآ بتتكلم مع المسلمين ، الكلام ده تجديف ومش من مصلحتك تتكلم فيه انت عارف و بلاش أقول حتتعلق من رجليك وأنت عارف العصاية حتروح فين يجلس عم عريان وهو يستغرب ويهز فى رأسه ! واحد آخر يرفع صباعه أيوه يا مايكل أيوه يا آبونا حضرتك بتقول ان احنا موحدين وبنقول ان الله واحد وله ثلاث أقانيم الأب والأبن والروح و الثلاثة واحد بدون إنفصال ، يعنى لما نقول الله يبقى الثلاثة ولما نقول الثلاثة يعنى الله ، طيب لما الله نزل واتجسد مين إللى فضل فوق ! وجت منين الحمامة إللى نزلت على الرب وهو بيتعمد فى نهر الأردن ، وجه منين الصوت إللى كان بيقول هذا إبنى الحبيب لما هما الثلاثة واحد ، وألا بنقول احنا موحدين بس قدام المسلمين علشان نضحك عليهم وميقولوش علينا مشركين ! حاجة تبرجل المخ يا آبونا أنا لما بفكر فى الموضوع ده مخى بيسخن . مش مطلوب منك يا مايكل إنك تفكر مطلوب منك إنك تاأمن وبس التفكير مطلوب منك بس فى المدرسة والكلية ، انما قدامى هنا توطى راسك وتقول آمين يا آبونا ، وبعدين انتوا عارفين المثل إللى بيقول العقل زينة احنا إللى إخترعنا المثل ده علشان يحفظه شعب الكنيسة ويعرف ان العقل مش للتفكير فى الإيمان ولكنه للزينة فقط . عليك تسمع وتصدق من غير ما تفكر علشان مخك ما يسخنش . وبعدين لازم تعرفوا إن إلهنا القدير له المجد يقدر يعمل آى حاجة عاوزها ويتجسد فى آى صورة إنسان ، خروف ، بقرة ، هو طبعآ مقالش فى الانجيل أنا الله متجسد فى صورة المسيح له المجد علشان كان خايف من إبليس يلخبلطه المسائل والفداء ما يتمش واحد أخر يسأل أيوه يا استاذ زكى احنا عرفنا أن الرب كان عامل خطة علشان الفداء يتم بحيث ان إبليس ميعرفش ويعطل فداء الرب ، طيب يا آبونا بعد ما تم الفداء والمسيح له المجد صلبوه ودفنوه وقام فى اليوم الثالث يعنى الفداء خلاص تم وخلصنا على الصليب ، طيب ليه بعد القيامة ما أعلنش ليه بكل صراحة إنه هو الله وانه كان متجسد وكان مخبى نفسه عن إبليس ، وانه خلصنا من الخطية لما إتصلب ! ، يعنى مفيش خوف من إبليس لأنه تمم الفداء ! سؤال وجيه يا استاذ زكى وبصراحة الأباء فكروا كتير فى الموضوع ده ، بس البابا حلها وقال إحتمال كبير يكون أعلن عن نفسه وقال صراحة إنه الله ولكن الروح ربما نسى أن يوحى بهذا للتلاميذ !!!!! نتقابل يوم الأحد الجاى بنعمة المسيح وآخر دعوانا ان الحمد لله رب العالمين والصلاة والسلام على من رحم الله به كل مخلوق سيدنا ومولانا ونبينا محمد صلى الله عليه وسلم المزيد من مواضيعي
|
|||||||||||||||||||||
|
رقم المشاركة :4 (رابط المشاركة)
05.04.2012, 00:01
|
|||||||||||||||||||||
|
|||||||||||||||||||||
|
الدرس الخامس معجزات القديسين
ما بعد الفاصل منقول من الأخ شومان درس الأحد ( 5 ) معجزات القديسين الأب تكلا سلام المسيح لجميعكم النهارده حنتكلم عن معجزات القديسين علشان الأب عريان حصلت معاه مشكلة إمبارح الحضور : خير يا آبونا إيه إللى حصل للأب عريان أبدآ أصله كان ماشى إمبارح وكان فيه عيال بيلعبوا كورة شراب والظاهر إن واحد منهم شاط الكورة فجت فى الصليب إللى لابسه الأب عريان والظاهر إن الكورة كانت متعاصة طين ، ومكنش الولد بصراحة قاصد ، ومع إن الولد إعتذر وقال متزعلش ياابونا الطين طاهر ، بس الأب عريان شتمه ومعجبوش إللى حصل وخد كلمة الولد على محمل تانى وفسرها تفسير غلط وقال الولد عاوز يقوللى إن الطين أطهر من الدم لأن الله خلق آدم من الطين إنما الصليب عليه دم واحد بولس قال عليه إنه ملعون وافتكر إن فيه ناس محفظة الولد الكلام ده فخد بعضه وطلع على قسم الشرطة وعمل محضر وحاول الظابط يطيب خاطره ويقوله دول عيال ومش قصدهم حاجة، بس الأب عريان راسه وألف .... ما يرجع فى كلامه وصمم على عمل المحضر وقال للظابط ده حيأجج الفتنة الطائفية فى البلد . المهم النهاردة كل واحد فيكم يحكى لينا عن معجزة حصلت ليه شخصيآ أو لاسرته يتكلم ميلاد ويحكى أنا لما كنت بأرجع من المدرسة أفوت على بوتيك فى الشارع إللى فيه بيتنا وكان معروض فيه تى شرت حلو خالص وكنت أقف أتفرح عليه وأقول ياريت كان معاى فلوس علشان أشتريه لأنه كان عاجبنى قوى وكان نفسى فيه ومكنتش أقدر أطلب فلوس من أهلى لأننا على كد حالنا ، والاسبوع إللى فات لما روحت بيتنا فوجئت بحاجات كتير داخل شنط بلاستك محطوطة على التربيزة فى الصالة وكلهم فى البيت فرحانين ومبسوطين ومزهولين فسئلتهم إيه الموضوع فقالولى اتفرج فلقيت داخل الشنط البلاستك قمصان نوم وفساتين وبجامات وقميص رجالى ولقيت ال تى شرت إللى أنا بحبه ففرحت قوى وسئلت إيه إللى حصل وجبتم فلوس منين فقالت امى إنها سمعت جرس الباب فقامت وفتحت فوجدت شاب وفتاة من الصين يحمل كل منهم شنطة على ضهره فأرادت أن تصرفهم لأن مفيش معانا فلوس والظاهر إنهم لم يفهموا كلام امى فصمموا على الدخول وعرض ما معهم وبصراحة الحاجات كانت مغرية وجميلة جدآ وكانت مناسبة لكل واحد منا فقالت لهم امى والحزن فى عينيها يا ريت كان معانا فلوس كنا اشترينا منكم وأرادت أن ترد لهم الملابس بتاعتهم ، ولكنهم نظروا لبعضهم البعض الشاب والفتاة وضحكوا وقال الشاب إنتو لسه مش عارفين إحنا مين أنا مارجرجس ودى القديسة تريزا واحنا جايين مخصوص علشان نديكم الحاجات دى ، أما الشنطة دى فاعطوها لميلاد وفيها ال تى شرت إللى هو عاوزه ، فكل إللى فى البيت إندهشوا من المفاجأة لأنهم اتكلموا عربى مش صينى ولما ماما فاقت من المفاجأة مسكت فيهم علشان ياكلوا وقالت ليهم أنا طابخة كوسة وقرع عسل ، ولكنهم مشيوا واختفوا ، والعجيبة ان احنا لاقينا التكت إللى على الملابس بدل ما يكون مكتوب عليه صنع فى الصين لاقينا مكتوب عليه صنع بمعرفة ام النور ، الجميع يتهلل بركاتك يا عدرا .... بركاتك يا ام النورر الأب تكلا : يهز رأسه وهو يستغرب صحيح حصل الكلام ده يا ميلاد يرد ميلاد أيوه يابونا ثم يجلس وفى عينيه نظرة خبث يقف حنا ويحكى اشترى أبى العام الماضى خروف صغير وضعناه هو ومعزة ( عنزة ) فوق السطح مع بعض الطيور وكانت امى متعودة تربى الحاجات دى حتى لا نحتاج للشراء من الخارج ، وكنت أنا أصعد للسطح لتقديم الأكل لهم وكل إللى بيفيض من أكلنا كل يوم ، وأنا تعلقت جدآ بالخروف منذ أن كان صغير إلى أن كبر ورأى أبى ان الخروف قد حان الوقت لأن نذبحه لإنه قد أصبح ضخمآ فأتى يومآ بالجزار وقال ضاحكآ سنذبح أخيكم النهاردة وصعدت معهم إلى السطح وعندما شاهد الخروف الجزار جتله حالة هياج شديدة وبدل ما يقول ماءءءءء ماءءءءء ماءءءء قال لاءءءء لاءءءء لاءءءء وبعدين قال أنا مش خروف أنا زيكم احنا كلنا إندهشنا وبقينا مش عارفين نعمل إيه والجزار قال أول مرة أشوف خروف بنى آدم ورفض أن يذبحه وانصرف أبى احتار فى أمر الخروف وذهب إلى الكنيسة وحكى ليهم إيللى حصل وهناك قالوله إن الخروف به شيطان جامد قوى ونصحوا أبى أن يطلقه فى الصحراء ولا يدخله بيتنا مرة اخرى وفعلآ خدنا الخروف وتركناه فى مكان فاضى بعيد عن الناس والعمران وبقينا خايفين وخصوصآ لما سمعنا الخروف بعد ما تركناه وهو بيقول هاءءءء هاءءءء ضحكت عليكم أنا خروف ، بس نحمد ربنا لأنه نجانا بنعمة المسيح من الخروف الشيطان . الأب تكلآ : وهو أشد إستغراب صحيح الكلام ده يا حنا أيوه يابونا صحيح ويجلس وفى عينه نظرة أشد خبث وهو ينظر إلى ميلاد يتهلل الجميع المجد ليسوع ..... المجد ليسوع ...... يقف وحيد ليحكى الأب تكلا : قبل ما تحكى لو عندك معجزة زى المعجزات إللى حكاها ميلاد وحنا بلاش تقولها وقول حاجة تانية ! وحيد : بصراحة يابونا مش عارف إذا كانت دى معجزة والا مش معجزة الأب تكلاا : احكى يا وحيد واحنا حنعرف إن كانت معجزة والا مش معجزة أنا يابونا عندى 13 سنة وانا فى مدرسة الاورمان الاعدادية والمدرسة بتاعتنا نظمت رحلة إلى أسوان والرحلة كانت لمدة يومين واشتراك الرحلة كان عشرة جنيه ومكنش معاى اجرة الاشتراك لأن المرتب بتاع بابا كان يدوب يكفى مصاريف الأكل والشرب والإيجار والحاجات دى ومكنش بيفيض حاجة من المرتب خالص ، وكان نفسى أروح الرحلة دى مع زاميلى وكان فاضل يوم واحد على قفل باب الاشتراك فكنت مهموم وحزين ومش طايق نفسى وقعدت لوحدى أفكر فى حالنا واقول يا بخت زاميلى إللى معاهم فلوس حيروحوا الرحلة ويشوفوا أسوان والسد العالى وأنا لأ ، وفجأة وأنا قاعد سمعت صوت ناحية ودنى الشمال بيقوللى انت زعلان ليه يا وحيد متزعلش ، مش انت شايل عشرة جنيه فى الحصان الخشب بتاعك من عشر سنين ، لما انت قلت أشيل دول للزمن ولوقت العوزة ، وقعد الصوت يفكرنى بالمكان إللى أنا شايل فيه الفلوس لحد ما افتكرت ولاقيتهم فعلآ مكان ما أنا حططهم ! فخدت الفلوس ورحت دفعتهم للمشرف بتارع الرحلة ! يتهلل الجميع ويصيحون مبارك .... مبارك ... دى معجزة كبيرة يا وحيد نعمة المسيح معاك وحيد: تبقى دى معجزة يابونا والا مش معجزة ! الأب تكلا : يهز راسه وهو مبهوت ويقول لأ معجزة يا وحيد، ده أنت غلبت الاتنين وحيد يجلس وهو ينظر لكل من ميلاد وحنا وهو يضحك بخباثة الأب تكلا: نكمل يوم الأحد القادم سلام ونعمة وآخر دعوانا ان الحمد لله رب العالمين والصلاة والسلام على سيد المرسلين وخاتم النبين محمد صلى الله عليه وعلى آله وسلم تسليمآ كثيرا Showman المزيد من مواضيعي
|
|||||||||||||||||||||
|
رقم المشاركة :5 (رابط المشاركة)
05.04.2012, 00:03
|
|||||||||||||||||||||
|
|||||||||||||||||||||
|
الدرس السادس كيف تتعامل مع المسلم
ما بعد الفاصل منقول من الأخ شومان درس الأحد ( 6 ) كيف تتعامل مع المسلم الأب عريان المكفى ( تخصص تدليس وحيل ) سلام ونعمة للجميع حنتكلم فى الدرس النهارده عن موضوعين الأول كيف تتعامل مع الكفار والموضوع الثانى عن تثبيت الايمان المسيحى بالنسبة لشبابنا إللى بينضحك عليهم من الكفار ! ومش بس شبابنا ولكن كمان الكبار إللى بيشاوروا عقولهم وغير مقتنعين بالايمان بتاعنا وقال إيه علشان مش فاهمين التجسد أو التثليث ومش داخل عقولهم ولا فاهمين حقيقته وده راجع لأنهم بيفتشوا ويدوروا وبيحاولوا يفهموا ، ومش عارفين إن المطلوب منهم انهم يؤمنوا وبس من غير تفكير ولا يحزنون ، لأن إللى بيفكر وبيحاول يفهم تأكدوا إن مصيره إنه حيترك المسيحية والمسيح وحيبقى إنحرم من الملكوت بتاع ربنا له المجد ! ويكون مستحق لبحيرة الكبريت وأنا من هنا بأوجه كلامى لكل واحد قاعد بينكم تأسلم فى السر ومخبى نفسه علشان ما ينفضحش وسطنا وأنا عارف إن فيه أعداد كبيرة للأسف إنضحك عليها لأنها حاولت تشغل عقلها وتفكر ولم تؤمن الإيمان الأعمى المطلوب منها حتى ترضى الرب له المجد . والنهارده بجانب الموضوعين دول حنتكلم فى كل حاجة وإللى عاوز يسئل يتفضل وإللى إيمانه ضعيف وعاوز يقويه يرفع إيده ويتكلم وإللى مكسوف يرفع إيده يقول للى قاعد جنبه علشان يرفع إيده نيابة عنه ! الموضوع خطير يا أبنائى والكنيسة قلقانة من كتر حالات التأسلم والخطف إللى بتم لبناتنا بإستمرار عينى عينك ! واحد يرفع إيده أيوه يا جرجس بس يا بونا كلنا عارفين إنه مفيش حالات خطف ولا حاجة وإحنا بس إللى بنقول كده علشان الإعلام والاسبوع إللى فات واحدة جارة إبن عمى إسمها لويزا هربت وسابت لأهلها جواب قالت فيه إنها أسلمت وطلبت منهم إلآ يبحثوا عنها لانها لن ترجع للمسيحية تانى ، وأهلها أخفوا الجواب بتاعها وراحوا مديرية الأمن وبلغهوهم إن المسلمين خطفوا البنت ! وعملوا مظاهرة كبيرة فى الكنيسة ، وطلبوا من الحكومة ترجع ليهم لويزا ، والحكومة قالت ليهم انتوا عاوزين لما حد يتأخر من ولادكم بره البيت أو يتوه أو يكون عند قرايبه نمسك ميكروفات وندور نلف فى الشوارع ونقول عيلة تايهة يا ولاد الحلال ببلوزة نايلون وجيبة ترجال على رأى عدوية ، والمسلمون بيقولوا إن عندهم تسجيل لأبونا بشوى بيقول فيه إنه مفيش حد بيخطف حد لما واحده قالت له بنتى إتخطفت يا آبونا واحد تانى يرفع صباعه أيوه يا بشاى أيوه يا بونا بيحكوا إن فيه ناس راحوا لعم صفوت إللى فى الشارع إللى ورانا وقالوا ليه إنهم شافوا إبنه مكرم الشاب الجامعى فى معرض القاهرة للكتاب إللى فات شايل تحت باطه شنطة و بيوزع كتيبات إسلامية وأجزاء مطبوعة من القرآن بتاع المسلمين على الزوار وكان بيتخفى حتى لا يتعرف عليه أحد ولما شاهدوه بالصدفة إختفى عن أنظارهم ، ولما جم يواجهوه أنكر بشدة وقال ربما شخص آخر يشبهه ! مع إن الذين رأوه أكدوا إنه هو بشحمه ولحمه واحد يرفع يده خلاص يا قلدس مش عاوزين حكايات من النوع ده ، الحكايات دى تهدم الإيمان مش تثبته قلدس أنا عاوز أقول حاجة تانية يا آبونا اتفضل ليه الكنيسة بتحذر علينا قراءة القرآن بتاع المسلمين مع ان المسلمين ما عندهمش تحذيرات على قراءة الكتاب المقدس بعهديه القديم والجديد يعنى أى واحد فيهم ممكن يقرا الكتاب المقدس ، وده يخللى الناس تقول إن عقيدتنا ضعيفة وإيمانا أكثر ضعف من عقيدتنا بعكس المسلمين وعقيدتهم شوف يا قلدس عقيدتنا مش ضعيفة ولا حاجة وإيمانا فل الفل وآخر حلاوة بس إحنا بنخاف على ولادنا ، وزى المسيح له المجد ما قال أما خرافى فانها تسمع صوتى وتعرفنى ،كمان شبابنا زى الخرفان الصغيرة الأوزى لما واحد يمسك خروف منهم ويجره من ودانه أو من قرونه تلاقى الخرفان كلها ماشية وراه . وده متعلق بالموضوع الأول إللى هو كيف تتعامل مع الكافر وبالنسبة لأى واحد ممنوع عليه قراءة القرآن واحنا مختارين بعض الأشخاص إللى ليهم القدرة على المناورة والمحاورة ولعب الثلاث ورقات ونعطيهم آيات محددة من القرآن لاعبين فيها ومقطعين منها كشبهات يلاعبوا بيها المسلمين الكفار علشان يشككوا ضعاف الإيمان عندهم فى دينهم ومن ناحية تانية تثبت إيمان ولادنا فى عقيدتنا قبل آى حاجة وإللى إحنا إخترناهم بنقول ليهم خشوا المواقع الإسلامية وتكون على عينيكم غشاوة وقولوا الشبهة للمسلم ، طبعآ هو حيرد عليك على طول ويفند الشبهة لأن الشبهات كلها معروفة ومكررة ، والمطلوب منك إنك لا تنظر فى إجابته وكل إللى عليك إنك تقوله إنك لم تجاوب على السؤال أو تقول له إنك لم تقتنع باجابته . وفى الحالات التى يخبرك فيها إن هذه الشبهة موجودة فى قسم الشبهات فى نفس الموقع مع غيرها من الشبهات ومردود عليها قول له أنا عاوز أسمع الرد منك أو عاوز أعرف رأيك انت إيه وهكذا حتى لو جاوب على سؤالك مائة مرة لا تمل وقول له ولكنك لم تجب على سؤالى وخللى بالك إن المسلم حيكون صبور معاك فعليك إنك تثيره ببعض الكلمات إللى تمس كتابهم ورسولهم لتخرجه عن شعوره . طبعآ والشبهات معروفة ومطبوعة وموجودة فى كل كنيسة من كنائسنا ، والشبهات دى معروفة ولا تتغير من زمان خالص وزى ما بنقول فى الكنيسة على سبيل الضحك إن الكتاب المقدس بيحصل فيه تغيرات ولكن الشبهات إللى بنقولها للمسلمين ثابتة ولا يحصل فيها تغيرات مثل رضاع الكبير ، وزوجات رسولهم والزواج من عائشة وهى عندها تسع سنوات ، وغروب الشمس فى عين حمئة ، وحديث الذبابة وبول الإبل ….الخ الخ إحنا نقولهم الشبهات وهما يجاوبوا أكثر من ملايين المرات ، لا نمل ولا يملوا كمان بنقول لشبابنا إنه مش عيب إنك تختار لنفسك اسم انثى عند دخولك لأى موقع اسلامى علشان يحاسبوا عليك شوية ويراعوا انوثتك وبرضه مش عيب إنك تكذب وتقول إنك كنت مسلم قبل كده والمسيح حبك وهداك للمسيحية يعنى إتلون على قد ما تقدر ، وشوفوا انتم البابا بنفسه لما يحب يدحلب للحكومة يجيب ليهم الكلام إللى فى القرءان إللى بيقول لتجدن أقربهم مودة للذين آمنوا الذين قالوا إنا نصارى ولما المسلمون يقولوا حاجة غير كده يقولهم إحنا مسيحين مش نصارى والنصارى دول زى الخوارج عندكم . والأب زكريا كلنا عارفين إنه عامل جبهة وبيدافع عنا من ناحية واحنا كمان عاملين جبهة تانية علشان نسنده بدل ما يكون لوحده هو من ناحية واحنا من ناحية وأقباط المهجر من ناحية ثالتة والأنبا شنوده مكرس نفسه وقاعد ليل ونهار لعمل الخطط إللى نقدر بيها نضغط على آى حكومة علشان ناخد نصيب الأسد وأنتو عارفين إن دول الغرب بتسندنا وأمريكا ماسكة العصايا لو حد فتح بقه وأقباط المهجر مخلاينها حريقة وزى الهبلة إللى مسكوها تار . ثم يتجه القس إلى السبورة على الحائط وهو يتكلم والمسلم إللى يقولك يا مسيحى فكر شوية وشغل مخك ده واحد + واحد + واحد = ثلاثة مش واحد ترد عليه وتقوله هى مش علامة + دى عبارة عن علامة الصليب ، طيب لو مسكنا الصليب ده وضمينا منه طرفين شوية بحيث يكون زى المقص مش يبقى عبارة عن علامة× يعنى واحد × واحد × واحد = واحد يعنى الثلاثة مضروبين فى بعض !! ولو قالك انت بتخرف وتقول إيه ؟ ألهة إيه إللى مضروبين فى بعض ، ترد عليه وتقوله هو مش المسيح له المجد إنضرب قبل ما يصلبوه !أهو ده بيرمز لعلامة الضرب !!!!! أو تقوله المثل بتاع الشمس إللى كلنا عارفينه ومش فاهمينه وانها عبارة عن شمس وضوء وحنان قصدى وحرارة أو بلاش تقله المثل دة أحسن يقولك دى صفات للشمس وليست جواهر وآى صفهة منهم لا تسمى بمفردها شمس وأهم حاجة إنك تبين للمسلم إنك خايف عليه وتقوله المسيح بيحبك وخلص نفسك. وقبل النقاش مع أى حد فيهم يكون صليبك فى إيدك وحقدك فى قلبك وعقلك شايله فى أستك شرابك وضاربلك كاسين وطبيعى مش حتفهم آى كلمة منه لأن عقلك مش معاك والاسبوع الجاى نكمل سلام المسيح ونعمته معاكم  تمَّ وآخر دعوانا ان الحمد لله رب العالمين لا شريك له showman المزيد من مواضيعي
|
|||||||||||||||||||||
|
رقم المشاركة :6 (رابط المشاركة)
05.04.2012, 00:04
|
|||||||||||||||||||||
|
|||||||||||||||||||||
|
الدرس السابع حول تثبيت الإيمان
ما بعد الفاصل منقول من الأخ شومان بسم الله الرحمن الرحيم الحمد لله رب العالمين لا شريك له والصلاة والسلام على خاتم المرسلين توضيح سلسلة دروس الأحد هى من وضعى والمقصود منها هى توضيح الصورة برؤيا مبسطة لما يجرى فى هذه الدروس وكما أخبرنا الذين من الله عليهم بالإسلام ورفع عن أعينهم غشاوة الباطل وأصبحوا إخوة لنا فى الدين وما كان يلقن لهم من قبل من كراهية المسلمين والرسول الكريم وتخويفهم من سماع القرءان حتى لا ينقم عليهم الرب ، وإن المسلمون مثواهم النار لا محالة لكفرهم بالرب يسوع ، كما أردت أن اعبر عما يدور داخل الكثيرين ممن يتلقون هذه الدروس من أسئلة كثيرة تدور داخل كل منهم وتتعلق بمفهوم الإيمان عندهم ومن عقيدة مبهمة ولا يستطيعون طرحها على القساوسة أو ممن فوقهم خوفآ من بطش الكنيسة التى إستباحت عقول أتباعها وفرضت عليهم عدم السؤال وقالت عدم السؤال هو من تمام الايمان وبالتالى أضع ما أراه من إشكاليات القصد منها تعريف الأتباع بضلال الأباء . وأتركم الآن لأن الأب عريان المكفى قد وصل ====================================== درس الأحد ( 7 ) تثبيت الايمان الأب عريان المكفى صباح الفل والياسمين وسلام المسيح لجميعكم النهاردة درس عن تثبيت الايمان فى نفوس شبابنا وماذا يمثل الايمان عند كل واحد منكم ،هل عندك شك فى ان الرب يسوع خلصك لما فداك بدمه على الصليب وانه له المجد شتموه وضربوه وشلحوه من هدومه وشرب المر علشانك وانت قاعد مستريح بعد ما أخطات وأكلت من شجرة المعرفة وماهانش عليه إنه يسيبك تموت بخطيتك ومات هو نيابة عنك !! واتعرض للبهدلة من إبليس فى التجربة وابليس معرفش شخصيته علشان الفداء يتم زى الرب ما خطط ليه ونحمد ربنا إن إبليس مخدش باله من شخصية الرب مكناش حنعرف ساعتها إيه إللى كان حيحصل !! كان حيمنعه أو يشد ودنه ويقوله متعملش كده تانى أو كان حينصحه إنه ما يعملش الفداء أومكنش حيخللى الرب يقوم من الموت بعد ما دفنوه ويصا يرفع إيده أيوه يا ويصا عاوز تقول إيه مين إللى حمل الصليب يابونا المسيح له المجد أم سمعان القيراونى يا ويصا يا حبيبى هو الصليب ده مكون من إيه ؟ مش عبارة عن عودين من الخشب واحد أطول من التانى متقاطعين مع بعض يعنى واحد بالطول وواحد بالعرض بيتم تثبيتهم مع بعض بالمسامير أهو المسيح له المجد كان شايل عود منهم وسمعان كان شايل العود التانى  وديع يرفع إيده أيوه يا وديع إتكلم أنا يابونا لما آجى علشان أصلى وأقول آباناالذى بيجى فى خيالى صور كثير للمسيح له المجد أحيانآ على شكل حمامة وأحيانآ على شكل خروف وأحيانآ على شكل واحد عريان على الصليب وأحيانآ على شكل طفل على إيد العدرا وأحيانآ على شكل شمس خارج منها شعاع ومفيش صورة بتبقى ثابته ليه على طول هل ده غلط يابونا مش غلط ده كويس وعلشان المسيح بيحبك حط ليك كل الصور قدام عينيك وبيقولك إنه كل الصور دى فوزى يرفع إيده أيوه يا فوزى خير ليه يابونا فى التناول ما باحسش بإن الخبزة هى لحم المسيح وبأحس ان طعمها خبزة بس ، كمان النبيذ ملوش طعم الدم أنا عارف إن المسيح له المجد قال للتلاميذ عن النبيذ هذا دمى وهذا جسدى عندما كسر الخبز وبارك فهل كان جسده له المجد بدون عضم لأن الخبزة ليس فيها شيىء إجلس يا فوزى المرة الجاية حاحط ليك مسامير فى الخبزة بتاعتك مش عاوزين أسئلة بايخة من النوع ده يا أبنائى انتو مش بتحسوا ساعات بان الخبزة وقفت فى زوركم وأحيانآ بتدخل جوه سنانكم وساعات تجلكم شرقه أهو ده بسبب العضم بتاع المسيح له المجد نادية ترفع إيدها أيوه يا نادية سؤال مش خايب يابونا هو لما بنتناول الخبزة بنتناول كافة الجسد يعنى إيه كافة الجسد ؟ أقصد الجسد بمنافعه وانت طبعآ عارف يعنى إيه المنافع يابونا!! يعنى المخارج (السباكة يعنى ) هو فى الحقيقة يانادية الجسد بيبقى شامل كل حاجة وبعدين تلاميذ المسيح ما إعترضوش على حاجة بالعكس كانوا موافقين نادية ممكن أبقى أشيل من الخبزة الحتة إللى أنا بأشك فيها وأخللى الحتة إللى أنا بأحبها اقعدى بلاش تهريج مايكل يرفع إيده أيوه يا مايكل إتفضل احنا بنشوف الغرب يابونا بيعمل أفلام رعب عن أكلة لحوم البشر ( الزومبى) هل ده ليه علاقة بأكل جسد الرب وشرب دمه الغرب يا مايكل أغلبه منحل ومالوش فى الدين واحنا شوفنا قالوا إيه عن المسيح له المجد مش قالوا إنه إتجوز المجدلية وخلف منها ده محدش منهم يامايكل بيخصى نفسه زينا من أجل الملكوت إحنا خرفان أكتر منهم وبنسمع الكلام غيرهم خالص زكى يرفع إيده أيوه يا زكى بصراحة يابونا فيه نقطة محيرانى قول يا زكى إيه إللى محيرك فى سفر التكوين يابونا ربنا قال لآدم لا تأكل من هذه الشجرة والشجرة دى كانت شجرة المعرفة مضبوط يابونا مضبوط يا زكى يعنى آدم مكنش يعرف آى حاجة قبل ما ياكل من شجرة المعرفة آمال إزاى اتعرف آدم على حوا لما صحى من النوم ووجدها جنبه من أين جتله المعرفة وهو لم يكن قد أكل بعد من الشجرة !!!!!!!!! وقال هذه عظم من عظامى ولحم من لحمى هذه تدعى امرأة لانها من امرء اخذت !!!!!! الأب عريان يسكت برهة ثم يتكلم ربما آدم مص مصة من ثمرة من شجرة المعرفة ولكنه لم يأكلها فحصل على جزء قليل جدآ من المعرفة !! يا أبنائى لابد أن يكون المسيحى مثل الفأر وجحره له مئات الفتحات إذا سدوا عليه فتحة خرج من الأخرى يوم الأحد الجاى نكمل سلام المسيح لجميعكم وأخر دعوانا ان الحمد لله رب العالمين لا شريك له وصلاة وسلآمآ على من إرتضاه ليكون خاتم رسله ورسالته آخر الرسالات showman المزيد من مواضيعي
|
|||||||||||||||||||||
|
رقم المشاركة :7 (رابط المشاركة)
05.04.2012, 00:05
|
|||||||||||||||||||||
|
|||||||||||||||||||||
|
الدرس الثامن سؤال وجواب
ما بعد الفاصل منقول من الأخ شومان توضيح : للأمانة هذه الشخصيات المذكورة بأسماءها هى من وضعى وليست حقيقية ، والمراد منها وضع التصورات لما يحدث فى مثل هذه الدروس وما يعتلج داخل الشخوص الحوارية من أسئلة تخص إيمانهم الموضوع بمعرفة أشخاص وليس موحى به من الرب ، وما يظهر لهم من تناقضات تستدعى تفسيرآ لها ، فكما هو مطلوب منهم كراهية المسلمين ورسولهم وقرءانهم ونعتهم بالكفار ، فمن حقهم أيضآ أن يوضح لهم آباء الكنيسة الكثير الكثير عن حقيقة إيمانهم وصحة عقيدتهم التى وضع بولس أركانها بترهات الباطل ، فالكثير منهم لا يؤمن بأن هناك دين بلا شريعة ولا شريعة بدون تكليفات ولا تكليفات بدون عمل وليس دين تكفيك فيه فقط المحبة !! وقولهم ان عدل الله تم بالخلاص وفداء يسوع !!! عدل الله ومحبته أيها الواهم ألآ يترك الأجيال تحمل إثمآ لم تفعله وتنوء به حتى يأتى يسوع ويحمله ويصلب ويدفن معه عدل الله ومحبته إيها الواهم أن يرفع الاثم مع أول نبى يبعثه إلى الأرض إلى ولد آدم لو كان هناك إثم لم يتوب آدم منه هل عدل الله ومحبته إيها المأفون أن لا تذكر الأنبياء وكانت تأتى تباعآ ولم يتكلم آى منهم عن خطيئة آدم أليس من عدل الله ومحبته أن تتكلم الأنبياء وتخبر أقوامها بأن الله ما زال ساخطآ عليهم لآكل أبيهم من الشجرة هل من عدل الله ومحبته أن يدخل إبراهيم خليله وموسى كليمه ويعقوب الذى إجتباه ونوح النبى الذى نجاه من الغرق وكوكبة الأنبياء والرسل الكرام هل من عدله ومحبته سبحانه أن يدخلهم النار حتى يأتى يسوع وينزل إلى الجحيم ويخلصهم هل من عدل الله ومحبته أن يقتل إبنه عامدآ متعمدآ من أجل آدم ، ويللكم كيف تحكمون يا أهل حاشا ألآ ترون إنكم بباطلكم جعلتم عدل الله يناقض محبته يا أهل المحبة حبه .. حبه من فضلكم والأن مع الدرس =============================================== ( 8 ) درس الأحد سؤال وجواب وكمان إستكمال درس تثبيت الإيمان الأب عريان المكفى سلام ونعمة يا حبايبى النهاردة حنكمل درس الحد إللى فات بتاع تثبيت الإيمان وإللى عنده سؤال ومحيره يفرد صباعه ويرفعه ، بس مش آى سؤال ، عاوزين سؤال يتعلق بالإيمان وبإثبات صحة الكتاب وبالرب يسوع له المجد ، والأسئلة تكون عن العهد الجديد وحنخللى القديم لبعدين وياريت نبعد كمان عن التثليث والأقانيم والحاجات إللى مش قادرين نستوعبها ومتفتكروش إنى مش فاهم لأ إنما علشانكم انتم لأنه موضوع يتوه نبتدى بأول سؤال أيوه يا فكرى فكرى يقوم وهو يتصفح صفحات من إنجيل فى يده فى إنجيل البشير لوقا لما العدرا أم النور ويوسف النجار فقدوا الرب يسوع وعادوا للبحث عنه وعندما وجدوه قالت أم الرب يا بنى لماذا فعلت بنا هكذا هوذا ابوك وانا كنا نطلبك معذيين والسؤال هو لماذا قالت له ام النور هوذا ابوك ، والنجار زى ما احنا عارفين مش أبوه لماذا لم تقول له عمك يوسف وانا كنا نطلبك يا فكرى يا حبيبى العدرا مريم ام الرب له المجد كانت كلها شفقة وعطف وحنية ومحبتش تخللى الرب ينكسف قدام الناس فى الهيكل ويقولوا عليه إنه من غير أب علشان كده قالت على يوسف النجار إنه أبوه كده و كده يعنى !!!، أو يكون يوسف النجار ومريم ما كنوش لسه صارحوا الرب بإن يوسف النجار مش أبوه !!! ، أو يمكن يوسف النجار كان شماس أو قس زى حالتنا كده وفى الحالة دى لما تقوله أبوك وانا كنا نطلبك متبقاش غلطت أو كدبت حاشا وده ممكن يكون الاحتمال الأقوى !!!!! فكرى وهو ينظر فى الإنجيل بس يا بونا البشير لوقا قال قبل كده (وكان أبواه يذهبان كل سنه الى اورشليم فى عيد الفصح) والمفروض انه يقول وكان يوسف النجار ومريم يذهبان كل سنه الى اورشليم هو البشير لوقا كان شاكك فى نسب الرب يسوع اقعد يا فكرى بلاش تجديف لو كنت كبير شوية كانوا خدوك على دير النطرون، ولا انت عاوزنى أعبطك بنفسى واخللى يوسف يضربك بالعصايا على بطنك أيوه إتفضل يا عبد المسيح عبد المسيح ليه يا آبونا فى أعمال الرسل إختلفت روايات بولس الرسول لما ظهر ليه الرب فى الطريق وقال إنه حيرسله للأممين فمرة يقول إن الضوء الشديد أبرق حوله ومرة يقول أبرق حولى وحول من معى ومرة يقول سمعت الصوت وحدى ومرة يقول الذين كانوا معه سمعوا الصوت ومرة سقطت وحدى ومرة يقول سقطنا جميعآ مع ان المعروف إن الضوء الشديد عندما نراه فهو يصيبنا بعمى وقتى يجعلنا لا نرى من حولنا وهو اعترف بذلك فكيف شاهد من حوله وهم يسقطون على الأرض ، ولماذا شبه المسيح له المجد بولس الرسول بالحمار لأن يسوع قال له لماذا تضطهدنى ومن الصعب ان ترفس مناخس ، فاذا كان الحمار لا يستطيع أن يرفس مناخسه فكيف يستطيع أن يضطهده هل تعتقد ان فى إمكان الحمار يابونا أن يضطهد صاحبه!!! يا عبد المسيح ، يا عبد المسيح يا حبيبى بولس الرسول لما رأى الضوء الشديد وسمع الصوت سقط على الأرض ولما وجد ان الضوء أعشى بصره اعتقد ان الناس إللى معاه سقطوا مثله على الأرض ، وكان من شدة الضوء ان العمى أصاب عينية لمدة ثلاثة أيام واخدين بالكم من العدد ثلاثة ده لدرجة ان عينيه عمصت علشان مكنش قادر يفتحهم طول الفترة دى لأن الضوء أجهد عينيه ، وبعد كده العماص لما نشف على عينيه سقط لوحده وافتكره قشور وقدر انه يبصر بعد كده ، وعلى فكرة عملية الصوت والضوء دى إللى حكى عنها بولس الرسول استغلتها هيئة الآثار وطبقتها فى مصر وعملت الصوت والضوء فى الاهرامات وابو الهول جورج يرفع يده أيوه يا جورج المسيح له المجد قال فى انجيل متى ( يتكلم جورج وهو ينظر فى الانجيل) فان ابن الانسان سوف ياتي في مجد ابيه مع ملائكته و حينئذ يجازي كل واحد حسب عمله آى فى آخر الزمان فكيف جاء وكلم بولس الرسول وهو فى طريقه إلى دمشق بس يا جورج المسيح له المجد مقلش إنه مش حيجى يقابل الرسول بولس ، هو قال إنه حيجى يجازى وده ما يمنعش إنه يجيى يقابل فكرى يجلس وهو مستغرب من الاجابة أيوه يا مرقص مرقص يقف ويتكلم هو يا ابونا مش يسوع هو الابن وهو الاب أيوه يا مرقص طيب ليه طلب من تلامذته يحلوا ليه الآتان والجحش يعنى يسرقوهم وقانون الايمان إللى وضعه آباء الكنيسة بيقول ان كل شيىء به كان يعنى هو إللى أوجدهم يعنى الآتان والجحش عارفين كده طيب ليه مقلش لتلاميذه ترووحوا للإتان والجحش وتقوللهم كلموا الرب أو الرب محتاج ليكم ، وليه الآتان والجحش يا ابونا ألآ تكفى الآتان فقط اقعد يا ظريف يا ابو دم خفيف ياللى الذكاء حياكل منك حتة كلكم بتقولوا ليه الآتان والجحش ونسيتوا ان الجحش من الصعب انه يفارق امه وكمان الآتان ماكنتش حتوافق انها تروح معاهم بدون ابنها الجحش وكانت حتحرن ، وبعدين الرب مقلش لتلاميذه رووحوا للأتان والجحش وقوللهم كلموا الرب عارفين ليه ؟ لإنهم مكنوش حيفهموا لأنهم حمير زى حضراتكم !! فهمت يا ناصح يا أبو دم خفيف أيوه يا رمزى رمزى بالنسبه للإعتراف مطلوب منا يا آبونا اننا نعترف للمعرف علشان تغفر خطايانا والاعتراف من الأسرار السبعة وضرورى ، يعنى لا زم الواحد يقر بخطيته ومفيش مغفرة بدون اعتراف وبالنسبة للقربان فالمسيح له المجد ناب عنا بدمه لما اتصلب على الصليب الأب عريان مضبوط ….. مضبوط مفيش مغفرة بدون اعتراف وكل واحد منكم ميأخرش اعترافه جايز يموت قبل ما يعترف وما يحصلش على التوبة ، ويموت فى خطيته وزى انت ما قلت الرب فدانا بدمه على الصليب ومبقاش مطلوب منا نقدم قربان برافو يا رمزى رمزى بس يا بونا البشير متى قال فى انجيله انهم قدموا ليسوع له المجد مفلوج مطروح على الفراش ويسوع قال ليه ثق يا بنى مغفورة لك خطاياك طيب وإيه المشكلة يا رمزى ماهو حلو كده هو مش اليسوع بيغفر الخطايا رمزى أيوه يابونا بس المفلوج ما اعترفش يعنى حصل على مغفرة بدون اعتراف كمان المسيح لسه مكنش لسه اتصلب ولا سال دمه لما الحربة جت فى جنبه ، يعنى يابونا الفداء كان لسه متمش طب إزاى اتغفر للمفلوج ذنبه الأب عريان وهو ينظر فى ساعة يده ياه الوقت خدنا يوم الحد الجاى نكمل سلام ونعمة المسيح معاكم وآخر دعوانا ان الحمد لله رب العالمين لا شريك له showman2 المزيد من مواضيعي
|
|||||||||||||||||||||
|
| العلامات المرجعية |
| الكلمات الدلالية |
| للأخ, مجمعة, الأحد, العبقري, دروس, سلسلة, شومان |
| الذين يشاهدون هذا الموضوع الآن : 1 ( 0من الأعضاء 1 من الزوار ) | |
|
|
|
الموضوعات المتماثلة
|
||||
| الموضوع | كاتب الموضوع | المنتدى | ردود | آخر مشاركة |
| حلقات دروس ابي .. سلسلة تعليمية للأطفال | فاطمة الزهراء | روضة الطفل المسلم | 0 | 26.11.2011 10:51 |
| جميع دروس الدكتور حازم شومان بروابط مباشرة | كلمة سواء | قسم الصوتيات والمرئيات | 1 | 08.03.2011 16:20 |
| سلسلة بداية الهداية // للشيخ حازم شومان | كلمة سواء | قسم الصوتيات والمرئيات | 0 | 09.01.2011 11:47 |
| دروس الأحد (كنسية اسبوعية ) | showman | القسم النصراني العام | 22 | 19.06.2010 19:46 |
| جميع دروس فضيلة الدكتور حازم شومان | أبو السائب أكرم المصري | قسم الصوتيات والمرئيات | 0 | 27.05.2010 08:07 |
العرض المتطور
